Markoo̱ 16:17 - Xo̱jo̱n eén Néná

¹⁷ Kó kui chi̱bo̱a̱ xi̱ꞌbi̱ xi kꞌuitsómajo̱ xi sꞌi̱jii̱n éntjatsi̱e̱e̱ Néná: Ngajona kꞌo̱xiéni xindajín, kó ku̱i̱chji̱a̱ éntjatsi̱e̱,

Markoo̱ 16:17 Iomraidhean Croise

Markoo̱ 9:38

Kó Juaa̱, bi̱ katsoó Kjisoo̱: –Mostro̱, ngo nda̱ kamáyà ji̱n xi ngajo tse̱ tsꞌénꞌboxiéni xindajín, ta̱nga kui kꞌi̱e̱jín tji̱e̱nginá, kó ikꞌíchjájne̱ ngatꞌa̱ jmí tsi kꞌi̱e̱ tsoꞌbátji̱ngíná.

Rkaa̱ 10:17

Kó achichí tsja kamaá nga jeꞌe nginí já xí ichítié ko̱jo kan joó, kó bi̱ katsó: –¡Ndi̱a̱, ngaskande xindajín ntꞌiéꞌénjne̱ nga ndokjo̱a̱jne̱ jaꞌée̱n!

Juaa̱ 14:12

Ja̱koxi̱, ja̱koxi̱ ni xi xiánjnúꞌun: Xi sꞌijii̱n an, xá xí tsꞌen an sa̱ꞌín ndatsa kui nga, kó tsie ngase ni xi sa̱ꞌín, ngatꞌa̱ Na̱ꞌmii̱ tsꞌénfikóo̱n,

Ni xi kamá 10:46

ngatꞌa̱ nga kje̱ꞌe én ndyi̱chji̱a̱ kui xotaa̱ nga katsꞌéntsjaà Néná.

Ni xi kamá 16:18

Kui tsa̱kji̱ín kjín ni̱xtjin nga ta̱soboá bo̱a̱ katsó, ngaskande nga ngiti̱ kichikjo̱a̱jiín Pabloo̱, kó kamáxtií, kósꞌe̱ bi̱ katsoó kui a̱siénni̱xtjin xindajín xi tikónjii̱n kui tsa̱kji̱ín: –¡Jaꞌeén Jesukristoo̱ xi bo̱a̱ tꞌíxiánñaa, nga kjo̱tje ji ngi̱jin yojoo̱ kui tsa̱kji̱ín! Kó ti̱ kjiꞌa jatjo kui a̱si̱énni̱xtjii̱n.

Ni xi kamá 19:6

Kó ngije Pabloo̱ íjñasoón tsja, ti̱ bo̱a̱ ti̱ tsꞌén kjindibánié A̱si̱énni̱xtjii̱n Néná, kósꞌe̱ tsíchji̱a̱ tji̱ꞌni̱u̱ én xí makjínjínná, kó tsíchji̱a̱ xikoó chji̱ni̱e̱ꞌe̱én Néná.

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 5:16

Ti̱ bo̱a̱ ti̱ tsꞌén xota̱ xi síndotꞌa tiñaa̱ na̱xi̱ńdáꞌniú Jerusalee̱n jachójo̱ xota̱ xi oo̱n, ko̱jo xota̱ ndyi̱tsꞌènníꞌiín a̱siénni̱xtjin xi ndajín, kó ngayejee̱ nga kamándaya.

Ni xi kamá 8:7

Ngatꞌa̱ achichí kjín xota̱ xi síndojii̱n a̱siénni̱xtjin xi ndajín, xi askjandáyà má nga jatjojii̱n, kó ti̱ bo̱a̱ ti̱ tsꞌén kamándayaa̱ kjín xota̱ xi ni̱ma̱, xi májín fostjíe̱n ko̱jo xi májín fí,

1 Xota̱ Korinto̱ 12:10

Tjín xí maá tsꞌén kjo̱a̱ndikón, kó kje̱ꞌe xí maá tsáyà én xí Néná tsjaá, kje̱ꞌe xí makjiín tsi ja̱koxi̱ nga A̱si̱énni̱xtjii̱n Néná xí tjíjii̱n xotaa̱, axa̱ a̱si̱énni̱xtjii̱n xindajín, kó kje̱ꞌe xí maá chji̱a̱ én xí makjínjiín xota̱ xi ngasee̱ xi tsjá A̱si̱énni̱xtjii̱n Néná, kó ti̱ tjín xí maá tsꞌenkꞌátioya kui eén.

1 Xota̱ Korinto̱ 12:28

Néná íjñá nga ngi̱jii̱n xota̱ na̱ngo̱xi̱i̱ tjón má já apostro̱ kꞌuié, sꞌe̱ xi ma joó, já xí chji̱a̱ én xí Néná tsjaá, sꞌe̱ xi ma jaán, já mostro̱, sꞌe̱ jaskan xota̱ xi tsꞌén kjo̱a̱ndikón, ko̱jo xi tsꞌendáyà xi oo̱n, ko̱jo xi bosikójo, ko̱jo xi ngito̱ko̱, ko̱jo xi chji̱a̱ ja̱ kje̱ꞌe ja̱ kje̱ꞌe én xí tsjá A̱siénni̱xtjin Néná.

1 Xota̱ Korinto̱ 12:30

A ngayeje xí tjiín kjo̱a̱nda nga tsꞌendáyà xota̱ xi oo̱n. A ngayeje xí chji̱a̱ ja̱ kje̱ꞌe ja̱ kje̱ꞌe én xí tsjá A̱siénni̱xtjin Néná. A ngayeje xí tsꞌenkꞌátioya én xí Néná tsjaá xotaa̱.

1 Xota̱ Korinto̱ 13:1

Tsi mana ngayeje én xí chji̱a̱ xota̱ nga̱sondiee̱, ko̱jo én xí chji̱a̱ ndítsjiee̱, ta̱nga tsi jmíjínna kjo̱a̱tjó, ta̱ xikónií ngo ki̱cha̱ xi ꞌniú fonie, ko̱jo tsi ngo platiyo̱ xi ta̱xkiya fonie kjima an.

1 Xota̱ Korinto̱ 14:2

Ngatꞌa̱ xi chji̱a̱ kje̱ꞌe én xi A̱si̱énni̱xtjii̱n Néná tsjaá, jmí tsi xotaa̱ xi chji̱a̱jo, Néná xí chji̱a̱jo, ngatꞌa̱ ta̱ꞌyajín xi makjiín kui eén, ngatꞌa̱ tsi̱ꞌe̱ A̱si̱énni̱xtjii̱n Néná boá ni xi tjiꞌmá xi chji̱a̱,