Markoo̱ 8:29 - Xo̱jo̱n eén Néná

²⁹ Kósꞌe̱ Kjisoo̱, bi̱ katsoó: –Kó jún, ꞌyání án, kó ꞌmíjnú. Kó Peé, bi̱ katsó: –Jí xí Kristoo̱.

Markoo̱ 8:29 Iomraidhean Croise

Markoo̱ 4:11

Kó Kjisoo̱, bi̱ katsoó: –Jún je kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xota̱ xi síndo ndi̱tsén jàn énkjín xí tjindókjo̱a̱jo nga tjíꞌmíyaá ngayeje nii̱,

Rkaa̱ 9:20

Kó Kjisoo̱, bi̱ katsoó: –Kó jún, ꞌyání án, kó ꞌmíjnú. Kósꞌe̱ Peé, bi̱ katsó: –Jí xí Kristo̱ xi Néná katsangiyaa̱.

Juaa̱ 11:27

Sꞌe̱ bi̱ katsó na̱ Martaa̱: –Jo̱o̱n Ndi̱a̱, kó sꞌijinna nga jí xí Kristo̱ xi ndií Néná, xi kjo̱e̱ꞌe kuí nga̱sondiee̱.

Juaa̱ 4:42

kó bi̱ kiꞌmií kui xota̱chjo̱on: –Jmí tsi ta̱ kjo̱a̱a̱ ni xi kasejne̱ nga sꞌijinjne̱, sꞌijinjne̱ kjo̱a̱a̱ nga ji̱n má xi kandaꞌyájne̱ ni xi katsó, kó nga je yàjne̱ nga ja̱koxi̱ boá nga kui xi Kristoo̱, xi kꞌo̱xiéꞌá xotaa̱ kui nga̱sondiee̱.

Juaa̱ 6:68

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Juaa̱ 6:69

Kó ji̱n jè kisꞌijinjne̱, kó je yàjne̱ nga ji xi Kristoo̱, ndií Néná xí tikoón.

Ni xi kamá 8:36

Kó nga ndyi̱fí ngi̱ya ndi̱ya̱à, jachó ngo ngi̱ndie nínga tjín ndáfoa, kó bi̱ katsó kui nda̱ Etiopiya̱ xi tsoꞌbájo̱ Ngiripee̱: –Tjín ndáfoa kꞌi̱e̱e̱, mí xí ꞌbíchjaá nga ka̱ma sa̱tíndá án.

Ni xi kamá 9:20

Kó Sauloo̱ ti̱ kjiꞌa íni̱jmì ki̱a̱ ndiꞌa nínga ndokjo̱a̱ eén Néná nga Kjisoo̱ xi ndií Néná.

1 Xo̱jo̱o̱n Peé 2:7

Jún xi je sꞌijinjnú Ndi̱a̱ná, achichí chjínií májnú jún, ta̱nga xota̱ xi sꞌijinjiín kui, ki̱a̱ boá nga fotjosón ni xi tsó xo̱jo̱n eén Néná: Kui ndi̱jo̱ xi katsꞌénchꞌó já chji̱ni̱e̱xo̱ó, kuí boá xi ndi̱jo̱ xi sꞌi̱tjatsꞌennii̱ ndiꞌaa̱ kamá.

1 Xo̱jo̱o̱n Juaa̱ 4:15

Ngayeje xota̱ xi ka̱tso̱yà nga Kjisoo̱ xi ndií Néná, Néná tikónjii̱n xi bo̱a̱ ka̱tso̱o̱, kó kui tikónjii̱n Néná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.