Markoo̱ 9:31 - Xo̱jo̱n eén Néná

³¹ ngatꞌa̱ xota̱ tsi̱ꞌe̱ akóyaá, kó bi̱ katsoó: Ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien, kó sa̱ꞌínkꞌién, kó ngije kiniꞌánkꞌién, xi ma jaán ni̱xtjin kjo̱a̱ꞌáꞌyaá.

Markoo̱ 9:31 Iomraidhean Croise

Matioo̱ 16:21

Ndeskande koó kjiꞌa ítsꞌi̱yanii̱ Kjisoo̱ nga katsóyaà xota̱ tsi̱ꞌe̱, nga chjiéngá ko̱e̱je̱ na̱xi̱ńdáꞌniú Jerusale̱n, kó nga chjiéngá tsie kjo̱a̱ni̱ma̱ kjo̱a̱ꞌatio ngi̱ya tsja já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 26:2

–Ja̱ jè yàjnú nga ngi jó ni̱xtjin chaja nga ka̱ma sꞌué paskuaa̱, kó ndií nda̱ xi̱ꞌii̱n si̱ꞌankꞌasꞌien tsi̱ꞌe̱ nga kjótꞌa kro.

Matioo̱ 27:63

kó bi̱ katsó: –Ndi̱a̱, je jaꞌátsjienjne̱ nga kui nda̱ ndisoo̱, bi̱ katsó nga kisꞌijña: Ngije kjo̱a̱ꞌa ján ni̱xtjin kjo̱a̱ꞌáꞌyána.

Markoo̱ 10:34

Kó ko̱jno̱cha, ko̱jo ko̱ti̱tiajón, ko̱jo kjoaá, ko̱jo si̱ꞌankꞌien, ta̱nga xi ma ján ni̱xtjin kjo̱a̱ꞌáꞌyaá.

Markoo̱ 8:31

Kó Kjisoo̱ ítsꞌi̱yanii̱ nga akóyaá xotaa̱ nga ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Markoo̱ 9:12

Kó Kjisoo̱, bi̱ katsó: –Ja̱koxi̱ nga tjón Eliyaa̱ kjo̱e̱ꞌe, kó kuí xí sa̱ꞌíndaya ngayeje nii̱. Kó kótsꞌèn tjítꞌa xo̱jo̱n eén Néná kjo̱a̱a̱ ndií nda̱ xi̱ꞌii̱n. Tsó nga tsie xò kjo̱a̱ni̱ma̱ kjo̱a̱ꞌatio ko̱jo nga si̱ꞌanchꞌo xò.

Rkaa̱ 24:26

A yàjínjnú nga Kristoo̱ chjiéngá tsie kjo̱a̱ni̱ma̱ kjo̱a̱ꞌatio ngindiee̱ nga sa̱ko̱ó kjo̱a̱je xi tsi̱ꞌe̱.

Rkaa̱ 9:44

–Nda má tasiénijónjnúu̱ kui nii̱, kó nga niꞌánchíyájínjnú, ngatꞌa̱ ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien.

Juaa̱ 10:18

Nde ngojín xi ka̱maa̱ sa̱ꞌínkꞌiénna, ngatꞌa̱ ngayejení ko̱n an nga sa̱ꞌinkꞌasꞌien an yojona. Tjínna ngaꞌniú tsi̱ꞌe̱ nga sa̱ꞌinkꞌasꞌien an yojona, kó ti̱ tjínna ngaꞌniú tsi̱ꞌe̱ nga kjo̱a̱ꞌáꞌyá nginína. Kuí bí kjo̱a̱botíxoma xi katsjána Na̱ꞌmina.

Juaa̱ 2:19

Sꞌe̱ Kjisoo̱, bi̱ katsó: –Ti̱ꞌankjatsónjnú kui na̱ngo̱xi̱i̱, kó xi ma ján ni̱xtjin sa̱ꞌinda ngiñá an.

Juaa̱ 3:14

Kó xikótsꞌèn iskjininkꞌa Moisee̱ ye̱e̱ ki̱a̱ nangi kixií, ti̱ bo̱a̱ ti̱ tsꞌén chjanínkꞌá ndií nda̱ xi̱ꞌii̱n nga,

2 Timoo̱ 2:12

Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.