Markoo̱ 8:11 - Xo̱jo̱n eén Néná

¹¹ Kó já fariseoo̱ jachókoón Kjisoo̱, kó tsíꞌaá ngo chi̱bo̱a̱a̱ ndiꞌakꞌajmii̱ tsi̱ꞌe̱ nga skótꞌayákón.

Markoo̱ 8:11 Iomraidhean Croise

Éksondo̱ 17:2

kó xota̱ na̱xi̱ńdaá katsꞌénxchánjo̱ Moisee̱ nga bi̱ katsoó: —¡Xíndájne̱! ¡Te̱ꞌéjne̱ ndáfoa xi sꞌi̱o̱ji̱n! Kó Moisee̱ bi̱ katsoó: —Kó, Ánní nga an ndyi̱niꞌánxchánjo̱jnúꞌun. Ánní nga niꞌánsꞌijinjínjnú ngaꞌniuú Néná.

Éksondo̱ 17:7

Kó kui ngi̱ndiee̱ Meribaa̱ ítꞌajaꞌén, «nga niꞌánxchánjo̱» tsó kui nii̱, ngatꞌa̱ xota̱ na̱xi̱ńdaá ki̱a̱ boá nínga katsꞌénxchánjo̱ Néná. Kó ti̱ Masaa̱ ítꞌajaꞌén nga, «ni xi sꞌijinjínná» tsó kui nii̱, ngatꞌa̱ jó ján íjñaá ini̱ma̱a̱ kjo̱a̱a̱ ngaꞌniú xí tjiín Néná nga skoón kui xotaa̱.

Matioo̱ 12:38

Kósꞌe̱ tjín káꞌá já fariseoo̱ ko̱jo já chji̱ni̱e̱kjo̱a̱kitii̱, xi bi̱ katsoó Kjisoo̱: –Mostro̱ mejénjne̱ nga ko̱ké ji ngo chi̱bo̱a̱.

Matioo̱ 19:3

Kósꞌe̱ já fariseoo̱ jachókón tiñaa̱ Kjisoo̱, tsi̱ꞌe̱ nga askotꞌayákón, sꞌe̱ bi̱ katsoó: –A tsjandiè kjo̱a̱kitii̱ nga ngo nda̱ xi je ixán sa̱ꞌínkjié kjo̱a̱bixaa̱n ta̱ngatꞌanii̱ ngo ni.

Matioo̱ 21:23

Kó nga jachó Kjisoo̱ ndi̱tsen na̱ngo̱xi̱i̱, kó tji̱e̱nga tsꞌénbokoyá ki̱a̱a̱, jachókón tiñaa̱ já ngito̱ko̱o̱ chináꞌmii̱ ko̱jo já xchá ngito̱ko̱o̱ na̱xi̱ńdaá, kó bi̱ katsó nga asíyaá: –Mí xá xí tjiín nga kui nii̱ niꞌín ji. Kó ꞌyá xí katsjaá kui xaá.

Matioo̱ 22:15

Kósꞌe̱ já fariseoo̱ kijíkꞌínda kótsꞌèn ku̱i̱ꞌíjñaá ngo chja̱ya̱ Kjisoo̱, tsi̱ꞌe̱ nga ngo ni xi ndajín ka̱tso̱.

Matioo̱ 22:18

Ta̱nga Kjisoo̱ ja̱bo̱a̱ je be ni xi katsꞌénkjó kuí jaá, kó bi̱ katsoó: –Já jókje̱n, ánní nga an ndyi̱chjatꞌayákónjnúꞌun.

Matioo̱ 22:23

Kui ni̱xtjii̱n jachókoón Kjisoo̱ já sanduseo̱, kui xota̱ xi tsó nga ngiti̱ foaꞌáꞌyájín xoò xota̱ xi je jesoón,

Markoo̱ 12:15

Ta̱nga Kjisoo̱ tji̱e̱nmá kamákjiín kjo̱a̱jókje̱e̱n kui jaá, kó bi̱ katsoó: –Ánní nga an ndyi̱chjatꞌayákónjnúꞌun. Te̱ꞌéjnúꞌun ngo to̱n xi chji̱a̱ni Roma̱, tsi̱ꞌe̱ nga skotsijèe̱n.

