Markoo̱ 7:23 - Xo̱jo̱n eén Néná

²³ Ngayeje kui ni chꞌokjiꞌii̱ xi ngi̱jin ini̱ma̱a̱ xotaa̱ fotjonii̱, kó kuí nii̱ xi tsꞌénndándí ngindyi̱ko̱n Néná.

Markoo̱ 7:23 Iomraidhean Croise

Markoo̱ 7:15

Ngayeje ni xi ndibání ndi̱tsén jàn xi kꞌo̱sꞌien ngi̱jin yojoo̱ xotaa̱, kuijín nii̱ xi tsꞌénndándí ngindyi̱ko̱n Néná, ta̱nga kuí ni xi fotjoo̱ ini̱ma̱a̱ xi tsꞌénndándí.

Markoo̱ 7:18

Kó Kjisoo̱, bi̱ katsoó: –A ti̱nde jún makjínjínjnú. A kó makjínjínjnú nga ngayeje ni xi skji̱ni̱e̱ xotaa̱ nga kuijín nii̱ xi sa̱ꞌíndándí ngindyi̱ko̱n Néná,

Markoo̱ 7:20

Kó bi̱ katsó ngase Kjisoo̱: –Kuí ni xi fotjoo̱ tsꞌoa xotaa̱ xi tsꞌénndándí ngindyi̱ko̱n Néná.

Markoo̱ 7:22

ko̱jo xota̱ xi ndyi̱tsꞌènchéjé, ko̱jo xota̱ xi xke̱é ni, ko̱jo xota̱ xi ndyi̱tsꞌèn kjo̱a̱ton, ko̱jo xota̱ xi ndyi̱ꞌboṉcha̱, ko̱jo xota̱ xi mejeén chꞌo sa̱ꞌínjo̱ yojoo̱, ko̱jo xota̱ xi onkon, ko̱jo xota̱ xi chꞌo a, ko̱jo xota̱ xi nkꞌa xi yiꞌi ꞌboxié yojoo̱, ko̱jo xota̱ xi tá kitikjo̱a̱ maa̱ yojoo̱.

Markoo̱ 7:24

Kó ngije jatjo Kjisoo̱ ki̱a̱a̱, kijí nangi Tiroo̱ ko̱jo nangi Sindo̱n. Kó nga tsꞌasꞌien ngo ndiꞌa, kamámejénjiín nga tjín xí sku̱i̱e̱ nga ki̱a̱ tikón, ta̱nga kamáꞌmájiín yojoo̱,

1 Xota̱ Korinto̱ 3:17

Tsi tjín xí sa̱ꞌínkjatsón na̱ngo̱xi̱i̱ Néná, Néná sa̱ꞌínkjatsón xí bo̱a̱ sa̱ꞌiín, ngatꞌa̱ tsjie na̱ngo̱xi̱i̱ Néná, kó jún boá xi na̱ngo̱xi̱i̱ Néná.

Titoo̱ 1:15

Ngayeje nii̱ xi tsjie maá xota̱ xi tsjietsꞌén tikón ini̱ma̱a̱, ta̱nga xota̱ xi ndándí síndo ngindyi̱ko̱n Néná, ko̱jo xi sꞌijinjiín Néná, ngojín ni xi tsjie maá kui, ngatꞌa̱ ngaskande ni xi tsꞌénkjó, ko̱jo kjo̱a̱kjíntakoón tsjiejín tikón.

Xo̱jo̱o̱n Jundaa̱ 1:8

Ti̱ bo̱a̱ ti̱ ka̱maa̱ kui já xí tsꞌasꞌienjin maña̱jnú, ngatꞌa̱ xota̱ xi ndyi̱fítji̱ngi chi̱nii̱ boá nga ndyi̱tsꞌènndándí yojoo̱ ngindyi̱ko̱n Néná, kó ndyi̱tsꞌènchꞌó xi tjiín xá, ko̱jo chꞌo ndyi̱tsoó ngaꞌniú xi ta̱nisién nkꞌaá.