Markoo̱ 2:17 - Xo̱jo̱n eén Néná

¹⁷ Kó Kjisoo̱ nga tsintꞌié kuí nii̱, bi̱ katsó: –Xota̱ xi oo̱n xí chjieén chji̱ni̱e̱ndiki, jmí tsi xota̱ xi ndaa̱. Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱.

Markoo̱ 2:17 Iomraidhean Croise

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Rkaa̱ 15:10

Ja̱ bo̱a̱ xian an nga, nga ꞌbé kjo̱a̱tsja ngindyi̱ko̱n ndítsjiee̱ Néná, nga ngo xota̱ jé sa̱ꞌínkꞌoyà yojoo̱.

Rkaa̱ 15:29

Ta̱nga kui nda̱ xi xchaá, bi̱ katsoó na̱ꞌmii̱: “Tsitsíjin na̱ꞌmi, kótjín nónií nga tjítsꞌénxájoo̱, kó ngatsjéni̱xtjin tjítsꞌenkjatjosoón, kó nde ngo ndí cho̱tsa̱nga̱ boeꞌéjínní tsi̱ꞌe̱ nga sa̱ꞌin an ngo sꞌué, kó skjíni̱e̱jo an já amingo̱na.

Rkaa̱ 15:7

Ja̱ bo̱a̱ tꞌíxián an nga tsie ngase kjo̱a̱tsja kꞌuié ndiꞌakꞌajmi jàn, ta̱ngatꞌanii̱ nga ngo xota̱ jé sa̱ꞌínkꞌoyà yojoo̱, ta̱bo̱a̱jiín xi ngi ichítié ko̱jo yichán nijan xi kixi̱i̱, xi chjiénjiín nga sa̱ꞌínkꞌoyà yojoo̱.

Rkaa̱ 16:15

Kó Kjisoo̱, bi̱ katsoó kui jaá: –Jún ngindyi̱ko̱n xotaa̱ kixi̱ májnú yojojnú, ta̱nga Néná be kókjiꞌi ini̱ma̱jnú. Ngatamakjínjnú nga ni xi achichí bendikón xotaa̱, ngindyi̱ko̱n Néná ni xi ta̱nisién ꞌniú chꞌokjiꞌi boá.

Rkaa̱ 19:10

Ngatꞌa̱ ndií nda̱ xi̱ꞌii̱n, jeꞌekꞌaxiéꞌá xota̱ xi je ndi̱yà kichajá tjimá.

Juaa̱ 9:34

Sꞌe̱ kui jaá, bi̱ katsoó nda̱ xi kamáti̱ka̱a̱: –Áa̱n a bo̱a̱, a ji xi tjiín jé ndeskande koó nga katsen ji, kó a jí xí ko̱ko̱yéjne̱. Sꞌe̱ kaꞌnaxié kui nda̱a̱ ngi̱ya ndiꞌa nínga ndokjo̱a̱ eén Néná.

Juaa̱ 9:40

Tjín já fariseoo̱ xi síndojo̱ Kjisoo̱ nga tsintꞌié kuí nii̱, bi̱ katsó: –A xota̱ ti̱ka̱ ji̱n ndatsa ji̱n nga.

Ni xi kamá 20:21

kó xota̱ xi jundío̱ ko̱jo xota̱ xi jundío̱jín tsꞌénxiyàa̱ nga sa̱ꞌínkꞌoyà yojoo̱, kó sku̱i̱e̱ Néná kó nga sꞌijii̱n Ndi̱a̱ná Jesukristoo̱.

Ni xi kamá 26:20

kó kuíni nga tjón má xota̱ xi chji̱a̱ni na̱xi̱ńdáꞌniú Ndamasko̱ katsóyàa̱ eén Néná, sꞌe̱ jaskan xota̱ xi chji̱a̱ni na̱xi̱ńdáꞌniú Jerusale̱n, ko̱jo ngayeje xota̱ xi chji̱a̱ni nangi Jundea̱, kó ti̱ katsóyàa̱ xota̱ xi jundío̱jín nga, katsóyàa̱ tsi̱ꞌe̱ nga sa̱ꞌínkꞌoyà yojoo̱ jé xí ndyi̱tsꞌèn, kó nga ta̱sá Néná ko̱ngase ko̱jo nga sa̱ꞌín ni xi ndakjiꞌi, kósꞌe̱ bo̱a̱ tsꞌén ko̱kó yojoo̱ nga ja̱koxi̱ nga je ndi̱ya̱à Néná tjimá.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.