Markoo̱ 15:21 - Xo̱jo̱n eén Néná

²¹ Kó ngo nda̱ xi ꞌmí Ximo̱ xi chji̱a̱ni na̱xi̱ńdáꞌniú Sirene̱, na̱ꞌmii̱ Rijaá ko̱jo Rufoo̱, xi kjoeꞌeni ngi̱jin jno̱o̱, kó ta̱ kuí ma ora̱ kjoaꞌa ki̱a̱a̱, kiniꞌaán kjo̱a̱ꞌniú kuí nda̱a̱ tsi̱ꞌe̱ nga asíko̱jo nga yaꞌajo̱ kroo̱ Kjisoo̱.

Markoo̱ 15:21 Iomraidhean Croise

Matioo̱ 27:32

Kó nga jatjo ki̱a̱a̱, kamábe ngo nda̱ xi chji̱a̱ni na̱xi̱ńdáꞌniú Sirene̱ xi ꞌmí Ximo̱, kui nda̱a̱ kiniꞌaán kjo̱a̱ꞌniú tsi̱ꞌe̱ nga asíko̱jo nga yaꞌajo̱ kroo̱ Kjisoo̱.

Matioo̱ 5:41

Ta̱ ꞌyání xi sa̱ꞌiín kjo̱a̱ꞌniú tsi̱ꞌe̱ nga xꞌi̱e̱ ji ngo chꞌià ngaskande ngo kilometro̱, tꞌen ji, kó chꞌi̱e̱ ji kui chꞌiaà ngaskande jó kilometro̱.

Markoo̱ 15:20

Sꞌe̱ ngije tsajnókie, jaꞌáxiín ńjño koán xi katsꞌénkajá, sꞌe̱ ti̱ katsꞌénkajá nginí ńjño xi tsi̱ꞌe̱, xi ja̱bo̱a̱ yajá, kósꞌe̱ tsꞌaxié kui ngi̱ndiee̱, tsi̱ꞌe̱ nga ko̱ótꞌa kro.

Rkaa̱ 14:27

Kó xi mejénjiín nga ko̱a̱ꞌa̱ kroo̱, sꞌe̱ ko̱e̱je̱tji̱ngina, ka̱májín xota̱ tsa̱ꞌa̱n ka̱ma.

Rkaa̱ 23:26

Kó ngije tjifíjo̱ Kjisoo̱, ngo nda̱ xi kjoeꞌeni ngi̱jin jno̱o̱ xi ꞌmí Ximo̱, xi chji̱a̱ni na̱xi̱ńdáꞌniú Sirene̱, kiniꞌaán kjo̱a̱ꞌniú nga tsaꞌanijín kroo̱ nga kijítji̱ngii̱ Kjisoo̱.

Juaa̱ 19:17

Kó ti̱ kuii̱ Kjisoo̱ tsaꞌanijín kroo̱, sꞌe̱ kijí ngo ngi̱ndie xi ꞌmí ngi̱ndiee̱ ńdato̱ko̱ ini̱ma̱, Ngólngota̱, ꞌmí nga én ebreo̱,

Ni xi kamá 11:20

Ta̱nga tjín já xí sꞌijii̱n Néná xi chji̱a̱ni tji̱ngi̱ Chipre̱, ko̱jo na̱xi̱ńdáꞌniú Sirene̱ xi jachó na̱xi̱ńdáꞌniú Antiokiya̱, kó tsíchji̱a̱jo xota̱ xi chji̱a̱ én ngriengo̱ nga íni̱jmi̱ì éntjatsi̱e̱e̱ Ndi̱a̱ná Kjisoo̱.

Ni xi kamá 13:1

Kó ngi̱jii̱n xota̱ na̱ngo̱xi̱ xi kisꞌińdo na̱xi̱ńdáꞌniú Antiokiya̱ kisꞌie já chji̱ni̱e̱ꞌe̱én Néná ko̱jo já mostro̱, kó kuí boá xi Bernabee̱, ko̱jo Ximoo̱ nda̱ xi ti̱ Jmá kiꞌmií nga, ko̱jo Rsioo̱ nda̱ xi chji̱a̱ni na̱xi̱ńdáꞌniú Sirene̱, ko̱jo Menaee̱n kui nda̱ xi nijan kamáxchá Erondee̱, xi kisꞌijña xá ki̱a̱ nangi Ngalilea̱, ko̱jo Sauloo̱.

Ni xi kamá 2:10

ko̱jo xota̱ xi chji̱a̱ni Frijia̱, ko̱jo xota̱ xi chji̱a̱ni Panfilia̱, ko̱jo xota̱ xi chji̱a̱ni Ejipto̱, ko̱jo xota̱ xi chji̱a̱ni nangi Libia̱ xi tiña manii̱ na̱xi̱ńdáꞌniú Sirene̱. Ti̱ bo̱a̱ ti̱ tsꞌén tjín xota̱ xi chji̱a̱ni Roma̱, tjín xi xota̱ jundío̱, kó tjín xi xota̱ jundío̱jín ta̱nga sꞌijii̱n Néná,

Ni xi kamá 6:9

Ta̱nga ngo xtín xota̱ xi chji̱a̱ni ndiꞌa nínga ndokjo̱a̱ eén Néná xí tsi̱ꞌe̱ moso̱ xi kastiñá ngasꞌe̱, ta̱nga xi je síndondé ngotꞌe̱, ko̱jo xota̱ xi chji̱a̱ni na̱xi̱ńdáꞌniú Sirene̱, ko̱jo na̱xi̱ńdá Alejandriya̱, ko̱jo nangi Silisia̱, ko̱jo nangi Asia̱, ítsꞌi̱yanii̱ nga askjotíjo̱ Ixtibaa̱,

Xota̱ Roma̱ 16:13

Tinde bo̱a̱ tꞌínjnú Rufoo̱, nda̱ xi jaꞌájin Ndi̱a̱ná ko̱jo na̱aa̱n, kui xota̱chjo̱on xí xikó maá tsi na̱ana ma.