Markoo̱ 8:33 - Xo̱jo̱n eén Néná

³³ Ta̱nga Kjisoo̱ katsꞌénkꞌafóyá nga askotsijee̱n ngayeje xota̱ tsi̱ꞌe̱, kó katsꞌénxchánjo̱ Peé, nga bi̱ katsoó: ¡Tji̱taxínboeꞌéní xindajín Satana̱! Ngatꞌa̱ jmí tsi nii̱ Néná xí tifojintakín, nii̱ xotaa̱ boá xi tifojintakín ji.

Markoo̱ 8:33 Iomraidhean Croise

Joo̱b 2:10

Ta̱nga Joo̱b, bi̱ katsoó: —¡Jmí chjo̱ón! Ngata̱ bo̱a̱jín tsó kjo̱a̱chi̱ni xi ndokjo̱e̱ ji. Tsi niꞌánjo̱ꞌó ñá ngayeje ni nda xi tsjáná Néná, ja̱ ti̱ chjiéngá si̱ꞌanjo̱ꞌo ni xi ndajiín nga. Kó ndatsi bo̱a̱ kjiꞌi ngayeje ni xi je kamaá Joo̱b, katsꞌénjéjín nga chꞌo katsoó Néná.

Xo̱jo̱n Salmoo̱ 141:5

Ndakjíꞌí nga sa̱ꞌínxchánjo̱na ko̱jo tsi ku̱i̱ꞌéna ngo xota̱ xi kixi̱, xikó maá tsi ndásíje̱n xi nda ka̱mana nga ꞌniú ku̱i̱chji̱a̱jona. Ji Ne, ngatsjéni̱xtjin tsꞌénmíꞌaá nga ko̱ti̱jée̱ xota̱ xi ꞌniú ndajiín.

Lebitiko̱ 19:17

»Ngata̱ onjín chꞌiájnú ngo xota̱ ko̱jo ngata̱ niꞌángojojínjnú. Kjiꞌanga tjín xí si̱ꞌanxchánjo̱jnú, ti̱ꞌanxchánjo̱jnú. Ngata̱ ki̱a̱jín niꞌánkamajo̱jnú xota̱ xi ni xi ndajín ndyi̱tsꞌèn. »Ngatjaꞌátsjienjnú nga chjiéngá tjó si̱ꞌánjnú xingi̱jnú xi kótsꞌèn tjójnú yojojnú. »Ti̱ꞌankjatjosónjnú kjo̱a̱botíxomana. Án boá xi nee̱ xota̱ Israee̱l. »Ngata̱ kje̱ꞌe to̱ko̱yajín cho̱ niꞌánkixanjo̱jnú ngo to̱ko̱ya cho̱ xi tjínjnú. Ngata̱ niꞌánkꞌajinjínjnúu̱ xkjín xojmá xi ꞌbítji̱e̱jnú ngo chikjan nangi. Ngata̱ chajájínjnú ńjño xi kamándani kjín to̱ko̱ya ńchjón.

Matioo̱ 15:23

Ta̱nga Kjisoo̱ jmí ni katsójiín. Kó xota̱ tsi̱ꞌe̱ kijíkóntiñaa̱ Kjisoo̱, kó bi̱ katsoó nga ꞌniú tsíꞌaá: –Bo̱a̱ tꞌíi̱n kui xota̱chjo̱on nga ngatjí, ngatꞌa̱ ñá tsꞌénkjandayá tji̱e̱nginá.

Matioo̱ 16:23

Kjisoo̱ askoꞌá Peé, sꞌe̱ bi̱ katsoó: ¡Tji̱taxínboeꞌéní xindajín Satana̱! Ngatꞌa̱ ni xi stingí an kjima ji, ngatꞌa̱ jmí tsi nii̱ Néná xi tifojintakín ji, nii̱ xotaa̱ boá xi tifojintakín.

Matioo̱ 4:10

Kósꞌe̱ Kjisoo̱, bi̱ katsoó: –Chjéndi̱yáa̱, xindajín Satana̱, ngatꞌa̱ jè kjitꞌa xo̱jo̱n eén Néná nínga bi̱ tsoó: «Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.»

