Markoo̱ 6:21 - Xo̱jo̱n eén Néná

²¹ Kó ta̱ kjiꞌá má kasakondieè nga katsꞌén ngo sꞌué Erondee̱ nga jachónó, kó jachókjiniejo̱ ṉño̱ ngayeje já cho̱n, ko̱jo já ngito̱ko̱o̱ jájún, ko̱jo xota̱ xi yandikón xi síndo nangi Ngalilea̱.

Markoo̱ 6:21 Iomraidhean Croise

Jenesii̱s 27:41

Kó Esauu̱ achichí chꞌo kamaá Jakoo̱b ta̱ngatꞌanii̱ nga jaꞌáxiín kui kjo̱a̱niꞌánchikonñé xi katsjaá na̱ꞌmii̱, kó índa nga ngije ko̱yà na̱ꞌmii̱ sa̱ꞌínkꞌién ntsꞌi̱e̱.

Jenesii̱s 40:20

Xi ma ján ni̱xtjin, kjiꞌá má nga jachónó nda̱ ree̱ nangi Ejipto̱ ngo sꞌué ꞌniú katsꞌeén ngayeje chji̱ni̱e̱ꞌboo̱ ko̱jo mosoo̱, kó ki̱a̱ ngindyi̱ko̱n ngayeje xota̱ xi jachó kui sꞌueé katsjákjo̱a̱ nga ko̱ꞌna̱xié ndo̱bo̱a̱yà ngito̱ko̱o̱ já xí tjón kotꞌa bino̱ xi ꞌbi nda̱ ree̱ ko̱jo ngito̱ko̱o̱ já xí tsꞌéndaa̱ pan.

Na̱ Estee̱r (Ebreo̱) 2:18

Jaskan kui ree̱ katsꞌeén ngo sꞌué ngayeje xota̱ xi tjiín xá ko̱jo xota̱ xi mosoo̱, kui sꞌueé kjo̱a̱a̱ na̱ Estee̱r boá. Kó katsꞌénkjaꞌajee̱n to̱n xi ꞌbíchjítjé ni xota̱ xi síndo nangii̱, kó katsꞌénkjaꞌasoón ni xotaa̱, xikó tsꞌén ngo re xi nda ini̱ma̱a̱.

Na̱ Estee̱r (Ebreo̱) 3:7

Jè má ítsꞌi̱yanii̱ sá xí tjoón, kui xi ꞌmí nisaa̱n, xi ma tiejó nónií nga tsꞌénbotixómá re Asueroo̱, nga kiniꞌánkjién ngo kjo̱a̱chꞌáṉcha ngindyi̱ko̱n Amaa̱n, tsi̱ꞌe̱ nga xcha̱ mí ni̱xtjin nga chjiéngá si̱ꞌan ni xi je tjíndaa̱, kó sá xí ma tiejoó má jatjo xki̱i̱, kui sá xí ꞌmí Andaa̱r.

Rkaa̱ 3:1

Nó tjiꞌún nga kisꞌijña xá nda̱ xi ꞌmí Tiberio̱ Sesaa̱, nda̱ xi ꞌmí Ponsio Pilatoo̱ kisꞌijña xtitjoón nangi Jundea̱, Erondee̱ atíxoma nangi Ngalilea̱, kó ntsꞌi̱e̱ xi ꞌmí Ngiripee̱ atíxoma nangi Iturea̱ ko̱jo Trakonite̱, kó Lisaniaa̱ atíxoma nangi Abilene̱,

Ni xi kamá 25:23

Kó bo̱a̱ tsꞌén nga kamángindyiojón, Angripaa̱ ko̱jo na̱ Berenisee̱ jachó ndikón ndikón ki̱a̱ ngi̱ndie nínga botíjeé, kó nijan jachójo̱ já ngito̱ko̱o̱ jájún ko̱jo xota̱ xi ꞌniú yandikón kuí na̱xi̱ńdaá, kó Festoo̱ tsíꞌá nga kijíchjaꞌá Pabloo̱.

1 Xo̱jo̱o̱n Peé 4:3

Jè jaꞌa ni̱xtjin xikótsꞌèn kixindyionjnú ngasꞌe̱, kjiꞌanga kiniꞌánjnú ni xi tsja máa xota̱ xi sꞌijinjiín Néná, nga kiniꞌánjnú ni xi ndajín, ko̱jo ni xi ndajín xi mejeén yojojnú, ko̱jo kjo̱a̱chꞌi̱, ko̱jo nga chꞌo kiniꞌánjo̱xtínjnú yojo ndikónjnú, ko̱jo nga ikitjatjónjnúu̱ nga kiniꞌánjnú sꞌué, ko̱jo nga kiniꞌántsjájnúu̱ a̱sie̱én ne xi tsꞌénda xotaa̱, kui xi achichí chꞌokoón.

Ni xi akakoo̱ 11:10

Kó kui xota̱ xi síndo tꞌanangii̱ tsja ka̱maa̱ nga kju̱i̱e̱són kui chistikoo̱, achichí tsja kꞌuieé, kó ngaskande ni tsja̱á xkjín, ngatꞌa̱ nga jó kui já chji̱ni̱e̱ꞌe̱én Néná boá xi tsie kjo̱a̱ni̱ma̱ katsꞌénkjaꞌatio xotaa̱ kui nga̱sondiee̱.