Markoo̱ 5:23 - Xo̱jo̱n eén Néná

²³ kó achichí ꞌniú tsíꞌaá Kjisoo̱, nga bi̱ katsoó: –Ndí tsa̱kjìnchína jè kjiꞌme, tꞌenje̱ chiíní, kó tꞌenkꞌíjñisée̱n ndse̱ tsi̱ꞌe̱ nga kjo̱tjoꞌa, ko̱jo tsi̱ꞌe̱ nga kꞌuijñá nginí ndína.

Markoo̱ 5:23 Iomraidhean Croise

Xo̱jo̱n Salmoo̱ 107:19

Ngije ꞌniú nda̱ kamaá, tsíchji̱a̱a̱ Néná, kó Néná tsꞌaxiéjinni kjo̱a̱ni̱ma̱ xi jaꞌatio,

Xo̱jo̱n Salmoo̱ 50:15

¡Kó ndókjo̱a̱jnúꞌun ni̱xtjin nga nda̱ ka̱majnú! An kꞌoxiéꞌájnúꞌun, kó jún si̱ꞌandikónjnúꞌun ngijee̱».

Matioo̱ 8:3

Sꞌe̱ Kjisoo̱ yejénnié tsja kó katsꞌénjo̱, nga bi̱ katsoó: –Mejénna, ngatamatsjiejón ji. Kó ti̱ kjiꞌa katjoꞌóxín chiꞌin xi koo̱n kui nda̱a̱.

Markoo̱ 16:18

ndatsi skjíbé ngo ye̱, ko̱jo ndatsi kꞌuí ni xi tsꞌenkꞌiénná, jmí ni sa̱ꞌínjiín, kó ti̱ bo̱a̱ ti̱ tsꞌén, tsi ku̱i̱ꞌíjñasoón tsja xota̱ xi oo̱n, ka̱mandaya.

Markoo̱ 5:24

Kósꞌe̱ Kjisoo̱ kijíjo̱ Jairoo̱, kó achichí xota̱ nijan kijíjo̱ xi ngaskande ndyi̱ꞌbindyióꞌniú má.

Markoo̱ 6:13

Kó kjín xindajín tsꞌaxié, ko̱jo kjín xota̱ xi oo̱n katsꞌéndaya nga katsangijon isti̱.

Markoo̱ 7:32

Kó ki̱a̱ jachóchinií ngo nda̱ xi xtiya ko̱jo xi tsakjaꞌá, kó kichjiáꞌaá Kjisoo̱ tsi̱ꞌe̱ nga ku̱i̱e̱njénnié tsja kui nda̱a̱.

Markoo̱ 8:23

Kó Kjisoo̱ iskjíbengí kui nda̱ ti̱ka̱a̱, kó tsꞌaxié ndi̱tsee̱n kui ndí nangií, kósꞌe̱ ndáńti̱a̱á indyiaá ndyi̱ko̱n kui nda̱a̱, yejénnié tsja, sꞌe̱ asíyaá tsi je be chií.

Rkaa̱ 13:13

Kó Kjisoo̱ íjñasoón tsja kui xota̱chjo̱on, kó tji̱e̱nmá kisꞌijñakixi̱, kó kui xota̱chjo̱on ítsꞌi̱yanii̱ nga katsjaá kjo̱a̱je Néná.

Rkaa̱ 4:38

Kósꞌe̱ Kjisoo̱ jastjíe̱n, kó jatjo ndiꞌa nínga ndokjo̱a̱ eén Néná, sꞌe̱ kijí ndiꞌaa̱ nda̱ xi ꞌmí Ximoo̱. Ṉchiꞌyaá Ximoo̱ achichí ṉtꞌe̱ ndyi̱a̱a̱, kó ꞌniú kichjiáꞌaá Kjisoo̱ nga sa̱ꞌíndaya kui xota̱chjo̱on.

Rkaa̱ 4:40

Kó nga tsꞌatjé tsꞌueé, ngayeje xota̱ xi tjín xkjín xi tjiín chiꞌin xi kꞌi̱e̱ xi ngaján jachóchinií Kjisoo̱, kó kuí katsꞌénjo̱ nga ngo nga ngo kui xotaa̱, kó kamándayaa̱.

Rkaa̱ 7:12

Kó ngije makjachó kuí na̱xi̱ńdáꞌniuú, kamábe nga tjífíkanijín ngo ini̱ma̱, ndí ngoo̱ ngo na̱an kꞌán xi je kꞌien xi̱ꞌii̱n, kó achichí má xota̱ na̱xi̱ńdaá xi nijan kijíkanijínjo̱.

Juaa̱ 11:3

Kanangiya nga jó ndichja Laá, tsi̱ꞌe̱ nga bi̱ ka̱tso̱o̱ Kjisoo̱: –Ndi̱a̱, xota̱ xi achichí tjoó ji oo̱n.

Ni xi kamá 28:8

Kó na̱ꞌmii̱ kui nda̱ xi ꞌmí Publioo̱ kjiꞌijñaꞌon nga ṉtꞌe̱ ndyi̱a̱a̱ ko̱jo chiꞌin tji̱jmájín tjiín, kó Pabloo̱ kijíkatsijee̱n, kó ngije tsíchji̱a̱a̱ Néná, íjñasoón tsja, kósꞌe̱ kamándaya.

Ni xi kamá 6:6

kui jaá xi tsangínjo̱ nínga síndo já apostroo̱, kó tsíchji̱a̱tjé, ko̱jo yejénnié tsja.

Ni xi kamá 8:17

Kósꞌe̱ Peé ko̱jo Juaa̱ íjñasoón tsja kui jaá, kósꞌe̱ bo̱a̱ tsꞌén ngayejee̱ nga kasakoo̱ A̱si̱énni̱xtjii̱n Néná.

Ni xi kamá 9:12

kó je akakoo̱ nga ngo nda̱ xi ꞌmí Ananiya̱ kjo̱chókoón, kó kuí ku̱i̱ꞌíjñasoón tsja, tsi̱ꞌe̱ nga ka̱matsijen nginií.

Ni xi kamá 9:17

Kósꞌe̱ kijí Ananiyaa̱, kó tsꞌasꞌien ki̱a̱ ndiꞌa nínga tikón Sauloo̱, kó íjñasoón tsja Sauloo̱, kósꞌe̱ bi̱ katsoó: –Nda̱ ntsꞌie Saulo̱, Ndi̱a̱ Kjisoo̱ kui xi akoó yojoo̱ ngi̱ya ndi̱yà nínga kjindibé ji, kuí xí katsangiyana tsi̱ꞌe̱ nga ka̱matsijen nginií, kó kꞌuijñájii̱n A̱si̱énni̱xtjii̱n Néná.