Markoo̱ 6:51 - Xo̱jo̱n eén Néná

⁵¹ Kó ngije tsꞌasꞌien Kjisoo̱ ngi̱ya tjotso jee̱, kixixió tjo̱o̱, kó achichí kijíndikoón kui jaá,

Markoo̱ 6:51 Iomraidhean Croise

Matioo̱ 8:10

Nga tsintꞌié kuí nii̱ Kjisoo̱, achichí kijíndikoón, kó bi̱ katsoó xota̱ xi yajátji̱ngii̱: –Ja̱koxi̱ ni xi xiánjnúꞌun nga kji̱e̱ ngo nda̱ sakóna kꞌi̱e̱ Israee̱l xi bi̱ tsꞌén ꞌniú sꞌijii̱n.

Markoo̱ 1:27

Kó ngayeje xotaa̱ nga achichí katsakjónní, kó bi̱ katsó ja̱kꞌi̱e̱ ja̱ngaján nga asíyaá xkjín: –Mí ni xi̱ꞌbi̱. ¡Kui nda̱a̱ ngo ni tja̱tsi̱e̱ tsꞌénbokoyá, kó xikoó tsi xá tjiín! ¡Ngaskande a̱siénni̱xtjin xi ndajín botixómaá, kó ntꞌiéꞌeén!

Markoo̱ 2:12

Kósꞌe̱ kui nda̱ xi ni̱ma̱a̱, tji̱e̱nmá jastjíe̱n, iskjíbé ṉchaa̱n, sꞌe̱ jataxie nga kamábe ngayeje xotaa̱, kó achichí kijíndikoón ngayejee̱, kó katsjaá kjo̱a̱je Néná, nga bi̱ katsoó xkjín: –Kji̱e̱ ngo ndi̱yà yàjne̱ ngo ni xi xikoó xi̱ꞌbi̱.

Markoo̱ 4:39

Kó jastjíe̱n Kjisoo̱, kó ꞌniú tsíchji̱a̱jo tjo̱o̱, sꞌe̱ bi̱ katsoó ndáchíkoón: ¡Xió! ¡Xió tindyin! Kó tji̱e̱nmá kixixió tjo̱o̱, kósꞌe̱ kisꞌie xió xió nga̱són ndáfoaa̱.

Markoo̱ 4:41

Kó achichí katsakjónní kui jaá, kó ja̱kꞌi̱e̱ ja̱ngaján, bi̱ katsoó xkjín: –ꞌYá nda̱a̱ bo̱a̱ xi̱ꞌbi̱, nga ngaskande tjo̱o̱ ko̱jo ndáchíkoón ntꞌiéꞌeén.

Markoo̱ 5:42

Kó ti̱ kjiꞌa, kui tsa̱kjìnchí xi tiejó noó, jastjíe̱n kó kistsoꞌbá. Kó xotaa̱ achichí kijíndikoón kui ni xi kamaá.

Markoo̱ 6:32

Kó ngo tjotso je kijíyà nga kijí ngo ngi̱ndie kjiꞌitiya.

Markoo̱ 7:37

Kó achichí kijíndikoón xotaa̱ kui nii̱, kó bi̱ katsó: –Ngayeje nii̱ xi nda tjítsꞌén. ¡Ngaskande tsꞌénkíntꞌié xota̱ xi xtiya, ko̱jo tsꞌénkíchji̱a̱ xota̱ xi ni̱ma̱!

Juaa̱ 6:21

Kósꞌe̱ kui jaá achichí tsja kamaá nga Kjisoo̱ tsꞌasꞌien ngi̱ya tjotso jee̱, kó tji̱e̱nmá jachó ngi̱ndie nínga ndyi̱fí.