Markoo̱ 2:16

Kó já chji̱ni̱e̱kjo̱a̱kitii̱ ko̱jo já fariseoo̱, nga kamábe nga Kjisoo̱ tsꞌénkjiniejo̱ ṉño̱ já xí foaꞌáꞌyá to̱n xi machjítjé nii̱, ko̱jo xota̱ jeé, bi̱ katsó nga asíyaá xota̱ tsi̱ꞌe̱ Kjisoo̱: –Mí ni xi̱ꞌbi̱, nga mostro̱jnú tsꞌénkjiniejo̱ ṉño̱ já xí foaꞌáꞌyá to̱n xi machjítjé ni ko̱jo xota̱ jé.

Markoo̱ 9:16

Kó Kjisoo̱, bi̱ katsó nga asíyaá: –Mí ni xi ndyi̱chiboátijo̱jnú kui jaá.

Rkaa̱ 10:25

Kó ngo nda̱ chji̱ni̱e̱kjo̱a̱kitii̱ jastjíe̱n, kó bi̱ katsoó Kjisoo̱ tsi̱ꞌe̱ nga skótꞌayákón: –Mostro̱, mí ni xi sa̱ꞌin an tsi̱ꞌe̱ nga sa̱kóna kjo̱a̱mindyion ngatsjéni̱xtjii̱n.

Rkaa̱ 11:16

Kó kje̱ꞌe xota̱ xi kamámejeén askotꞌayákón Kjisoo̱, tsíꞌáa̱ ngo chi̱bo̱a̱a̱ ndiꞌakꞌajmii̱.

Juaa̱ 4:48

Kósꞌe̱ Kjisoo̱, bi̱ katsó: –Nde sꞌi̱jinjínjnú jún tsi xcha̱jínjnú ngo chi̱bo̱a̱ ko̱jo tsi ngo kjo̱a̱ndikón.

Juaa̱ 6:30

Sꞌe̱ bi̱ katsó kui jaá: –Mí kjo̱a̱ndikón xi si̱ꞌin ji tsi̱ꞌe̱ nga xcha̱jne̱, sꞌe̱ sꞌi̱jinjne̱. Mí xá xi niꞌín jí.

Juaa̱ 7:48

A jè kisꞌijii̱n kui já xí botixómaá, ko̱jo tsi já fariseoo̱.

Juaa̱ 8:6

Kui nii̱ katsó kui jaá nga ndyi̱kjitꞌayákón Kjisoo̱, tsi̱ꞌe̱ nga ko̱óngítaꞌin. Ta̱nga Kjisoo̱ kisꞌijñaxtien tꞌanangii̱, tji̱e̱nga tsja katsꞌénꞌindó ngo ni tꞌanangii̱.

Ni xi kamá 5:9

Sꞌe̱ Peé, bi̱ katsoó: –Ánní nga bo̱a̱ tsꞌén ikꞌíndajnú nga kachjatꞌayákónjnú A̱si̱énni̱xtjii̱n Ndi̱a̱a̱. Jànꞌa̱n, ki̱a̱ ndyi̱ndibá já xí kijíkanijín xi̱ꞌíi̱n, kó ti̱ bo̱a̱ ti̱ tsꞌén ko̱e̱je̱kanijiín ji nga.

1 Xota̱ Korinto̱ 10:9

Ti̱nde ngata̱ chjátꞌayákónjín ñá Ndi̱a̱ná, xikó katsꞌén chiboa kui xotaa̱ nga askotꞌayákón, kó ye̱ iskjiniee̱ nga jesón.