Markoo̱ 2:18 - Xo̱jo̱n eén Néná

¹⁸ Ngo ndi̱yà nga xota̱ tsi̱ꞌe̱ Jua̱ xi botíndaá ko̱jo já fariseoo̱ ndyi̱tsꞌènkjáꞌa kjindiá yojoo̱, jachókoón Kjisoo̱, kó bi̱ katsoó: –Míkjo̱a̱a̱ nga xota̱ tsi̱ꞌe̱ Juaa̱ ko̱jo já fariseoo̱ tsꞌénkjáꞌa kjindiá yojoo̱, kó xota̱ tse̱ tsꞌenkjaꞌájín kjindiá yojoo̱.

Markoo̱ 2:18 Iomraidhean Croise

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Matioo̱ 6:16

Kó kjiꞌanga si̱ꞌankjaꞌájnú kjindiá yojojnú, ngata̱ bo̱a̱jín niꞌánjnú xikoó xota̱ xi jókje̱e̱n, ngatꞌa̱ kui xotaa̱, ndasen ꞌbijñá kje̱n tsi̱ꞌe̱ nga ngayeje xota̱ sku̱i̱e̱ nga kjindiá ndyi̱tsꞌènkjáꞌa yojoo̱, ja̱koxi̱ ni xi xiánjnúꞌun nga kui xotaa̱, jè tjisákoó ngayeje ni xi tsoboaá nga sa̱ko̱ó.

Matioo̱ 6:18

tsi̱ꞌe̱ nga xotaa̱ sku̱i̱e̱jín nga kjindiá tiniꞌínkjeꞌe yojòo̱, ta̱ ngo tsí Néná xí Na̱ꞌmíi̱ xi ngatamabe, ngatꞌa̱ kui, ngayeje ni xi tjiꞌmaá xi be, kó kuí xí tsja̱á ni xi je tikónndaa̱ kui.

Markoo̱ 2:19

Kó Kjisoo̱, bi̱ katsoó: –A ka̱márií kꞌuíndo kjindiá xota̱ xi tjimá ndiꞌibixaa̱n, tji̱e̱nga ki̱a̱ tikónjo̱ nda̱ xi ku̱i̱xaa̱n. Tji̱e̱nga ki̱a̱ tikón nda̱ xi ku̱i̱xaa̱n, ka̱májín kꞌuíndo kjindiá.

Rkaa̱ 18:12

jó ndi̱yà tsꞌenkjaꞌa an kjindiá yojona nga ngo xomana̱, kó tsja an tie nga úchán to̱n xi tsꞌen an.”

Xota̱ Roma̱ 10:3

Ngatꞌa̱ katsꞌénxki̱jín nga Néná mejeén nga kixi̱ ka̱ma xotaa̱, ta̱sá kui tsangase ndi̱yà kótsꞌèn nga kixi̱ kꞌuíndo ngindyi̱ko̱n Néná, ni̱ma̱kjo̱a̱jín katsꞌén yojoo̱ nga katsꞌénjo̱ꞌo kjo̱a̱kixi̱ xi tsjá Néná.