Matioo̱ 1:1 - Xo̱jo̱n eén Néná

¹ Kuí bí xo̱jo̱n nínga kjitꞌa jaꞌeén xota̱ tji̱e̱ xi chji̱a̱ni Jesukristoo̱, kui xi xota̱ tji̱e̱e̱ Ndabii̱, kó Ndabii̱ ndií Abraa̱n.

Matioo̱ 1:1 Iomraidhean Croise

Jenesii̱s 12:3

Xi nda sa̱ꞌínjoo̱, nda ka̱mataꞌin, kó xi ndajín sa̱ꞌínjoo̱, ndajín ka̱mataꞌin kui. ¡Ta̱ngatꞌanii̱ ji nga ka̱machikonñé ngayeje na̱xi̱ńdá xí tjín nga̱sondiee̱!»

Jenesii̱s 2:4

Bi̱ tsꞌén kjindibáni nga katsꞌénda Néná nkꞌa jàn ko̱jo nga̱sondiee̱. Kui ni̱xtjin jàn,

Jenesii̱s 5:1

Néná katsꞌénda xota̱ nga̱sondiee̱ xikó má kjiꞌi kui, bo̱a̱ má kjiꞌi katsꞌén. Xi xi̱ꞌin ko̱jo xi chjo̱on katsꞌénda, sꞌe̱ katsꞌénchikonñé, kó «xota̱ nga̱sondie» katsoó. Kꞌi̱e̱ kjitꞌa kꞌi̱e̱e̱ xota̱ tji̱e̱e̱ Andaa̱n.

Xo̱jo̱n Salmoo̱ 89:3

Jí boá xi bi̱ kase ji: Ngo ni indajo̱ an kui xi jaꞌajin an, katsjáa̱ ndso̱ꞌba án Ndabii̱, kui xi moso̱na nga bi̱ kixiáa̱n:

Xo̱jo̱n Salmoo̱ 89:36

Ngatsjéni̱xtjin nga kꞌuíndo xota̱ tji̱e̱e̱, kó ngi̱ndie nínga botíxomaa̱ kꞌuijñá xikó maá tsꞌueé, xtji̱e̱e̱n kje̱n án.

Matioo̱ 1:18

Bi̱ kamá nga katsen Jesukristoo̱: Na̱ Riyaa̱, na̱aa̱n Kjisoo̱, ja̱bo̱a̱ jé índa nga Kosiee̱ ku̱i̱xanjo̱, ta̱nga ngindiee̱ nga kꞌuíndojo̱ xkjín, kamábe nga A̱si̱énni̱xtjii̱n Néná ngo ndí jè katsjaá.

Matioo̱ 1:2

Abraa̱n na̱ꞌmii̱ Isaa̱, kó Isaa̱ na̱ꞌmii̱ Jako̱b, kó Jako̱b, na̱ꞌmii̱ Jundáa̱ ko̱jo ntsꞌi̱e̱.

Matioo̱ 15:22

Kó ki̱a̱ ngo xota̱chjo̱on xí chji̱a̱ni nangi Kananea̱ askjandáyátji̱ngii̱ Kjisoo̱, kó bi̱ katsoó: ¡Ndi̱a̱, ji xi xota̱ tji̱e̱e̱ Ndabii̱ ji, ngatamani̱ma̱a̱ an! Tsa̱kjìnna achichí kjo̱a̱ni̱ma̱ tsꞌénfoaꞌatio ngatꞌa̱ ngo a̱si̱énni̱xtjii̱n xindajín tjíjii̱n.

Matioo̱ 3:16

Kó ngije kastindá Kjisoo̱, jataxie ngi̱jin ndáfoaa̱, kó katjoxꞌá ndiꞌakꞌajmi jàn, kó kamábe nga jatjajen A̱si̱énni̱xtjii̱n Néná nga ja̱kjiꞌi tójo má kjiꞌi, kó kjindibánié Kjisoo̱.

