Markoo̱ 5:7 - Xo̱jo̱n eén Néná

⁷ Kó askjandáyà má, nga bi̱ katsoó Kjisoo̱: –Mí xí tjiín kjo̱a̱a̱ an, Kjiso̱, ndií Néná xí tikón ndiꞌakꞌajmi jàn. ¡Ti̱ꞌingatꞌee̱ Néná, nga jmí kjo̱a̱ni̱ma̱ niꞌínkjeꞌejínní!

Markoo̱ 5:7 Iomraidhean Croise

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 26:63

Ta̱nga Kjisoo̱ jmí ni katsójín. Kósꞌe̱ chináꞌmi xi ꞌniú nkꞌa xaá, bi̱ katsoó: –Ngiboanéná xi tikoón, nga tꞌíyéjne̱ tsi ji xi Kristoo̱, ndií Néná.

Matioo̱ 4:3

Kó xi kjitꞌayákónná jachókoón Kjisoo̱ tsi̱ꞌe̱ nga skótꞌayákón, kó bi̱ katsoó: –Tsi ja̱koxi̱ nga ndií Néná jí, bo̱a̱ tꞌín ji nga pan ngatama kui ndi̱jo̱o̱.

Matioo̱ 8:29

Kó bi̱ katsó nga askjandáyà kui jaá: –Mí ni xi tjiín kjo̱a̱a̱ ji̱n, Kjiso̱, ndií Néná. A jè kjo̱a̱ni̱ma̱ kjoéꞌe̱ niꞌínkjeꞌejne̱ ngindiee̱ nga kjo̱chó ni̱xtjii̱n.

Markoo̱ 1:24

Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an ꞌyání jí, kó jè be an nga ji xi xota̱ tsjiee̱ Néná.

Markoo̱ 14:61

Ta̱nga Kjisoo̱ jmí ni katsójín, kó nde ngo én tsíchji̱a̱jín. Sꞌe̱ chináꞌmi xi ꞌniú nkꞌa xaá ti̱ asíyá nginií, nga bi̱ katsoó: –A jí xí Kristoo̱ ji, a jí xí ndií Néná jí.

Markoo̱ 3:11

Kó kjiꞌanga kui a̱siénni̱xtjin xi ndajiín kamábe Kjisoo̱, indyiátꞌaa̱tikoó, kó bi̱ katsoó nga askjandáyaá: ¡Jí xí ndií Néná!

Markoo̱ 5:6

Kó ta̱ kjin tsꞌéndibání Kjisoo̱ nga kamábe kui nda̱ tsobeé, kó tsanga má kijíkoón, sꞌe̱ tji̱e̱nmá asiéntꞌaa̱tikoó.

Markoo̱ 5:8

Bo̱a̱ tsꞌén tsíchji̱a̱ kui nda̱ tsobeé ngatꞌa̱ Kjisoo̱, bi̱ katsoó: ¡Ji a̱siénni̱xtjin xi ndajín, tji̱taxi̱e̱jíi̱n ngi̱jin yojoo̱ kui nda̱a̱!

Rkaa̱ 1:32

Kuí xí ꞌniú nkꞌa ka̱ma xaá, kuí xí ndií Néná xí tikón ndiꞌakꞌajmi jàn kꞌuiín, kó Ndi̱a̱ná kui xi Néná, tsja̱à nga ko̱tíxoma xikoó Ndabii̱, kui xi xota̱ tji̱e̱e̱,

Rkaa̱ 4:34

–Mí xí tjiín kjo̱a̱a̱ ji̱n, Kjiso̱ xi chji̱a̱ni Nasaree̱t. A jè kjoéꞌe̱ niꞌínkjiéjne̱. Jè be an nga jí boá xi xota̱ tsjiee̱ Néná.

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Rkaa̱ 8:28

Kó kui nda̱a̱ nga kamábe Kjisoo̱, ꞌniú askjandáyà, kó asiéntikoó tꞌa se Kjisoo̱ sꞌe̱ bi̱ katsó: –¡Mí xí tjiín kjo̱a̱a̱ an, Kjisoo̱, ndií Néná xí tikón ndiꞌakꞌajmi jàn! ¡ꞌNiú tsꞌénmíꞌaá nga jmí kjo̱a̱ni̱ma̱ niꞌínkjeꞌejínní!

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Ni xi kamá 16:17

Kó kui tsa̱kji̱ín tji̱e̱nmá kijítji̱ngijne̱ ji̱n ko̱jo Pabloo̱, kó askjandáyà má nga bi̱ katsó: –¡Kui jmi̱i̱, Néná xí tikón ndiꞌakꞌajmi jàn ndyi̱tsꞌènxájo̱, kó kuí xí ndyi̱tsáyájnú ndi̱yà xí kꞌo̱xiéꞌájnú!

