Markoo̱ 9:22 - Xo̱jo̱n eén Néná

²² Kó kui a̱siénni̱xtjin xi ndajiín je sa kjín ndi̱yànií nga ꞌbojmijin ngi̱jin ndiꞌií, ko̱jo ngi̱jin ndáfoaa̱, tsi̱ꞌe̱ nga sa̱ꞌínkꞌién. Ja̱ kuíni, tsi ka̱ma xi si̱ꞌin, ngatamani̱ma̱a̱ ji̱n, kó tasíke̱jejne̱.

Markoo̱ 9:22 Iomraidhean Croise

Matioo̱ 14:31

Kó ti̱ kjiꞌa Kjisoo̱ iskjíbé tsja Peé, sꞌe̱ bi̱ katsoó: ¡Achichí chiboa sꞌijii̱n! Míkjo̱a̱a̱ nga jó nga ján ikꞌíjñíi̱ ini̱màa̱.

Matioo̱ 17:15

–Ndi̱a̱, ngatamani̱ma̱a̱ ndína kó tasíke̱je ji, achichí ndajín tjiín, kó xikoó tsi ꞌmeya, ꞌbitíkjá ꞌbińña, kó achichí je kjín ndi̱yà nga ꞌbókajin ngi̱jin ndiꞌií ko̱jo ngi̱jin ndáfoaa̱.

Matioo̱ 20:34

Kósꞌe̱ Kjisoo̱ kamáni̱ma̱a̱ kui jaá, katsꞌénjo̱ ndyi̱ko̱n, kó ti̱ kjiꞌa kamátsijee̱n, sꞌe̱ kui jaá kijítji̱ngii̱ Kjisoo̱ ngijee̱.

Matioo̱ 8:2

Kó ki̱a̱ jachókoón ngo nda̱ xi tjiín chiꞌin xi tsꞌénkjátsón tji̱xin yojoná xi asiéntꞌaa̱tikoó, kó bi̱ katsoó: –Ndi̱a̱, tsi ji xi mejeén ka̱ma ti̱ꞌintsjiejínní nga xtjo̱ꞌóxín chiꞌinna.

Matioo̱ 9:28

Kó ngije jachó kui ndiꞌaa̱, jachókón tiñaa̱ nga jó kui já xí ti̱ka̱a̱, sꞌe̱ Kjisoo̱, bi̱ katsó nga asíyaá: –A kisꞌijinjnú nga ka̱mana sa̱ꞌin an kui nii̱. –Jo̱o̱n, Ndi̱a̱. Katsó kui jaá.

Markoo̱ 5:19

Ta̱nga Kjisoo̱ katsjandièjiín, ta̱sá bi̱ katsoó: –Ta̱sá tꞌen ndiꞌàa̱, tꞌenchíi̱n xingi̱ ji, kó tꞌíni̱jmìi̱ ni je xi katsꞌénjoo̱ Néná, ko̱jo kótsꞌèn nga Néná kamáni̱ma̱a̱ ji.

Markoo̱ 9:21

Kó Kjisoo̱, bi̱ katsó nga asíyaá na̱ꞌmii̱ kui nda̱chií: –Ndeskande kjiꞌání nga bi̱ maa̱. Sꞌe̱ na̱ꞌmii̱ kui nda̱chií, bi̱ katsó: –Ndeskande koó nga chichí.

Markoo̱ 9:23

Kó Kjisoo̱, bi̱ katsó: –Kótsꞌèn nga tsi ka̱ma xi si̱ꞌin se ji. ¡Ngayeje xota̱ xi sꞌijii̱n Néná, ka̱márií ta̱jmì niní!

Rkaa̱ 7:13

Kó Ndi̱a̱a̱ nga kamábe, ni̱ma̱ kamaá kui xota̱chjo̱on, kó bi̱ katsoó: –Ngata̱ cheꞌéjín ji.