Markoo̱ 8:25 - Xo̱jo̱n eén Néná

²⁵ Sꞌe̱ Kjisoo̱ ti̱ yejénnié nginií tsja xtji̱e̱e̱n nga̱són ndyi̱ko̱n, kó kamándaya kui nda̱a̱, nda kamátsijee̱n, kó kamábe cha̱n cha̱n ngayeje nii̱.

Markoo̱ 8:25 Iomraidhean Croise

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Matioo̱ 13:12

Ngatꞌa̱ ta̱ꞌyaní xi ntꞌié ni xi bokoyá an, tsie ngase ko̱e̱ꞌeé nga ka̱makjiín, kó ꞌniú ka̱makjiín, ta̱nga xi ntꞌiéjín, chja̱ꞌáxiín ngaskande ni xi chií makjiín.

Markoo̱ 8:24

Kó nda̱ ti̱ka̱a̱ iskjíxꞌá ndyi̱ko̱n, kó bi̱ katsó: –Jè be chií an xotaa̱, kó xikó maá tsi yá xí tjimá kjimana an.

Markoo̱ 8:26

Kó Kjisoo̱ katsꞌénkjí ndiꞌaa̱, nga bi̱ katsoó: –Ngata̱ bitjasꞌi̱njín ji kui ndí nangií nga tjín xí kꞌuiyée̱ ni xi kamaá.

Ni xi kamá 1:10

Kó tji̱e̱nga ndyi̱kotsijen ndá ndaá kui jaá nkꞌa jàn, kamábe nga sa kjin sa kjin kijí Kjisoo̱, kó jó já xí ndyi̱yajá ńjño tiboa jeꞌekoón kui já apostroo̱,

Ni xi kamá 14:9

nga tsintꞌieé én xí tsꞌénchji̱a̱ Pabloo̱, Pabloo̱ askoꞌá ndá ndá, kó kamábe nga kui nda̱a̱ ꞌniú sꞌijii̱n Néná nga ka̱mandaya,

Xota̱ Filipo̱ 1:6

Néná xí ítsꞌi̱yanii̱ nga katsꞌén ngo xá xí nda ngi̱jii̱n jún, kó bee̱ko̱n an nga sa̱ꞌíndo̱jo ngaskande ni̱xtjin nga kjo̱e̱ꞌe nginí Jesukristoo̱.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.