Markoo̱ 8:13 - Xo̱jo̱n eén Néná

¹³ Kó índo soboá kui jaá, kó ti̱ tsꞌasꞌien nginí ngi̱ya tjotso jee̱, sꞌe̱ kijíngandá xi ingoboaá ngi̱ndi̱o̱ò.

Markoo̱ 8:13 Iomraidhean Croise

Xo̱jo̱n Salmoo̱ 81:12

Kuíni nga ta̱sá katsjandièe̱ nga katsꞌén ni xi kamámejeén ini̱ma̱a̱, tsi̱ꞌe̱ nga ki̱a̱ kijítji̱ngi ni xi ndajín xi kamámejeén katsꞌén.

Matioo̱ 15:14

Xióchònjnú kui xotaa̱, xota̱ ti̱ka̱ xi tjimátjoón kje̱ꞌe xota̱ ti̱ka̱ boá, kó tsi ngo nda̱ xi ti̱ka̱ tsꞌénbokoó ndi̱yà ingo nda̱ xi ti̱ka̱, a mí tsí nga joó nga ku̱i̱xo̱ya ngo ti̱xa̱.

Matioo̱ 7:6

Ngata̱ boeꞌéjínjnúu̱ ni xi tsjie ńñaá, ti̱nde ngata̱ ki̱a̱jín fojmijnúu̱ to ixkìꞌ xi chjí kje̱n chi̱nga̱a̱, ngatꞌa̱ tsi tsja̱nié ka̱ma xi̱ kui nii̱, kó ngaskande jún skji̱ni̱e̱jnú kui cho̱o̱.

Markoo̱ 8:12

Kó Kjisoo̱ kasasienjiín kui nii̱, kó bi̱ katsó: –Míkjo̱a̱a̱ nga ngo chi̱bo̱a̱ ndyi̱míꞌá kui xotaa̱. Ja̱koxi̱ ni xi xiánjnúꞌun nga nde ngo chi̱bo̱a̱ ko̱e̱ꞌéjiín.

Markoo̱ 8:14

Kó kui jaá kichíyaá nga ko̱a̱ꞌa̱ pan, kó ta̱ ngo chií pan ndyi̱yaꞌa ngi̱ya tjotso jee̱.

Rkaa̱ 8:37

Kósꞌe̱ ngayeje xota̱ xi chji̱a̱ni nangi Jerasa̱, ꞌniú tsíꞌáa̱ Kjisoo̱ tsi̱ꞌe̱ nga kjo̱tjoni kui nangii̱, ngatꞌa̱ achichí katsakjónní kjo̱a̱a̱ kui ni xi kamaá. Kó Kjisoo̱ tsꞌasꞌien ngi̱ya tjotso jee̱, sꞌe̱ kijí.

Juaa̱ 12:36

Tji̱e̱nga tikónjnú ndiꞌií, sꞌijin ngatamajnú ndiꞌií, tsi̱ꞌe̱ nga ndií ndiꞌií ka̱majnú jún. Ngije katsó Kjisoo̱ kui nii̱, kijí, sꞌe̱ kisꞌijña ꞌmaa̱ kui xotaa̱.

Juaa̱ 8:21

Ingo ndi̱yà, bi̱ katsó nginí Kjisoo̱: –An jè tsꞌénfí an, kó jún ku̱i̱ndyi̱séjnúꞌun, ta̱nga ta̱ngatꞌanii̱ jéjnú nga ko̱yàjnú, kó nínga tsꞌénfí an, ka̱májín kongínjnú jún.

Ni xi kamá 18:6

Ta̱nga kui xotaa̱ ta̱ kje̱ꞌe tsꞌén katsꞌénkjó, kósꞌe̱ chꞌo katsó, sꞌe̱ Pabloo̱ ítsanie xa̱a̱ ńjñoo̱ nga akó nga chꞌo kamaá ni xi kiꞌmií, kó bi̱ katsoó: –Ti̱ júnní ndyi̱mindyijnúu̱ jé yojojnú nga xcha̱jàjnú, ánjín konna ni xi ka̱majnú, ngatꞌa̱ tsjie án, ngotꞌe̱ ꞌne̱, ta̱sá xota̱ xi jundío̱jín xi kjuínkóo̱n.

Ni xi kamá 27:2

Kó tsanginyájne̱ ngo tjotso je xi chji̱a̱ni na̱xi̱ńdáꞌniú Andramitio̱ xi je makjí má ki̱a̱ nangi Asia̱, kó ki̱a̱ nijan tikónjo̱jne̱ nda̱ xi ꞌmí Aristarkoo̱, xi chji̱a̱ni Tesalónika̱, na̱xi̱ńdá xi chji̱a̱ni nangi Masendonia̱,