Ni xi kamá 19:13

Ta̱nga tjín xota̱ jundío̱ xi kisꞌiṉtso̱maya ndi̱yàtié jàn xi tsꞌaxié a̱siénni̱xtjin xi ndajín xi tjíjii̱n ngi̱jin yojoo̱ xotaa̱, kó kamámejeén katsꞌénkjién jaꞌeén Ndi̱a̱ Kjisoo̱, kó bi̱ katsoó kui a̱si̱énni̱xtjii̱n: –¡Jaꞌeén Ndi̱a̱ná Kjisoo̱ xi íni̱jmì Pabloo̱, án xí tsꞌénchji̱a̱jojnúꞌun nga ti̱tjaxi̱e̱jinjnú ngi̱jin yojoo̱ xotaa̱!

Ni xi kamá 8:36

Kó nga ndyi̱fí ngi̱ya ndi̱ya̱à, jachó ngo ngi̱ndie nínga tjín ndáfoa, kó bi̱ katsó kui nda̱ Etiopiya̱ xi tsoꞌbájo̱ Ngiripee̱: –Tjín ndáfoa kꞌi̱e̱e̱, mí xí ꞌbíchjaá nga ka̱ma sa̱tíndá án.

Xota̱ Roma̱ 16:20

Kó Néná xi tsjá kjo̱a̱xioó kuí xí sa̱ꞌín nga jún ko̱jna̱niéjnú xindajín Satanaa̱. Ngatꞌiéjnú kjo̱a̱ndaa̱ Ndi̱a̱ná Jesukristoo̱.

Xota̱ Ebreo̱ 2:14

Kó xikótsꞌèn nga jín nga yojo kui ndií, ti̱ bo̱a̱ ti̱ tsꞌén Kjisoo̱ jín ko̱jo yojo kamá. Tsi̱ꞌe̱ nga kꞌien, kó katsꞌénkjié kui xi atíxomaa̱ kjo̱a̱bo̱yaa̱, kui xi xindajín ndiabloo̱,

Xota̱ Ebreo̱ 7:1

Melkisendee̱k nda̱ ree̱ nangi Salee̱n, ko̱jo chináꞌmii̱ kui Néná xi tikón ndiꞌakꞌajmi jàn, kuí boá xi kijíkjaꞌáyíndi̱yà Abraa̱n ngije kjindibáni ngi̱jii̱n kjo̱a̱xchán nínga ja̱bo̱a̱ je katsꞌeén já ree̱, kó Melkisendee̱k tsíꞌá tsi̱ꞌe̱ nga Néná sa̱ꞌínchikonñé,

Xo̱jo̱o̱n Sandiyaá 2:19

A sꞌijii̱n ji nga ta̱ ngo tsí má Néná. Ja̱ ndakjiꞌi ni xi niꞌín ji. Ta̱nga ngaskande ko̱jo ndítsjiee̱ xindajín sꞌijii̱n nga, kó fotsié má nga tsakjón má.

2 Xo̱jo̱o̱n Peé 2:4

Ngasꞌe̱ Néná katsꞌénjetakónjiín ndítsjie xi katsꞌénjeé, kó ta̱sá ki̱a̱ tsꞌajmijin ndo̱bo̱a̱ṉkꞌi̱e̱e̱n nga índo nínga tikón ndo̱bo̱a̱yà xí jñoó, ngaskande ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

1 Xo̱jo̱o̱n Juaa̱ 3:8

Ta̱nga kui xota̱ xi ndyi̱tsꞌènjeé, xota̱ xi tsi̱ꞌe̱ xindajín ndiabloo̱ boá, ngatꞌa̱ xindajiín ndeskande koó nga ítjatsꞌennii̱ nii̱ nga tjítsꞌénjé. Kuíni nga jatjokjaní ndií Néná, tsi̱ꞌe̱ nga sa̱ꞌínkjié ni xi ndajín xi tsꞌén xindajiín.

Xo̱jo̱o̱n Jundaa̱ 1:6

Ti̱ bo̱a̱ ti̱ katsꞌénjo̱ kui ndítsjie xi kixi̱jín katsꞌénkjatjosón xaá, kui xi ta̱sá índomasien ngi̱ndiee̱, Néná síndoꞌniuú ngi̱ya ndo̱bo̱a̱yà xi jñó ko̱jo xi ngatsjéni̱xtjin, tsi̱ꞌe̱ nga ka̱majeé ni̱xtjin je, nga kꞌuiyá tsi nda ko̱jo tsi ndajín katsꞌén xotaa̱.

Ni xi akakoo̱ 12:12

Kuíni nga tsjangatamaa̱ ndiꞌakꞌajmii̱, ko̱jo jún xi ki̱a̱ tindyiónjnú, ta̱nga ni̱ma̱ xò kuí xota̱ xi síndo tꞌanangii̱, ko̱jo xi síndo ngi̱jin ndáchíkoón, ngatꞌa̱ xindajín ndiabloo̱ je jachókónjnú nga ꞌniú tjitsꞌénxchán, kó nga je be nga ta̱ chiboa tsí ni̱xtjin tikoón.