Markoo̱ 9:25 - Xo̱jo̱n eén Néná

²⁵ Kó nga kamábe Kjisoo̱ nga ta̱sasá kamátikó xota̱ kjiín, katsꞌénxchánjo̱ kui a̱siénni̱xtjin xi ndajiín, nga bi̱ katsoó: –¡A̱siénni̱xtjin xi ndajín xi ni̱ma̱ ko̱jo xi xtiya, án xí bo̱a̱ tꞌíxiaán, tji̱taxi̱e̱jíi̱n ngi̱jin yojoo̱ kui nda̱chií, kó nga ngiti̱ nijánjín ki̱a̱ bitjasꞌi̱jíi̱n!

Markoo̱ 9:25 Iomraidhean Croise

Matioo̱ 12:22

Kósꞌe̱ jachóchinií Kjisoo̱ ngo nda̱ ti̱ka̱ ko̱jo xi ni̱ma̱ xi májín chji̱a̱, xi tjíjii̱n ngo a̱si̱énni̱xtjii̱n xindajín, kó Kjisoo̱ katsꞌéndaya, kó kui nda̱a̱ kamátsijee̱n, ko̱jo kamátsíchji̱a̱.

Matioo̱ 17:18

Kó Kjisoo̱ katsꞌénxchánjo̱ kui xindajín xi tjíjii̱n kui nda̱a̱, kó jataxiejin yojoo̱, kó ti̱ kjiꞌa kamándaya.

Markoo̱ 9:15

Kó kjiꞌanga kui xota̱ kjiín kamábe Kjisoo̱, ngayejee̱ nga kijíndikoón, kó tsanga má nga kijítsꞌentínde Kjisoo̱.

Markoo̱ 9:24

Ti̱ kjiꞌa na̱ꞌmii̱ nda̱chií askjandáyà má, nga bi̱ katsó: –¡Sꞌijinna Néná, kó tasíke̱jení tsi̱ꞌe̱ nga ꞌniú ngase sꞌi̱jinna!

Markoo̱ 9:26

Kósꞌe̱ askjandáyà kui a̱siénni̱xtjin xi ndajiín, kó ngije ítsanieyá xchán kuí nda̱chií jatjoxiejii̱n ngi̱jin yojoo̱, kó kui nda̱chií kisꞌie kꞌien kꞌien, ngaskande xota̱ kjiín jè kꞌien kui nda̱chií katsó.

Rkaa̱ 11:14

Kó ngo ndi̱yà nga Kjisoo̱ tsꞌénꞌboxié ngo a̱siénni̱xtjin xindajín xi tjíjii̱n ngo nda̱ xi kamájín tsíchji̱a̱, kó ngije tsꞌaxié kui a̱siénni̱xtjin xindajiín, nda̱ xi májín chji̱a̱a̱, tsíchji̱a̱, kó xotaa̱ kijíndikoón kui nii̱.

Rkaa̱ 4:35

Kó Kjisoo̱ katsꞌénxchánjo̱ kui a̱siénni̱xtjin xi ndajiín, nga bi̱ katsoó: –¡Se niꞌín ji, kó ti̱tjaxi̱e̱jin yojoo̱ kui nda̱a̱! Kó kui xindajiín tsꞌajmitójó kui nda̱a̱ ngindyi̱ko̱n ngayeje xotaa̱, kósꞌe̱ jatjoxiejii̱n ngi̱jin yojoo̱, kó katsꞌénꞌónjiín.

Rkaa̱ 4:41

Kó kjín má kui xotaa̱ xi jataxiejin ngi̱jin yojoo̱ xindajín, xi askjandáyà má nga bi̱ katsó: –¡Jí xí ndií Néná jí! Ta̱nga Kjisoo̱ katsꞌénxchánjo̱, kó katsjandièjiín nga tsíchji̱a̱, ngatꞌa̱ kui xindajiín, ja̱bo̱a̱ jè be nga Kjisoo̱ xi Kristoo̱.

Rkaa̱ 8:29

Kuíni nga bi̱ katsó ngatꞌa̱ Kjisoo̱ tsíꞌaá kui a̱siénni̱xtjin xi ndajiín, tsi̱ꞌe̱ nga jatjojin ngi̱jin yojoo̱ kui nda̱a̱. Ngatꞌa̱ achichí kjín ni̱xtjinnii̱ kui a̱si̱énni̱xtjii̱n nga katsꞌéntsi̱ꞌe̱ yojoo̱ kui nda̱a̱, kó xotaa̱ nda tsi ńꞌniúki̱cha̱ má ítaꞌniú tsja ko̱jo se, tsi̱ꞌe̱ nga jmí ni sa̱ꞌínjín, ti̱ kuí xí iskjítindsóni, kó kui xindajiín ta̱xkiya katsꞌénkjí ngi̱ndie kjiꞌitiya kui nda̱a̱.

Rkaa̱ 9:42

Kó ta̱nga tji̱e̱nga kui nda̱a̱ tsꞌénfíkón tiñaa̱ Kjisoo̱, kui xindajiín, tsꞌajmitójó tꞌanangii̱, kó katsꞌénkjatsiéxchán, ta̱nga Kjisoo̱ katsꞌénxchánjo̱ kui a̱siénni̱xtjin xi ndajiín tsi̱ꞌe̱ nga jatjo, kó tji̱e̱nmá kamándaya kui nda̱a̱, sꞌe̱ katsꞌénkjíkón nginií na̱ꞌmii̱.

Ni xi kamá 16:18

Kui tsa̱kji̱ín kjín ni̱xtjin nga ta̱soboá bo̱a̱ katsó, ngaskande nga ngiti̱ kichikjo̱a̱jiín Pabloo̱, kó kamáxtií, kósꞌe̱ bi̱ katsoó kui a̱siénni̱xtjin xindajín xi tikónjii̱n kui tsa̱kji̱ín: –¡Jaꞌeén Jesukristoo̱ xi bo̱a̱ tꞌíxiánñaa, nga kjo̱tje ji ngi̱jin yojoo̱ kui tsa̱kji̱ín! Kó ti̱ kjiꞌa jatjo kui a̱si̱énni̱xtjii̱n.

Xo̱jo̱o̱n Jundaa̱ 1:9

Ngaskande ndítsjie ngito̱ko̱ Miyee̱ bo̱a̱jín katsꞌén kjiꞌanga askjanjo̱ xindajín ndiabloo̱ nga askjantjéni yojoo̱ Moisee̱, kamájínkón nga kui xi katsꞌénjeé nga chꞌo katsoó, ta̱sá bi̱ katsoó: “¡Ndi̱a̱ná ngatsꞌénxchánjoo̱ ji!”