Markoo̱ 9:41 - Xo̱jo̱n eén Néná

⁴¹ Kó ta̱ ꞌyání xi tsja̱ajnú ngo boso̱ ndáfoa ngatꞌa̱ an timatji̱ngijnúꞌun, ja̱koxi̱ ni xi xiánjnúꞌun nga sa̱kórií ni xi je katsꞌén.

Markoo̱ 9:41 Iomraidhean Croise

Matioo̱ 10:42

Kó ta̱ ꞌyání xi tsja̱á ngo boso̱ ndáfoa nchꞌàn kui já xí tjimátji̱ngina, kjo̱a̱a̱ nga xota̱ tsa̱ꞌa̱n, ja̱koxi̱ boá nga sa̱ko̱ó ni xi je katsꞌén.

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Markoo̱ 4:10

Kó jaskan ngije kisꞌijña soboá Kjisoo̱, xota̱ xi kisꞌińdotꞌaa̱ ko̱jo nga tiejó xota̱ tsi̱ꞌe̱, asíyaá kjo̱a̱a̱ kui énkjín xi katsóyà.

Xota̱ Roma̱ 14:15

Ta̱nga tsi ta̱ngatꞌanii̱ nichiniee̱ nga ntsꞌie ndasen kꞌuijñá ngindyi̱ko̱n Néná, ja̱ jè ngiti̱ tjójiín ntsꞌie. Ngata̱ niꞌínjín ji ngo ni nga ta̱ngatꞌanii̱ nichiniee̱ xcha̱ja xota̱ xi Kristoo̱ kꞌientjéni.

Xota̱ Roma̱ 8:9

Ta̱nga jún je ngiti̱ bo̱a̱jín tsꞌén tindyiónjnú xikoó xotaa̱ kui nga̱sondiee̱, tindyiónjnú xikoó ni xi tsi̱ꞌe̱ A̱si̱énni̱xtjii̱n, ngatꞌa̱ A̱si̱énni̱xtjii̱n Néná tikónjinjnú. Ta̱nga tsi tjín xota̱ xi jmíjiín A̱si̱énni̱xtjii̱n Kristoo̱, Kristoo̱jín chji̱a̱ni.

1 Xota̱ Korinto̱ 15:23

Ta̱nga ńgó tji̱e̱n ńgó tji̱e̱n kjo̱a̱ꞌáꞌyaá xikótsꞌèn tsoboaá nga ngo nga ngo: Tjón má Kristoo̱ je jaꞌáꞌyaá, sꞌe̱ jaskan kjiꞌanga kjo̱e̱ꞌe nginí Kristoo̱, kjo̱a̱ꞌáꞌyaá xota̱ xi tsi̱ꞌe̱.

1 Xota̱ Korinto̱ 3:23

kó jún Kristoo̱ ndokjo̱a̱nijnú, kó Kristoo̱ Néná chji̱a̱ni.

2 Xota̱ Korinto̱ 10:7

Jún xi tsitsíjenjnúu̱ ni xi ya sónkꞌaá. Tsi tjín xí sꞌijii̱n nga Kristoo̱ chji̱a̱ni, nga tsꞌénkjó nga ko̱jo ji̱n ki̱a̱ ndokjo̱a̱niji̱n Kristoo̱ xikoó kui.

Xota̱ Ngalasia̱ 3:29

Tsi Kristoo̱ ndokjo̱a̱nijnú, ja̱ xota̱ tji̱e̱e̱ Abraa̱n boá jún, kó jún xí sa̱kójnú kui ni xi Néná katsóyàtjón nga tsja̱á Abraa̱n.

Xota̱ Ngalasia̱ 5:24

Xota̱ xi je tsi̱ꞌe̱ Kristo̱ Kjisoo̱, jè nijan yítꞌa kro yojoo̱, kui yojo jé xí mejeén sa̱ꞌín ni xi ndajín xi tjín kuí nga̱sondiee̱.