Markoo̱ 8:34 - Xo̱jo̱n eén Néná

³⁴ Kósꞌe̱ Kjisoo̱ tsíchji̱a̱a̱ xota̱ tsi̱ꞌe̱, ko̱jo xota̱ kjiín, nga bi̱ katsoó: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Markoo̱ 8:34 Iomraidhean Croise

Xki̱ 14:24

»Ta̱nga Kalee̱b, nda̱ xi tsꞌénxátꞌana, ki̱a̱jín nijan kamá xota̱ xi ngasee̱, ta̱sá kisꞌijii̱n ni xi kixiyatjón an nga sa̱ꞌinkjatjosón an, kuíni nga kꞌo̱sꞌien kuí, ko̱jo ndií kui ngi̱ndie xi kixiyatjón an nga tsjàa̱, nínga síndo xota̱ tji̱e̱e̱ Amalee̱k, ko̱jo xota̱ tji̱e̱e̱ Kaa̱n. Kó jún, ndyiojón kongínjnú nangi kixií xtji̱e̱e̱n nínga tikón Ndáchíkón Inií.

Matioo̱ 10:38

kó xi skjíbéjín kroo̱ sꞌe̱ ko̱e̱je̱tji̱ngina, bokínjiín nga xota̱ tsa̱ꞌa̱n ka̱ma.

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 27:32

Kó nga jatjo ki̱a̱a̱, kamábe ngo nda̱ xi chji̱a̱ni na̱xi̱ńdáꞌniú Sirene̱ xi ꞌmí Ximo̱, kui nda̱a̱ kiniꞌaán kjo̱a̱ꞌniú tsi̱ꞌe̱ nga asíko̱jo nga yaꞌajo̱ kroo̱ Kjisoo̱.

Markoo̱ 10:21

Kósꞌe̱ Kjisoo̱ askotsijen ndá ndaá kui nda̱a̱, katsꞌéntjó, sꞌe̱ bi̱ katsoó: –Ta̱ ngo tsí ni xi chaja ngasee̱: Tꞌen, kó tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngije kachjábé jí króo̱.

Markoo̱ 7:14

Kó Kjisoo̱ tsíchji̱a̱a̱ ngayeje xota̱ kjiín, kó bi̱ katsoó: –Ndaꞌyájnúꞌun ngayejejnú, kó ngatamakjínjnú kui nii̱:

Rkaa̱ 13:24

–Ti̱ꞌánjnú ngo kjo̱a̱ꞌniú nga ku̱i̱tjásꞌi̱e̱njnú nga̱ntjo̱a̱ xkjoó, ngatꞌa̱ xiyàjnúꞌun nga achichí má xota̱ xi ka̱mamejeén kꞌo̱sꞌien, kó ka̱májiín.

Rkaa̱ 14:33

Bo̱a̱ tsꞌén, ta̱ꞌyaní jún xi tjónjín kꞌuijñámasienjnú ngayeje ni xi tjínjnú, ka̱májín xota̱na ka̱majnú.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 20:45

Nga tsintꞌieé ngayeje xota̱ na̱xi̱ńdaá, Kjisoo̱ bi̱ katsoó xota̱ tsi̱ꞌe̱:

Rkaa̱ 9:23

Kó bi̱ katsoó ngayeje xotaa̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱ ndyiojón ndyiojón, kósꞌe̱ ngatjandibátjingína.

Juaa̱ 10:27

Cho̱tsa̱nga̱na ntꞌiérií nda̱na, kó be án kuí, kó fítji̱ngina,

Juaa̱ 19:17

Kó ti̱ kuii̱ Kjisoo̱ tsaꞌanijín kroo̱, sꞌe̱ kijí ngo ngi̱ndie xi ꞌmí ngi̱ndiee̱ ńdato̱ko̱ ini̱ma̱, Ngólngota̱, ꞌmí nga én ebreo̱,

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Xota̱ Roma̱ 6:6

Ja̱ jè ya ñá nga kjo̱a̱mindyion xi kisꞌiená ngasꞌe̱ jè nijan kꞌienjo̱ Kristoo̱ ki̱a̱ tꞌa kroo̱. Tsi̱ꞌe̱ nga yojo jeé si̱ꞌankjie. Kuíni nga ngiti̱ kuijín jeé xi ko̱tíxománá.

Xota̱ Roma̱ 8:17

Kó tsi ñá xí ndií Néná, ja̱ ti̱ sa̱kóná ni xi tsi̱ꞌe̱, kó nijan sa̱kóná kui nii̱ ko̱jo Kristoo̱, ta̱nga chjiéngá ku̱i̱tja̱tiójo̱ kjo̱a̱ni̱ma̱a̱ Kristoo̱, tsi̱ꞌe̱ nga nijan sa̱kóná kjo̱a̱jee̱ Néná.

1 Xota̱ Korinto̱ 15:31

Jún ntsꞌie, be án nga ta̱jmì ni̱xtjinní ka̱mana ko̱yà án kjo̱a̱a̱ ni xi tjítsꞌen an, ja̱koxi̱ kuí nii̱, xikótsꞌèn ja̱koxi̱ nga tsja mana nga sꞌijinjnú Ndi̱a̱ná Jesukristoo̱.

1 Xota̱ Korinto̱ 8:13

Kó kuíni nga, tsi ta̱ngatꞌanii̱ ngo nichinie xi skjíni̱e̱ an nga ngo ntsꞌié án kꞌo̱kajin ngo jé, ta̱sá nginijánjín skjíni̱e̱ an yojo, tsi̱ꞌe̱ nga kꞌo̱kajinjín ngo jé ntsꞌié án.

