Markoo̱ 8:2 - Xo̱jo̱n eén Néná

² –Ni̱ma̱ kjimána kui xotaa̱, ngatꞌa̱ je ján ni̱xtjinnii̱ nga síndojo̱na kꞌi̱e̱e̱, kó jmíjiín ni xi skji̱ni̱e̱.

Markoo̱ 8:2 Iomraidhean Croise

Xo̱jo̱n Salmoo̱ 103:13

Kui xota̱ xi tsꞌéndíkón Néná, Néná achichí nda tsꞌénjo̱, xikó má tsꞌénjo̱ ndií ngo na̱ꞌmi.

Xo̱jo̱n Salmoo̱ 145:15

Jí boá xi ndyi̱kotsijee̱n ngayeje xotaa̱, nga ndyi̱koya nga ji ko̱e̱ꞌée̱ nichinie.

Xo̱jo̱n Salmoo̱ 145:8

Ji Ne, achichí tjoó ko̱jo ndaxota̱ niꞌínje̱jne̱ ji̱n, jmí tsi tsá niꞌínxchín jí, kó achichí je kjo̱a̱tjóo̱. Achichí nda niꞌínje̱ ji xi kiniꞌínde ji, kó ni̱ma̱ maa̱.

Matioo̱ 14:14

Kó ngije jachó Kjisoo̱, nga jatjajen tjotso jee̱ achichí má xota̱ xi kamábe, kó ni̱ma̱ kamaá, kó katsꞌéndaya xi oo̱n.

Matioo̱ 20:34

Kósꞌe̱ Kjisoo̱ kamáni̱ma̱a̱ kui jaá, katsꞌénjo̱ ndyi̱ko̱n, kó ti̱ kjiꞌa kamátsijee̱n, sꞌe̱ kui jaá kijítji̱ngii̱ Kjisoo̱ ngijee̱.

Matioo̱ 9:36

Kó nga kamábe Kjisoo̱ xota̱ kjiín, ni̱ma̱ kamaá ngatꞌa̱ nde bejín kui xotaa̱ mí ni xi sa̱ꞌín, kó nde bejín kótsꞌèn kjo̱tjoꞌaa̱ yojoo̱, kisꞌiṉtso̱ma xikó maá cho̱tsa̱nga̱ xi jmí ndi̱a̱jiín.

Markoo̱ 1:41

Kó Kjisoo̱ ni̱ma̱ kamaá kui nda̱a̱, yejénnié tsja, katsꞌénjo̱, kó bi̱ katsoó: –Mejénna, ngatamatsjiejón ji.

Markoo̱ 5:19

Ta̱nga Kjisoo̱ katsjandièjiín, ta̱sá bi̱ katsoó: –Ta̱sá tꞌen ndiꞌàa̱, tꞌenchíi̱n xingi̱ ji, kó tꞌíni̱jmìi̱ ni je xi katsꞌénjoo̱ Néná, ko̱jo kótsꞌèn nga Néná kamáni̱ma̱a̱ ji.

Markoo̱ 6:32

Kó ngo tjotso je kijíyà nga kijí ngo ngi̱ndie kjiꞌitiya.

Markoo̱ 6:34

Kó nga jatjajen Kjisoo̱ tjotso jee̱, kamábe xota̱ kjiín, kó ni̱ma̱ kamaá ngatꞌa̱ kui xotaa̱ tjimá, xikó maá cho̱tsa̱nga̱ xi jmí ndi̱a̱jiín, kó ítsꞌi̱yanii̱ nga kjín ni akóyaá.

Markoo̱ 8:3

Kó tsi sa̱ꞌinkjí kjindiá án ndiꞌaa̱, ko̱yayà ngi̱ya ndi̱ya̱à, ngatꞌa̱ tjín xí kjin kjindibáni.

Markoo̱ 9:22

Kó kui a̱siénni̱xtjin xi ndajiín je sa kjín ndi̱yànií nga ꞌbojmijin ngi̱jin ndiꞌií, ko̱jo ngi̱jin ndáfoaa̱, tsi̱ꞌe̱ nga sa̱ꞌínkꞌién. Ja̱ kuíni, tsi ka̱ma xi si̱ꞌin, ngatamani̱ma̱a̱ ji̱n, kó tasíke̱jejne̱.

Rkaa̱ 15:20

Sꞌe̱ kijí nginí ndiꞌaa̱ na̱ꞌmii̱. Ti̱ sꞌe̱ kjin tsꞌéndibání nga kamábe na̱ꞌmii̱, kó ni̱ma̱ kamaá, sꞌe̱ kijíkjaꞌáyíndi̱yà, janíkjá, kó ngo ndsó katsjaá tꞌanijon.

Rkaa̱ 7:13

Kó Ndi̱a̱a̱ nga kamábe, ni̱ma̱ kamaá kui xota̱chjo̱on, kó bi̱ katsoó: –Ngata̱ cheꞌéjín ji.

Xota̱ Ebreo̱ 2:17

Kó kuíni nga bo̱a̱ tsꞌén chjiéngá xi kókón ngayeje ntsꞌiee̱ nga bo̱a̱ kisꞌie, tsi̱ꞌe̱ nga ngo chináꞌmi xi ꞌniú nkꞌa xaá xi tsꞌén xaá Néná kamá, xi ni̱ma̱takón ko̱jo ꞌniátakón kamá, xi tsꞌenkꞌásꞌién chji̱e̱ tsi̱ꞌe̱ nga sa̱ꞌínkjié jeé xota̱ na̱xi̱ńdaá.

Xota̱ Ebreo̱ 4:15

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.

Xota̱ Ebreo̱ 5:2

Kui chináꞌmii̱ ka̱maa̱ kꞌuieé kjo̱a̱chiyákjo̱a̱ kjo̱a̱a̱ xota̱ xi ndajín makjiín ngo ni, ko̱jo xota̱ xi tjimá kichajá ndi̱ya̱à Néná, ngatꞌa̱ ti̱ xota̱ boá kui chináꞌmi xi ꞌniú nkꞌa xaá nga,