Markoo̱ 4:19 - Xo̱jo̱n eén Néná

¹⁹ ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n ko̱jo kjo̱a̱ndikonkoón nii̱ ꞌbosꞌieén, kó tsꞌénxí eén Néná, kó kui nii̱ xi tsjandièjín nga boajaá to.

Markoo̱ 4:19 Iomraidhean Croise

Énkjínkón 23:4

Ngata̱ niꞌínmejénjín ji nga ka̱macho̱n ji, ta̱sá nda ti̱ꞌinkjé jí, kó tꞌíjñímasin ji kui nii̱.

Énkjínkón 23:5

A jè kamáyè ji tsi tjín kjo̱a̱cho̱n. Jmí jmíjín. Ngatꞌa̱ xikónií tsi nga̱a̱ ja̱ fotjoo̱, sꞌe̱ fítji̱e̱n nga chaja nkꞌa jàn.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Matioo̱ 13:22

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n tsꞌénxí eén Néná, kó kui nii̱ xi tsjandièjín nga boajaá to.

Matioo̱ 19:23

Kósꞌe̱ Kjisoo̱, bi̱ katsoó xota̱ tsi̱ꞌe̱: –Ja̱koxi̱ ni xi xian an nga achichí niꞌin kjiꞌi nga ngo nda̱ cho̱n kꞌo̱sꞌien ndiꞌakꞌajmi nínga botíxomaa̱ Néná.

Matioo̱ 3:10

Kó ti̱ je tikónnda jachaa̱, tsi̱ꞌe̱ nga ko̱tie yaá ndeskande ja̱ma̱a̱, ngatꞌa̱ ngayeje yá xí jmí to xi nda tsjájín, bichá, kó ngi̱jin ndiꞌí jàn bichijmijin.

Markoo̱ 4:18

Kó kje̱ꞌe xota̱ xi bi̱ kon xikoó kui xojmá xí kamátji̱e̱ ngi̱jin ndaꞌyaá: Ntꞌié eén Néná,

Rkaa̱ 10:41

Kó Kjisoo̱, bi̱ katsoó: –Na̱ Marta̱, na̱ Marta̱, achichí nda̱ kjimaa̱ kjo̱a̱a̱ kjín ni,

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Juaa̱ 15:2

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Xota̱ Roma̱ 12:2

Kó ngata̱ bo̱a̱jín tsꞌén mindyiónjnú xikótsꞌèn síndo xotaa̱ kui nga̱sondiee̱, ta̱sá te̱ꞌéndièjnúu̱ nga ka̱matja̱tsi̱e̱ya kjo̱a̱kjíntakónjnú, tsi̱ꞌe̱ nga bo̱a̱ tsꞌén xcha̱jnú ni xi nda, ko̱jo xi tsjakjiꞌi, ko̱jo xi ndo̱jò kjin kjin xi mejeén Néná.

Xota̱ Éfeso̱ 2:2

kui ni xi kixindyionjinjnú kje̱ꞌe ni̱xtjin, ngatꞌa̱ ki̱a̱ tsangíntji̱ngijnúu̱ nii̱ kui nga̱sondiee̱, kó kiniꞌánjnú ni xi mejeén ngito̱ko̱o̱ a̱siénni̱xtjin xi ndajín, kui xi botixómá ngi̱jin tjo̱o̱, ko̱jo xi tsꞌénxá ngi̱jii̱n xota̱ xi ntꞌiéꞌénjiín Néná.

Xota̱ Éfeso̱ 6:12

Ngatꞌa̱ jmí tsi xota̱ nga̱sondie xi ndyi̱bixkánjo̱, xi tjiín ngaꞌniú boá xi ndyi̱bixkánjo̱, ko̱jo xi nkꞌa xaá, ko̱jo xi botixómá nga̱sondie jñó xi̱ꞌbi̱, ko̱jo ngaꞌniuú a̱siénni̱xtjin xi ndajín xi tjín nkꞌa jàn.

Xota̱ Filipo̱ 4:6

Ngata̱ jmíjín ni xi nda̱ ngatamajnú, ta̱sá ngayeje ni xi machjiénjnú tꞌíyájnúu̱ Néná nga ko̱ndókjo̱a̱jnúu̱. Chji̱a̱ꞌajnúu̱, kó ti̱ bo̱a̱ ti̱ tsꞌén te̱ꞌéjnúu̱ ndokꞌóchjì kjo̱a̱a̱ ni xi tsꞌéntsjájnú.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

2 Timoo̱ 4:10

ngatꞌa̱ Ndemaa̱, tjó ngase kamaá nii̱ kui nga̱sondiee̱, kó jè íjñámasienna nga kijí na̱xi̱ńdáꞌniú Tesalónika̱. Kresentee̱ je kijí nangi Ngalasia̱, kó Titoo̱ nangi Ndalmasia̱ kijí.

2 Xo̱jo̱o̱n Peé 1:8

Ngatꞌa̱ tsi bo̱a̱ ndyi̱niꞌánjnú, kó tsi ꞌniú tikónjinjnú kui nii̱, nda si̱ꞌánjnú ni xi si̱ꞌánjnú, kó kjo̱a̱a̱ nga je yàjnú Ndi̱a̱ná Jesukristoo̱ tsiꞌéjín ka̱majnú.

Xo̱jo̱o̱n Jundaa̱ 1:12

Kui jaá, kuí boá xi tsꞌénndándí ni xi niꞌánjnú kjiꞌanga matikójnú nga niꞌánkjaꞌátsjienjnú kjo̱a̱tjó xi Néná katsjájnú, ngatꞌa̱ tsja maa̱ nga kjinie ko̱jo nga ꞌbi, kó ndasénjiín ni xi ndyi̱niꞌánjnú. Kui jaá xikónií xota̱ ngito̱ko̱ xi ta̱ ni xi nda maá kuí tsí xi ndyi̱mongase. Ko̱jo xikónií ṉdi̱ xi jmí stséjiín, xi ja̱kꞌi̱e̱ ja̱ngaján fíjo̱ tjo̱o̱. Ko̱jo xikónií yá xí jmí to tsjájín nga fochó ni̱xtjii̱n, kuí boá xi je kaꞌnaxiénijínni ndeskande ja̱ma̱a̱, jè ta̱nisién ꞌniú jè jesón.