Markoo̱ 9:2 - Xo̱jo̱n eén Néná

² Jun ni̱xtjin ngijee̱, Kjisoo̱ kijíjo̱tꞌaxín Peé, ko̱jo Sandiyaá, ko̱jo Juaa̱, kó ngo tji̱ngi̱ nkꞌa kijíjo̱ soboá kui jaá, kó ngindyi̱ko̱n kui jaá kje̱ꞌe kisꞌie Kjisoo̱.

Markoo̱ 9:2 Iomraidhean Croise

Éksondo̱ 24:13

Kó jastjíe̱n Moisee̱ sꞌe̱ kijínijíngí kui na̱xi̱i̱ kó kijíjo̱ Josuee̱ kui nda̱ xi bosikójo.

Matioo̱ 14:13

Nga tsintꞌié Kjisoo̱ ni xi kiniꞌánjo̱ Jua̱ xi botíndaá, kijíyà ngo tjotso, sꞌe̱ xtji̱e̱e̱n ngo nangi kjiꞌitiya kijí, kó nga tsintꞌié xotaa̱, jatjoni na̱xi̱ńdaá nga kijíyise.

Markoo̱ 14:33

Kó kijíjo̱ Peé, ko̱jo Sandiyaá, ko̱jo Juaa̱, kó ítsꞌi̱yanii̱ nga ꞌniú ndasen ko̱jo ꞌniú nda̱ kamaá.

Markoo̱ 16:12

Kó ngije kamá kui nii̱, Kjisoo̱ kje̱ꞌe kisꞌie nga akoó yojoo̱ jó xota̱ tsi̱ꞌe̱ xi ndyi̱fí ndi̱yà jno̱o̱.

Markoo̱ 5:37

Kó Kjisoo̱ katsjandièjín nga kje̱ꞌe xota̱ xi kijítji̱ngii̱, ta̱ Peé tsi, ko̱jo Sandiyaá, ko̱jo Jua̱ ntsꞌi̱e̱ Sandiyaá xi kijíjo̱.

Rkaa̱ 6:12

Kui ni̱xtjin jàn, Kjisoo̱ kijí ngo tji̱ngi̱ nga tsíchji̱a̱a̱ Néná, kó ki̱a̱ jaꞌaa̱ ngo ni̱xtji̱e̱n nga tsíchji̱a̱a̱ Néná.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

2 Xota̱ Korinto̱ 13:1

Kuí bí xi̱ꞌbi̱, xi ma jaán ndi̱yà nga kjuínkátsijenjnúꞌun. Ngayeje ni xi ka̱mandajin chjiéngá tsi jó ko̱jo tsi ján chistiko̱ xi si̱ꞌankjién nga ku̱i̱chji̱a̱ ni xi be.

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.

Ni xi akakoo̱ 20:11

Kó kamábe an xi botixómaá, tiboa ko̱jo je ngi̱ndie nínga tikón, ngindyi̱ko̱n kui, kichajá ngayeje nga̱sondiee̱ ko̱jo ndiꞌakꞌajmii̱, kó nginijánjín kamáyà tsi tjín nínga kisꞌijña.