Markoo̱ 9:24 - Xo̱jo̱n eén Néná

²⁴ Ti̱ kjiꞌa na̱ꞌmii̱ nda̱chií askjandáyà má, nga bi̱ katsó: –¡Sꞌijinna Néná, kó tasíke̱jení tsi̱ꞌe̱ nga ꞌniú ngase sꞌi̱jinna!

Markoo̱ 9:24 Iomraidhean Croise

Xo̱jo̱n Salmoo̱ 126:5

Kui ndándyíkon xi kachjatjónjne̱, kjiꞌanga ikꞌítji̱e̱jne̱ xojmaá, kuí boá xi ka̱ma kjo̱a̱tsjajne̱, kjiꞌanga ku̱i̱chájne̱ to ndso̱ko̱a̱n ṉño̱paa̱n.

Xo̱jo̱n Salmoo̱ 39:12

»Ndaꞌyé ji nga kuichjiaá ji Ne, kó tasínijin ji nga ni̱ma̱ xiaán, ngata̱ xiójín mindyin ji nga ko̱nda̱ꞌyé ji nga skjandá an. Ngatꞌa̱ jè xikoó tsi ngo xota̱ xi xín chji̱a̱ni kjimaa an, ngo xota̱ xi kꞌi̱e̱jín chji̱a̱ni xikoó ngayeje xota̱ xi xchána.

Markoo̱ 9:23

Kó Kjisoo̱, bi̱ katsó: –Kótsꞌèn nga tsi ka̱ma xi si̱ꞌin se ji. ¡Ngayeje xota̱ xi sꞌijii̱n Néná, ka̱márií ta̱jmì niní!

Markoo̱ 9:25

Kó nga kamábe Kjisoo̱ nga ta̱sasá kamátikó xota̱ kjiín, katsꞌénxchánjo̱ kui a̱siénni̱xtjin xi ndajiín, nga bi̱ katsoó: –¡A̱siénni̱xtjin xi ndajín xi ni̱ma̱ ko̱jo xi xtiya, án xí bo̱a̱ tꞌíxiaán, tji̱taxi̱e̱jíi̱n ngi̱jin yojoo̱ kui nda̱chií, kó nga ngiti̱ nijánjín ki̱a̱ bitjasꞌi̱jíi̱n!

Rkaa̱ 17:5

Kó já apostroo̱, bi̱ katsoó: –Ndi̱a̱, tasíke̱jejne̱ tsi̱ꞌe̱ nga ꞌniú ngase sꞌi̱jinjne̱.

Rkaa̱ 7:38

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

Rkaa̱ 7:44

Kó Kjisoo̱ askotsijee̱n kui naa̱, kósꞌe̱ bi̱ katsoó nda̱ xi ꞌmí Ximoo̱: –A titsitsijìi̱n kui naa̱. Tsꞌasꞌien an ndiꞌàa̱, kó jmí ndáfoa katseꞌéjínní xi aniejón an ndsa̱ko án, ta̱nga kui naa̱ ndándyíko̱n aniéjónni ndsa̱ko án, kó tsja̱to̱ko̱ katsꞌénxíjónni nga.

Ni xi kamá 10:19

Kó tji̱e̱nga Peé ta̱kó tjítsꞌénkjó ni xi kamábe, A̱si̱énni̱xtjii̱n Néná, bi̱ katsoó: –Jànꞌa̱n ján má já xí ndyi̱mongasee̱.

Ni xi kamá 10:31

kó bi̱ katsóna: “Kornie̱, jè kandaꞌyá nga tindokjo̱e̱e̱ Néná, kó chji̱e̱e̱ jè tjíniꞌánkjaꞌátsjien ngindyi̱ko̱n Néná.

2 Xota̱ Korinto̱ 2:4

Ngatꞌa̱ achichí ndasen, ko̱jo boa kjimaa̱ ini̱ma̱na, kó achichí ndándyíkón án xi tjitjón nga katsꞌenꞌindó an kui xo̱jo̱o̱n, jmí tsi tsi̱ꞌe̱ nga ndasen ka̱majnú, ta̱sá kjo̱a̱a̱ nga mejénna nga xcha̱jnú nga achichí tjóna jún.

Xota̱ Éfeso̱ 2:8

Ngatꞌa̱ ta̱ngatꞌanii̱ kjo̱a̱ndaa̱ Néná nga jún je jatjoꞌajnú ngatꞌa̱ kisꞌijinjnú, kó kui nii̱ jmí tsi ngo ni xi jún kasako so̱bo̱a̱jnú, kjo̱a̱nda xi tsi̱ꞌe̱ Néná boá.

Xota̱ Filipo̱ 1:29

Ngatꞌa̱ jún jè katseꞌéjnú nga sꞌi̱jinjnú Kristoo̱, ta̱nga ti̱ katseꞌéjnú nga ta̱ngatꞌanii̱ kui nga ku̱i̱tja̱tiójnú kjo̱a̱ni̱ma̱.

2 Xota̱ Tesalónika̱ 1:11

Kuíni nga, nga ndokjo̱a̱jne̱ Néná ngatsjéni̱xtjin ndokjo̱a̱tjéjne̱ jún, tsi̱ꞌe̱ nga Néná ko̱a̱ꞌa̱xki̱jnú nga ko̱jo jún boá xi tindyionjinjnú ngi̱jii̱n xota̱ xi tsíchji̱a̱a̱ kui. Kó ti̱ ndokjo̱a̱jne̱ Néná, tsi̱ꞌe̱ nga sa̱ꞌínkjatjosón nga sa̱ꞌínkjién ngaꞌniuú, kjo̱a̱a̱ ngayeje ni xi nda xi mejénjnú si̱ꞌánjnú ta̱ngatꞌanii̱ nga sꞌijinjnú.

2 Xota̱ Tesalónika̱ 1:3

Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱.

2 Timoo̱ 1:4

Nga foaꞌátsjienna nga kachjatjén ndándyíkin, mejénna nga skuié ngiñaá tsi̱ꞌe̱ nga kꞌuiéna kjo̱a̱tsja.

Xota̱ Ebreo̱ 12:17

Ngatꞌa̱ jún jè yàjnú nga jaskan Esauu̱, kjiꞌanga kamámejeén kasakoo̱ kjo̱a̱niꞌánchikonñeé na̱ꞌmii̱, kiniꞌánchꞌó, kó ndatsi achichí askjandá nga katsꞌénkꞌoyá yojoo̱, ngiti̱ jmí nijín xi kamá kiniꞌán ngase kjo̱a̱a̱ ni xi je kamaá.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.

Xota̱ Ebreo̱ 5:7

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xi ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.