Markoo̱ 3:34

Kó askotsijee̱n xota̱ xi síndo nga ngo foaꞌatjiyajoo̱n, kósꞌe̱ bi̱ katsó: –Kuí xi̱ꞌbi̱ xi na̱anna, ko̱jo xi ntsꞌié án, ko̱jo xi ndichja án.

Markoo̱ 3:5

Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱: –Tjintie ndse̱. Kó kui nda̱a̱ yejéntie tsja, kó kamándaya.

Rkaa̱ 22:61

Kósꞌe̱ Ndi̱a̱a̱, kjiꞌá má askoꞌá Peé, kó Peé jaꞌátsjiee̱n ni xi katsó Ndi̱a̱a̱, nga bi̱ katsoó: “Ngindiee̱ nga skja̱ndáyà xo̱nda̱xi̱ꞌii̱n, ján ndi̱yà je kiniꞌínkiejín yojòo̱ nga yení.”

Rkaa̱ 4:8

Kó Kjisoo̱, bi̱ katsoó: –Chjéndi̱yáa̱ xindajín Satana̱, ngatꞌa̱ jè kjitꞌa xo̱jo̱n eén Néná, nínga bi̱ tsoó: “Ndi̱a̱ xi Ne tse̱ xí ti̱ꞌindikín jí, kó ta̱kuítsí xi si̱ꞌinxétꞌée̱.”

Rkaa̱ 9:55

Ta̱nga Kjisoo̱ askoꞌá kui jaá, kó katsꞌénxchánjo̱, nga bi̱ katsoó: –Jún yàjínjnú mí a̱siénni̱xtjin xi ndokjo̱a̱nijnú,

1 Xota̱ Korinto̱ 5:5

Kósꞌe̱ kjiꞌá boá nga kui nda̱a̱ si̱ꞌankꞌasꞌienjnúu̱ xindajín Satanaa̱, kó kuí si̱ꞌankjatsón yojoo̱, tsi̱ꞌe̱ nga kjo̱tjoꞌa kjin kjin a̱si̱énni̱xtjii̱n, ni̱xtjin nga kjo̱e̱ꞌe Ndi̱a̱ná Jesukristoo̱.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

1 Timoo̱ 5:20

Ta̱nga kui xota̱ xi ta̱kó ndyi̱tsꞌènjeé, ti̱ꞌinchji̱ni̱ ji ngindyi̱ko̱n ngayeje xota̱ na̱ngo̱xi̱i̱, tsi̱ꞌe̱ nga xota̱ xi ngasee̱ ka̱mandikoón.

Titoo̱ 1:13

Ja̱koxi̱ kuí ni xi katsó kui ndaa̱, kuíni nga ꞌniú ndókjo̱e̱je ji, tsi̱ꞌe̱ nga kixi̱ kjo̱jo kjo̱a̱sꞌijii̱n Néná,

1 Xo̱jo̱o̱n Peé 4:1

Xikó tsꞌén Kristoo̱ jaꞌatio kjo̱a̱ni̱ma̱ nga kiniꞌánꞌoón yojoo̱, ti̱ bo̱a̱ ti̱ tsꞌén tjajintakónjnú nga ko̱e̱ꞌéngaꞌniújnúu̱ yojojnú, ngatꞌa̱ xota̱ xi jaꞌatio kjo̱a̱ni̱ma̱ nga kiniꞌánꞌoón yojoo̱, jè íjñámasien jeé,

1 Xo̱jo̱o̱n Juaa̱ 2:15

Ngata̱ niꞌántjójínjnú ni xi ndajín xi tjiín kui nga̱sondiee̱, ko̱jo ni xi niꞌán xi ndajiín nga. Tsi tjín xí tsꞌén kuí nii̱, tikónjinjiín kjo̱a̱tjoó Néná xí Na̱ꞌmii̱.

Ni xi akakoo̱ 3:19

An tsꞌénxchánjo̱ an, kó tsꞌenchjíni̱e̱ an ngayeje xi tjóna, kuíni nga che̱ndikín ji ni xi tsi̱ꞌe̱ Néná, kó ti̱ꞌinkꞌoyé ji yojòo̱ kjo̱a̱a̱ ni xi ndajínkjiꞌi xi tiniꞌín ji.