Markoo̱ 3:5 - Xo̱jo̱n eén Néná

⁵ Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱: –Tjintie ndse̱. Kó kui nda̱a̱ yejéntie tsja, kó kamándaya.

Markoo̱ 3:5 Iomraidhean Croise

Jenesii̱s 6:6

achichí ndasen kamaá nga katsꞌénda xota̱ kui tꞌanangii̱, kó on kamaá ini̱ma̱a̱.

Xo̱jo̱n Salmoo̱ 95:10

Yichán nó nga katsꞌenxchánjo̱ an kui xota̱ tji̱e̱e̱, kó bi̱ kixian an: Kuí boá kui xota̱ na̱xi̱ńdaá xi ngi̱jin ini̱ma̱a̱ je katsꞌénkjinna yojoo̱, kó jmí ni̱xtjin kamábe ndi̱yàna.

Matioo̱ 12:13

Kósꞌe̱ Kjisoo̱, bi̱ katsoó kui nda̱a̱: –Tjintie ndse̱. Kó kui nda̱a̱ yejéntie tsja, kó kamándaya xikó má kjiꞌi tsja xi ingoo̱.

Markoo̱ 3:4

Kó bi̱ katsó nga asíyaá xota̱ xi ngasee̱: –Mí ni xi tsjandiè kjo̱a̱kitii̱ nga ma niꞌán nga ni̱xtjin ndikón: A ni xi nda, axa̱ ni xi ndajín. A ko̱ꞌna̱xiéꞌá, axa̱ si̱ꞌankꞌién ngo xota̱. Ta̱nga tsíchji̱a̱jín kui jaá.

Rkaa̱ 13:15

Sꞌe̱ Ndi̱a̱a̱, bi̱ katsó: –Xota̱ jókje̱n, a ꞌnaxiéjínjnú ngi̱ndie nínga síndo cho̱yojojnú ko̱jo bórrójnú, tsi̱ꞌe̱ nga ko̱e̱je̱kꞌi ndáfoa nga ni̱xtjin ndikón.

Rkaa̱ 17:14

Nga kamábe Kjisoo̱ kui jaá, bi̱ katsoó: –Tangínjnú, kó takójnúu̱ yojojnú chináꞌmii̱. Kó tji̱e̱nga ndyi̱fí ngi̱ya ndi̱ya̱à, kamátsjiejón nga katjoꞌóxiín chiꞌii̱n.

Rkaa̱ 6:10

Kó askotsijee̱n xota̱ xi jaꞌatjiyajoo̱n, kó bi̱ katsoó kui nda̱ xi kixíyà tsjàa̱: –Tjintie ndse̱. Kó kui nda̱a̱ bo̱a̱ katsꞌén, kó kamándaya tsja.

Juaa̱ 9:7

kó bi̱ katsoó: –Tꞌenkaníjín ndyikin nínga tikón ti̱xa̱ je xi ndyi̱a̱ ndáfoa xi tikón Siloe̱ (xi kanangiyaa̱, tsó kui eén nga én arameo̱). Kijí kui nda̱a̱, kó aniéjón ndyi̱ko̱n, kó nga jachó nginí, je kamátsijee̱n.

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

2 Xota̱ Korinto̱ 3:14

Ta̱nga kisꞌijñoó kjo̱a̱kjíntakoón kui xotaa̱, ngatꞌa̱ ngaskande ngotꞌe̱ kjiꞌanga tsꞌènyà ni xi índajo̱ Néná ngasꞌe̱, ti̱ kuii̱ ńjñoo̱ boꞌmá kjo̱a̱kjíntakoón. Kó kui ńjñoo̱ kji̱e̱ tjoꞌóxínjiín, ngatꞌa̱ ta̱kuítsí Kristoo̱ xi maa̱ foaꞌáxín.

Xota̱ Éfeso̱ 4:18

Kui xotaa̱ kjiꞌijñórií kjo̱a̱kjíntakoón, kó bo̱a̱jín tsꞌén síndo xikótsꞌèn mejeén Néná, ta̱ngatꞌanii̱ nga bejín ni xi ndyi̱tsꞌèn ngatꞌa̱ ta̱nisién tajá ini̱ma̱a̱.

Xota̱ Éfeso̱ 4:26

Tsi si̱ꞌanxchánjnú, ngata̱ niꞌánjéjínjnú, kó nga jmí tsi nga ngo ni̱xtjii̱n nga kꞌuijñájnú kui kjo̱a̱xcha̱án.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

Xota̱ Ebreo̱ 3:10

Kuíni nga katsꞌenxchánjo̱ an kui xotaa̱, kó bi̱ kixian an: “Ngatsjéni̱xtjin nga tjimá kichajá ngi̱jii̱n ini̱ma̱a̱, kó mejénjiín ko̱e̱je̱tji̱ngii̱ ndi̱yàna.”

Xota̱ Ebreo̱ 3:17

Kó ꞌyá xotaa̱ bo̱a̱ xi Néná yichán nó katsꞌénxchánjo̱ kui. A kuijín xota̱ xi katsꞌénjeé, kui xi ixó nga jesón ki̱a̱ nangi kixií.

Xota̱ Ebreo̱ 5:9

Kó ngije Kristoo̱ kamá xi chjiéngá ka̱ma kui, kuí boá xi kamá kui xi ngatsjéni̱xtjin kꞌo̱xiéꞌá kui xota̱ xi ndyi̱ntꞌièꞌeén.

Ni xi akakoo̱ 6:16

kó bi̱ katsoó na̱xi̱i̱ ko̱jo ndi̱jo̱o̱: Ti̱chíjminiéjne̱ yojojnú, kó tꞌíjñaꞌmajne̱ tsi̱ꞌe̱ nga sku̱i̱e̱jínjne̱ kui xi botixómaá, ko̱jo nga xcha̱jínjne̱ ji̱n kjo̱a̱xcha̱án cho̱tsa̱nga̱a̱,