Markoo̱ 5:22 - Xo̱jo̱n eén Néná

²² Kó jachókoón Kjisoo̱ ngo nda̱ ngito̱ko̱o̱ ndiꞌa nínga ndokjo̱a̱ eén Néná xi ꞌmí Jairo̱, kó ngije kamábe Kjisoo̱, asiéntꞌaa̱tikoó,

Markoo̱ 5:22 Iomraidhean Croise

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.

Markoo̱ 5:33

Kósꞌe̱ kui xota̱chjo̱on, katsakjónní kó jatsiéndíkón má ngatꞌa̱ je be ni xi katsꞌén, kó kijíkasiéntꞌaa̱tikoó kje̱n Kjisoo̱, kó ki̱a̱ katsóyà ja̱koxi̱ ngayeje ni xi kamaá.

Markoo̱ 5:38

Kó ngije jachó ndiꞌaa̱ nda̱ ngito̱ko̱o̱ ndiꞌa nínga ndokjo̱a̱ eén Néná, kamábe Kjisoo̱ nga xotaa̱ je kjima xa̱n xa̱n nga ndyi̱kjandà.

Rkaa̱ 13:14

Ta̱nga nda̱ ngito̱ko̱o̱ ndiꞌa nínga ndokjo̱a̱ eén Néná, katsꞌénxchán ngatꞌa̱ Kjisoo̱ katsꞌéndaya nga ni̱xtjin ndikón, kó bi̱ katsoó xotaa̱: –Jun ni̱xtjin tjiín xomanaa̱ nga ma niꞌánxá, sꞌe̱ ngo ni̱xtjin nga niꞌánkjaꞌyá. Jún, chjiéngá ni̱xtjin nga niꞌánxá nga kji̱ndi̱bájnú nga ka̱mandayajnú, jmí tsi nga ni̱xtjin nga niꞌánkjaꞌyá.

Rkaa̱ 5:8

Kó ngije kamábe kui nii̱ nda̱ xi ꞌmí Ximo̱ Peé, asiéntꞌaa̱tikoó Kjisoo̱, kó bi̱ katsoó: –¡Tji̱taxíntꞌení Ndi̱a̱, ngatꞌa̱ xota̱ jé án!

Rkaa̱ 8:28

Kó kui nda̱a̱ nga kamábe Kjisoo̱, ꞌniú askjandáyà, kó asiéntikoó tꞌa se Kjisoo̱ sꞌe̱ bi̱ katsó: –¡Mí xí tjiín kjo̱a̱a̱ an, Kjisoo̱, ndií Néná xí tikón ndiꞌakꞌajmi jàn! ¡ꞌNiú tsꞌénmíꞌaá nga jmí kjo̱a̱ni̱ma̱ niꞌínkjeꞌejínní!

Ni xi kamá 13:15

Kó jaskan ngije kiniꞌányàjii̱n xo̱jo̱n kjo̱a̱kitii̱, ko̱jo kjo̱a̱a̱ xo̱jo̱n xi katsꞌénꞌindó já chji̱ni̱e̱ꞌe̱én Néná, já ngito̱ko̱o̱ ndiꞌa nínga ndokjo̱a̱ eén Néná katsangiya nga bi̱ katsoó: –Jún já ntsꞌie, tsi tjínjnú ngo ni xi kꞌuínjnúu̱ kui xotaa̱ tsi̱ꞌe̱ nga sa̱kó ngaꞌniú ngasee̱, ndókjo̱a̱jnú ngotꞌe̱.

Ni xi kamá 18:17

Kósꞌe̱ katsoboá xtín kui xota̱ jundíoo̱ nda̱ xi ꞌmí Sóstenee̱, ngito̱ko̱o̱ ndiꞌa nínga ndokjo̱a̱ eén Néná, sꞌe̱ ikꞌieé ki̱a̱ kje̱n ngi̱ndie nínga niꞌánjeé, ta̱nga nda̱ xtitjón xi ꞌmí Ngalioo̱n nde ngiti̱ ki̱a̱jín katsꞌénseén kui nii̱.

Ni xi kamá 18:8

Kó kui nda̱ xi ꞌmí Krispoo̱, xi ngito̱ko̱o̱ ndiꞌa nínga ndokjo̱a̱ eén Néná, ko̱jo xota̱ ngi̱ya ndiꞌaa̱, kisꞌijii̱n Ndi̱a̱ná, kó ti̱ bo̱a̱ ti̱ tsꞌén kjín má xota̱ xi chji̱a̱ni na̱xi̱ńdáꞌniú Korinto̱ xi ngije tsintꞌieé Pabloo̱, kisꞌijii̱n kósꞌe̱ kastindá.

Ni xi akakoo̱ 22:8

Juaa̱ boá an, kó án boá xi kamábe an, kó tsintꞌie an kui nii̱. Kó ngije kamábe an ko̱jo ngije tsintꞌie an, asientꞌáa̱ tikóna tꞌa se kui ndítsjie xi akóna kui nii̱ tsi̱ꞌe̱ nga sa̱ꞌindikón án katsaki.