Markoo̱ 9:47 - Xo̱jo̱n eén Néná

⁴⁷ Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, ta̱sá nda ngase nga ta̱ ngo tsi ndyikin ndyi̱a̱ nga ku̱i̱tjásꞌi̱n nínga botixómá Néná, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ndo̱bo̱a̱ṉkꞌi̱e̱e̱n,

Markoo̱ 9:47 Iomraidhean Croise

Jenesii̱s 3:6

Kó kui naa̱ askotsijee̱n nga ma chinie kui too̱, kó nga tsjakon kamaá, kamáxke̱, sꞌe̱ katsꞌénkjiín ini̱ma̱a̱ nga kui too̱ xi tsja̱á kjo̱a̱kjínkón. Kó bo̱a̱ tsꞌén tsꞌenje̱n ngo too̱ kui yaá, sꞌe̱ iskjinie. Jaskan katsjaá xi̱ꞌii̱n, kó iskjinie kui nda̱a̱ nga.

Joo̱b 31:1

»Jè bo̱a̱ kixiáa̱n ndyikón an nga chꞌójín tsꞌén skotsíjee̱n ínchjín xo̱ngo̱ò.

Xo̱jo̱n Salmoo̱ 119:37

Ngata̱ boeꞌéndièjín ji nga ni xi Nénájín xi kjuíntjíngí an, ngatꞌa̱ ta̱ jí tsí xi sa̱ꞌindikoón. ¡Ti̱ꞌinkjatjosén ji ni xi kiꞌmíyetjén, kó ti̱ꞌinꞌnítakínní!

Matioo̱ 18:9

Kó tsi ndyikin sku̱i̱e̱ ngo ni xi ko̱ngijeé, ꞌna̱xié ji, kó kjin ti̱chíjmi, ta̱sá nda ngase tsi ta̱ ngo tsí ndyikin ndyi̱a̱ nga ku̱i̱tjásꞌi̱n kjo̱a̱mindyion ngatsjeé, ta̱bo̱a̱jiín tsi nga jó ndyikin ndyi̱a̱ nga ku̱i̱chíjmijii̱n ngi̱jin ndiꞌií ndo̱bo̱a̱ṉkꞌi̱e̱e̱n.

Matioo̱ 5:22

Ta̱nga an tꞌíxián an, nga ta̱ ꞌyání xi sa̱ꞌínxchánjo̱ ntsꞌi̱e̱, ka̱majeé, kó ta̱ ꞌyání xi kitikjo̱a̱ ka̱tso̱o̱ ntsꞌi̱e̱, jáxaá sa̱ꞌínjeé, kó ta̱ ꞌyání xi tsobé ka̱tso̱o̱ ntsꞌi̱e̱, kuí boá xi je mején ko̱e̱je̱ ngi̱jin ndiꞌií ndo̱bo̱a̱ṉkꞌi̱e̱e̱n.

Markoo̱ 9:43

Kuíni nga tsi ndse̱ ko̱ngijeé, ta̱sá ti̱chékjé jí, ta̱sá nda tsi ka̱tòn ndse̱ nga kꞌuieé kjo̱a̱mindyion ngatsjeé, ta̱bo̱a̱jiín tsi síndo nga jó ndse̱ nga kꞌuin jí ndo̱bo̱a̱ṉkꞌi̱e̱e̱n, ngi̱jii̱n ndiꞌí xí jmíni̱xtjin ꞌboo̱,

Markoo̱ 9:46

nínga chi̱ndoo̱ kui xotaa̱ fesónjín, ti̱nde ndiꞌií jmíni̱xtjin ꞌbo.

Rkaa̱ 14:26

–Tsi tjín káꞌá xota̱ xi mejeén ko̱e̱je̱tji̱ngina, kó tsi ꞌniú tjó ngasee̱ na̱ꞌmii̱, ko̱jo na̱aa̱n, ko̱jo chjo̱ón, ko̱jo ndií, ko̱jo ntsꞌi̱e̱, ko̱jo ndichja, ko̱jo ngaskande yojoo̱, ka̱májín xota̱na ka̱ma.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Xota̱ Ngalasia̱ 4:15

Kuíni nga, ñá tikón kui kjo̱a̱tsja xi kisꞌiejnú kui ni̱xtjii̱n. Ngatꞌa̱ ka̱mana xiyà an nganda tsa̱jún, nga ngaskande ndyikonjnú kaꞌnaxiéjnú tsi an tsíꞌájnúꞌun, kó kamá katseꞌéjnúꞌun.