1 Xota̱ Korinto̱ 9:19

Ndatsi ndéna yojona, jè moso̱ xi kastiñaá ngayeje xotaa̱ je katsꞌen an yojona, tsi̱ꞌe̱ nga kjín ngase xota̱ xi sa̱ꞌin an, tsi̱ꞌe̱ nga kui xotaa̱ sꞌi̱jii̱n Kristoo̱.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Ngalasia̱ 5:24

Xota̱ xi je tsi̱ꞌe̱ Kristo̱ Kjisoo̱, jè nijan yítꞌa kro yojoo̱, kui yojo jé xí mejeén sa̱ꞌín ni xi ndajín xi tjín kuí nga̱sondiee̱.

Xota̱ Ngalasia̱ 6:14

Kjo̱a̱ ngaá an ꞌne̱, mejénjínna nga je kꞌoxié an yojona, ngototo kjo̱a̱a̱ ni xi katsꞌén Ndi̱a̱ná Jesukristoo̱ nga kꞌientꞌa kroo̱. Ngatꞌa̱ ki̱a̱ tꞌaa̱ kro jè kꞌienjo̱ an Kristoo̱. Kó ni xi tsi̱ꞌe̱ kui nga̱sondiee̱ jè ngiti̱ jmí ni bejín kjo̱a̱a̱ an, ti̱nde an ngiti̱ jmí ni bejín an kjo̱a̱a̱ ni xi tsi̱ꞌe̱ kui nga̱sondiee̱.

Xota̱ Filipo̱ 3:10

Jè ijñámasien an ngayeje nii̱, tsi̱ꞌe̱ nga skuie an Kristoo̱, kó skuie án ngaꞌniú xí katsꞌénkjaꞌáꞌyaá, ko̱jo nga sa̱kóna kjo̱a̱ni̱ma̱ xi jaꞌatio, kó nga xikoó tsi kui ka̱ma an nga kiniꞌánkꞌién kuí,

Xota̱ Filipo̱ 3:7

Ta̱nga ngayeje kui nii̱ xi achichí chjínií kamána ngasꞌe̱, ngotꞌe̱ ꞌne̱, ta̱ngatꞌanii̱ Kristoo̱ ngiti̱ jmí ni chjíjiín kui nii̱ kjimana.

Xota̱ Kolosa̱ 1:24

Ngotꞌe̱ ꞌne̱, achichí tsja mana kjo̱a̱a̱ kjo̱a̱ni̱ma̱ xi tsꞌénfoaꞌatio an nganda tsa̱jún, ngatꞌa̱ bo̱a̱ tsꞌén kjimando̱jona yojona nga tsꞌénfoaꞌatio an kjo̱a̱ni̱ma̱ xi tjisákoó Kristoo̱ ngandaa̱ xota̱ na̱ngo̱xi̱i̱, ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

2 Xota̱ Tesalónika̱ 3:11

Ngatꞌa̱ jè kandaꞌyájne̱ nga tjín ngi̱jinjnú xota̱ xi jmí xá xí nda ndyi̱tsꞌènjín, kó ni xi kuijín ndasee̱n kui xi ndyi̱tsangijin yojoo̱.

Titoo̱ 2:12

nga tsꞌén bokoyáná nga ngiti̱ si̱ꞌánjín ñá ni xi ndajín, ko̱jo ni nga̱sondie xi mejeén ini̱ma̱ná, ko̱jo nga nda si̱ꞌankjíi̱n takón ni xi si̱ꞌán, ko̱jo nga kixi̱ si̱ꞌán, ko̱jo nga xcha̱ndikón Néná, tji̱e̱nga tindyión kuí nga̱sondiee̱.

Xota̱ Ebreo̱ 13:13

Tjianchóo̱n Kjisoo̱ tsobo̱a̱ ki̱a̱ ndi̱tsee̱n kui ṉdi̱a̱a̱, kó nijan ku̱i̱tja̱tió kuí kjo̱a̱soboá xi jaꞌatio kui.

1 Xo̱jo̱o̱n Peé 4:1

Xikó tsꞌén Kristoo̱ jaꞌatio kjo̱a̱ni̱ma̱ nga kiniꞌánꞌoón yojoo̱, ti̱ bo̱a̱ ti̱ tsꞌén tjajintakónjnú nga ko̱e̱ꞌéngaꞌniújnúu̱ yojojnú, ngatꞌa̱ xota̱ xi jaꞌatio kjo̱a̱ni̱ma̱ nga kiniꞌánꞌoón yojoo̱, jè íjñámasien jeé,

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

2 Xo̱jo̱o̱n Peé 1:14

Jè be an nga ngi chiboa ni̱xtjin tikónna nga kꞌuijñámasien an kui yojoo̱, xikó katsóna Ndi̱a̱ná Jesukristoo̱.

1 Xo̱jo̱o̱n Juaa̱ 3:16

Kuí nii̱ xi ya ñá kjo̱a̱tjoó, nga Jesukristoo̱ katsjá kjo̱a̱mindyioo̱n ta̱ngatꞌanii̱ ñá, bo̱a̱ ti̱ tsꞌén ñá, chjiéngá ko̱e̱ꞌé kjo̱a̱mindyionná ta̱ngatꞌanii̱ xota̱ xi ngasee̱.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.