Markoo̱ 7:21 - Xo̱jo̱n eén Néná

²¹ Ngatꞌa̱ ngaskande ngi̱jin ini̱ma̱a̱ xotaa̱ ndibánií ni xi chꞌokjiꞌi xi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènkꞌién ini̱ma̱,

Markoo̱ 7:21 Iomraidhean Croise

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 14:4

ꞌYá xí ka̱maa̱ sa̱ꞌíntsjie ni xi ndándií. Ta̱ꞌyajínni.

Joo̱b 25:4

¡Ngindyi̱ko̱n Néná nde ngojín xi ka̱maa̱ ko̱kó nga jmíjéjiín! Nde ngojín xota̱ nga̱sondiee̱ xi tsjie.

Xo̱jo̱n Salmoo̱ 119:36

Ti̱ꞌin ji nga ta̱ ée̱n tsí xi sa̱ꞌinkjó án, kó jmí tsi to̱n xi niꞌán xi ndajín sakóná.

Xo̱jo̱n Salmoo̱ 14:1

Xota̱ xi kitikjo̱a̱a̱ bi̱ tsó nga chji̱a̱jo ini̱ma̱a̱: «Jmí Nénájín». Kui xotaa̱ jè jatson, kó ngayeje ni xi tsꞌén, ni xi chꞌo boá, ¡nde ngojín xota̱ xi ni xi ndaa̱ tsꞌén!

Xo̱jo̱n Salmoo̱ 14:3

Ta̱nga ngayejee̱ nga je kje̱ꞌe ndi̱yà kijí, ngayejee̱ nga je jatson ini̱ma̱a̱. Nde jmíjín xi tsꞌén ni xi ndaa̱, nde ngojín.

Xo̱jo̱n Salmoo̱ 53:1

Xota̱ xi kitikjo̱a̱a̱ bi̱ tsó ngi̱jin ini̱ma̱a̱: «Jmíjín Néná». Xota̱ xi je jatson boá, kó ni xi ndajín boá xi tsꞌén, ¡nde ngojín xi ni xi nda tsꞌén!

Xo̱jo̱n Salmoo̱ 53:3

Ta̱nga ngayeje xotaa̱ nga je katsꞌénkjii̱n yojoo̱ Néná, ngayeje xotaa̱ nga je jatson, jmíjín xi tsꞌén ni xi ndaa̱, nde ngojín.

Énkjínkón 15:25

Néná tsꞌénkjátsón ndiꞌaa̱ xota̱ xi nkꞌakoo̱n, ta̱nga kónrií tsindioó xoꞌbaa̱ ínchjín kꞌán xi je kꞌien xi̱ꞌii̱n.

Énkjínkón 4:23

Kó nga̱soón ngayeje nii̱, chíi̱n ni xi fojin ji ini̱ma̱a̱, ngatꞌa̱ ki̱a̱ boá nínga ndibánií kjo̱a̱mindyioo̱n.

Matioo̱ 15:19

Ngatꞌa̱ ngi̱jin ini̱ma̱a̱ xotaa̱ ndibánií nga ni xi chꞌokjiꞌi tsꞌénkjó, xikoó xota̱ xi ndyi̱tsꞌèntꞌaa̱ kjo̱a̱ xkjín, ko̱jo xota̱ xi tondo̱, ko̱jo xota̱ xi ndyi̱tsꞌènchéjé, ko̱jo xota̱ xi ndyi̱ꞌboṉcha̱, ko̱jo xota̱ xi chꞌo a.

Matioo̱ 9:4

Kó Kjisoo̱ kamákjiín ni xi tjítsꞌénkjiín kon, sꞌe̱ bi̱ katsoó: –Ánní nga ni xi ndajín ndyi̱fojintakónjnú.

Markoo̱ 7:20

Kó bi̱ katsó ngase Kjisoo̱: –Kuí ni xi fotjoo̱ tsꞌoa xotaa̱ xi tsꞌénndándí ngindyi̱ko̱n Néná.

Markoo̱ 7:22

ko̱jo xota̱ xi ndyi̱tsꞌènchéjé, ko̱jo xota̱ xi xke̱é ni, ko̱jo xota̱ xi ndyi̱tsꞌèn kjo̱a̱ton, ko̱jo xota̱ xi ndyi̱ꞌboṉcha̱, ko̱jo xota̱ xi mejeén chꞌo sa̱ꞌínjo̱ yojoo̱, ko̱jo xota̱ xi onkon, ko̱jo xota̱ xi chꞌo a, ko̱jo xota̱ xi nkꞌa xi yiꞌi ꞌboxié yojoo̱, ko̱jo xota̱ xi tá kitikjo̱a̱ maa̱ yojoo̱.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Ni xi kamá 5:4

A tse̱jín kamá kui xoꞌbaa̱. Kó ngije akatíñí, a tse̱jín kamá kui to̱o̱n. Ánní nga bo̱a̱ kjiꞌi ni xi ikꞌíjñijin ini̱màa̱. Ngatꞌa̱ jmí tsi xota̱ xi ikꞌíndiseje̱, Néná boá xi kichꞌíṉche̱je.

Ni xi kamá 8:22

Ti̱ꞌinkꞌoyé ji ni chꞌokjiꞌi tse̱, kó ꞌniú chji̱e̱ꞌèe̱ Néná, tsi ta̱ꞌa nga sa̱ꞌínjetakoón ni xi bo̱a̱ tsꞌén ikꞌíjin ini̱màa̱,

Xota̱ Roma̱ 7:5

Ngatꞌa̱ kjiꞌanga kixindyión nga kiniꞌán ni xi mejeén yojoná, kjiꞌanga ni xi ndajín xi kamámejénná kiniꞌán, kjo̱a̱kitii̱ xí katsꞌén nga ta̱sá má ꞌniú ngase kiniꞌánjé, kó ni xi kijíjo̱na kjo̱a̱bo̱yaa̱ kiniꞌán.

Xota̱ Roma̱ 7:8

Ta̱nga jeé ta̱ ni xi mejénrií katsꞌénjo̱ kjo̱a̱kitii̱, kó katsꞌénkjién kuí kjo̱a̱botíxomaa̱ tsi̱ꞌe̱ nga sa̱ꞌin an ngayeje to̱ko̱ya kjo̱a̱ndikonkón, ngatꞌa̱ tsi jmíjín kjo̱a̱kitii̱, jeé jmí ngaꞌniújiín.

Xota̱ Kolosa̱ 3:5

Ti̱ꞌankꞌiènjnú ni nga̱sondie xi tikónjii̱n ini̱ma̱jnú kui ni xi kjo̱a̱tondoo̱, ko̱jo ni xi ndándií, ko̱jo nga ko̱tíxomájnú ni xi ndajín xi mejeén sa̱ꞌín yojojnú, ko̱jo kjo̱a̱xki̱ꞌá to̱n. Kui xi xki̱ꞌá to̱o̱n, kuí boá xi tjimátji̱ngi kje̱ꞌe ne xi Nénájín.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

Xo̱jo̱o̱n Sandiyaá 2:4

Tsi bo̱a̱ ndyi̱niꞌánjnú, a mí tsí ti̱ juún xi skján ndyi̱niꞌánjo̱jnú xotaa̱. Kó a mí tsí chꞌo tsꞌén ndyi̱niꞌánkjójnú nga ndyi̱tsitsijenjnúu̱ ꞌyá xí chjí ngasenii̱.