Matioo̱ 9:27

Kó nga jatjo Kjisoo̱ ki̱a̱a̱, jó já xí ti̱ka̱ kijítji̱ngii̱, kó bi̱ katsoó nga askjandáyaá: ¡Kjisoo̱, ji xi xota̱ tji̱e̱e̱ Ndabii̱ ji, ngatamani̱ma̱a̱ ji̱n!

Rkaa̱ 1:33

kó ngatsjéni̱xtjin nga ko̱tíxoma na̱xi̱ńdaá, kui xi ndiꞌaa̱ xota̱ tji̱e̱e̱ nda̱ xi ꞌmí Jako̱b, kó kui kjo̱a̱botíxomaa̱ jmíni̱xtjin kju̱i̱e̱.

Juaa̱ 7:42

A mí tsí bo̱a̱ tsó xo̱jo̱n eén Néná nga Kristoo̱, xota̱ tji̱e̱e̱ Ndabii̱ ka̱ma, ko̱jo nga na̱xi̱ńdáꞌniú Belee̱n xò kji̱ndi̱báni, nangi nínga katsen Ndabii̱.

Ni xi kamá 2:30

Ta̱nga nga nda̱ chji̱ni̱e̱ꞌe̱én Néná kamá Ndabii̱, Néná xí katsóyàtjoón nga ngo nda̱ xi xota̱ tji̱e̱e̱ kui xi ko̱tíxomaa̱ Israee̱l.

Xota̱ Roma̱ 1:3

Kuí eén xi chji̱a̱ kjo̱a̱a̱ ndií, kui xi Ndi̱a̱ná Jesukristoo̱. Kui xi xota̱ tji̱e̱e̱ Ndabii̱ kjindibáni nga katsen xikoó ñá.

Xota̱ Roma̱ 4:13

Ngatꞌa̱ jmí tsi kjo̱a̱a̱ kjo̱a̱kitii̱ nga Abraa̱n, ko̱jo xota̱ tji̱e̱e̱ katseꞌeé ni xi katsó Néná nga kui nga̱sondiee̱ tsi̱ꞌe̱ ka̱ma, ta̱ngatꞌanií kjo̱a̱kixi̱i̱ kjo̱a̱sꞌijii̱n.

Xota̱ Roma̱ 9:5

Xota̱ Israee̱l kuí xí xota̱ tji̱e̱ xchaá xota̱ xi jaꞌájin Néná, kó ngi̱jii̱n kui xotaa̱ jatjo kui xi katsó Néná nga kjindibáni Kristoo̱ nga jín nga yojo ka̱ma xikoó ñá, kuí boá xi Néná xí botixómaá ngayeje ni xi tjiín. Ngatamachikonñé kui ta̱ kjiꞌání. Bo̱a̱ kjiꞌi.

Xota̱ Ngalasia̱ 3:16

Ngotꞌe̱ ꞌne̱ ndakjíꞌí, Néná katsóyàtjoón Abraa̱n ni xi tsja̱á ko̱jo xota̱ tji̱e̱e̱. Ta̱nga xo̱jo̱o̱n chji̱a̱jín kjo̱a̱a̱ xota̱ tji̱e̱ xi kjín, chji̱a̱ nga ta̱ ngo tsi, nga bi̱ tsó: “Tji̱e̱ xi tse̱”, tjítsó. Kui tji̱e̱e̱ kuí xí Kristoo̱.

1 Timoo̱ 2:5

Ngatꞌa̱ ta̱ ngo tsí má Néná, kó ta̱ ngo tsí má xi chji̱a̱tjená ñá ngindyi̱ko̱n Néná, kó kuí boá xi Kristo̱ Kjisoo̱, kui xi xota̱ nga̱sondie boá nga.

2 Timoo̱ 2:8

Ngatjaꞌátsjiee̱n Jesukristoo̱ nga xota̱ tji̱e̱e̱ re Ndabii̱ chji̱a̱ni, ko̱jo nga jaꞌáꞌyaá ngi̱jii̱n xota̱ xi je jesoón, xikó tsó éntjatsi̱e̱e̱ Néná xí tsꞌénxiya an.

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.