Markoo̱ 9:9 - Xo̱jo̱n eén Néná

⁹ Kó nga ndyi̱fotjajen tji̱ngi̱ nkꞌaa̱, Kjisoo̱ bo̱a̱ katsoó nga jmíjín xi ka̱tso̱yaa̱ ni xi kamábe, ngaskande nga ndií nda̱ xi̱ꞌii̱n kjo̱a̱ꞌáꞌyaá ngi̱jii̱n xota̱ xi je jesoón.

Markoo̱ 9:9 Iomraidhean Croise

Matioo̱ 12:19

Ngojín xota̱ skjo̱tíjo̱, ti̱nde skja̱ndáyàjín, ngojín xota̱ xi ku̱i̱ntꞌiè nda̱a̱ ngi̱ya ndi̱yàtié.

Matioo̱ 12:40

Ngatꞌa̱ xikótsꞌèn kisꞌijña Jonaa̱ ján ni̱xtjin ko̱jo ján ni̱xtji̱e̱n ngi̱ya nga̱tsꞌo̱a̱ ngo tji̱o̱ xi ꞌniú je, ti̱ bo̱a̱ ti̱ tsꞌén ndií nda̱ xi̱ꞌii̱n, ján ni̱xtjin ko̱jo ján ni̱xtji̱e̱n kꞌuijñá ngindie tꞌanangii̱.

Matioo̱ 16:21

Ndeskande koó kjiꞌa ítsꞌi̱yanii̱ Kjisoo̱ nga katsóyaà xota̱ tsi̱ꞌe̱, nga chjiéngá ko̱e̱je̱ na̱xi̱ńdáꞌniú Jerusale̱n, kó nga chjiéngá tsie kjo̱a̱ni̱ma̱ kjo̱a̱ꞌatio ngi̱ya tsja já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Matioo̱ 27:63

kó bi̱ katsó: –Ndi̱a̱, je jaꞌátsjienjne̱ nga kui nda̱ ndisoo̱, bi̱ katsó nga kisꞌijña: Ngije kjo̱a̱ꞌa ján ni̱xtjin kjo̱a̱ꞌáꞌyána.

Matioo̱ 8:4

Kó Kjisoo̱, bi̱ katsoó: –Jéꞌe̱n, ngata̱ ꞌyàjín xi ꞌmíyée̱ kui nii̱, ta̱sá tꞌenchíi̱n chináꞌmii̱, kó te̱ꞌé ji ngo chji̱e̱ xikó kjiꞌi xi si̱ꞌankꞌasꞌien xi katsó Moisee̱ nga atíxoma, tsi̱ꞌe̱ nga sku̱i̱e̱ kui jaá nga je kamándaya ji.

Markoo̱ 5:43

Kó Kjisoo̱ bo̱a̱ katsoó xotaa̱, tsi̱ꞌe̱ nga ta̱ꞌyajín xi kꞌuiyaá kui ni xi katsꞌén, kó tsíꞌá tsi̱ꞌe̱ nga ko̱e̱ꞌeé nichinie kui tsa̱kjìnchií.

Markoo̱ 7:36

Kó Kjisoo̱ bo̱a̱ katsoó ngayeje xotaa̱, tsi̱ꞌe̱ nga ta̱ꞌyajín xi ka̱tso̱yaa̱ ni xi katsꞌén, ta̱nga ngase ma nga ꞌniú atíxomaa̱ xotaa̱ nga ka̱tso̱yàjín ni xi kamábe, ta̱sá ma íni̱jmì kuí xotaa̱ ni xi kamaá.

Markoo̱ 9:10

Kó kuíni nga ta̱ kui kixindyiajin soboárií kui eén, ndatsi asíyá ja̱kꞌi̱e̱ ja̱ngajaán xkjín, kjo̱a̱a̱ mí ni xi mejeén tsó nga kjo̱a̱ꞌáꞌyaá ngi̱jii̱n xota̱ xi je jesoón.

Markoo̱ 9:8

Kó ti̱ kjiꞌa askotsijen nginí kui jaá nga ngo foaꞌatjiyajoo̱n, kó nde ngojín xi kamábe, ta̱kuítsí Kjisoo̱ xi tikón soboá.

Rkaa̱ 24:46

kó bi̱ katsoó: –Bo̱a̱ tsꞌén je kjitꞌa xo̱jo̱o̱n nga chjiéngá tsie kjo̱a̱ni̱ma̱ kjo̱a̱ꞌatio Kristoo̱, ko̱jo nga xi ma ján ni̱xtjin kjo̱a̱ꞌáꞌyaá ngi̱jii̱n xota̱ xi je jesoón,

Rkaa̱ 9:36

Kó ngije ngiti̱ kandaꞌyájín kui nda̱a̱, Kjisoo̱ kisꞌijña soboá. Kó kui jaá ta̱ꞌyajín xi katsóyaà ni xi kamábe kui ni̱xtjin jàn.