Markoo̱ 16:16 - Xo̱jo̱n eén Néná

¹⁶ Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Markoo̱ 16:16 Iomraidhean Croise

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Markoo̱ 1:15

Kó bi̱ katsó: –Jè jachó ni̱xtjin, kó Néná jè tsá ko̱tíxoma, ti̱ꞌankꞌoyàjnú yojojnú, kó ti̱ꞌansꞌijinjnú éntjatsi̱e̱e̱ Néná.

Rkaa̱ 8:12

kó kui xi ixó tꞌa ndi̱ya̱à, kuí xí xikoó xota̱ xi ntꞌié eén Néná, ta̱nga ta̱ tji̱ꞌni̱u̱ ndibá xindajín ndiabloo̱, kó foaꞌáxiín ngi̱jin ini̱ma̱a̱ kui eén, tsi̱ꞌe̱ nga sꞌi̱jinjiín, kó kjo̱tjoꞌajín.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:29

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 8:24

Kó kuíni nga bi̱ kixian an nga ta̱ngatꞌanii̱ jéjnú nga ko̱yàjnú, ngatꞌa̱ tsi sꞌijinjínjnú nga an xi an, jéjnú ko̱yàjo̱jnú.

Ni xi kamá 10:43

Ngayeje já chji̱ni̱e̱ꞌe̱én Néná ja̱bo̱a̱ jè tsíchji̱a̱ kjo̱a̱a̱ Kjisoo̱, kó bo̱a̱ tsꞌén tsíchji̱a̱ nga ngayeje xota̱ xi sꞌijii̱n kui, sa̱ko̱ó kjo̱a̱jetakoón jeé.

Ni xi kamá 13:39

kó nga ngayeje xi ngi̱yaa̱ kjo̱a̱kitii̱ Moisee̱ kamákixi̱jínni ngindyi̱ko̱n Néná, ta̱nga ta̱ngatꞌanii̱ Kjisoo̱ nga ka̱ma kixi̱ xi sꞌi̱jii̱n kui.

Ni xi kamá 13:46

Kósꞌe̱ Pabloo̱ ko̱jo Bernabee̱ ta̱kó tsíchji̱a̱ nga katsakjónjín, nga bi̱ katsoó: –Tjínjne̱ ngo kjo̱a̱ꞌniú nga ja̱koxi̱ nga jún tjón ko̱ndókjo̱a̱jojne̱ eén Néná, jún xi xota̱ jundío̱ jún, ta̱nga nga ti̱ juún ndyi̱ꞌmìjnú, ko̱jo nga sꞌijinjínjnú nga sa̱kójnú kjo̱a̱mindyion ngatsjéni̱xtjii̱n, ta̱sá kuí xota̱ xi jundío̱jiín kongínchonjne̱.

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Ni xi kamá 2:41

Kó bo̱a̱ tsꞌén, kui xota̱ xi iskjíbé kuí eén, atíndá yojoo̱, kó kamára̱ tsi ta̱ ngi ján mi̱ xota̱ xi kisꞌijii̱n Néná.

Ni xi kamá 22:16

Kó ngotꞌe̱ ꞌne̱, ngiti̱ chiyéjín ngase, ti̱sítji̱n, tatíndé jí yojòo̱, kó taníjín ngayeje jée̱ nga si̱ꞌinkaxome ji jaꞌeén Néná.”

Xota̱ Roma̱ 3:6

¡Jmí! Tsi kixi̱jín Néná, kótsꞌèn ka̱maa̱ Néná nga ko̱tíjeé xotaa̱.

Xota̱ Roma̱ 4:24

Kui nii̱ kiniꞌánꞌindó kjo̱a̱a̱ ñá nga, ngatꞌa̱ xꞌi̱a̱xki̱ná ñá, kjo̱a̱a̱ nga sꞌijinná Néná, kui Néná xi katsꞌénkjaꞌáꞌyaá Kjisoo̱ ngi̱jii̱n xota̱ xi je jesoón.

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

2 Xota̱ Tesalónika̱ 2:12

Bo̱a̱ tsꞌén sa̱tíjeé ngayeje xi kisꞌijinjiín ni xi ja̱koxi̱i̱, kó ta̱sá tsja kamaá nga katsꞌén ni xi kixi̱jín ngindyi̱ko̱n Néná.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

Ni xi akakoo̱ 20:15

Kó kui xota̱ xi kjitꞌajín jaꞌeén ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ti̱ ki̱a̱ ikichijmijin ndáchíkón ndiꞌí xí ta̱nisién ꞌniú jee̱.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.