Markoo̱ 14:6 - Xo̱jo̱n eén Néná

⁶ Ta̱nga Kjisoo̱, bi̱ katsó: –Xióchònjnú, ánní nga jún ndyi̱niꞌánxtijnúu̱. Ndakjiꞌi ni xi tjítsꞌénjo̱na.

Markoo̱ 14:6 Iomraidhean Croise

Matioo̱ 26:10

Kó Kjisoo̱ kamákjiín kui nii̱, sꞌe̱ bi̱ katsó: –Ánní nga jún ndyi̱niꞌánxtijnúu̱ kui xota̱chjo̱on. Ngatꞌa̱ ndakjíꞌí ni xi tjítsꞌénjo̱na,

Markoo̱ 14:5

Ngatꞌa̱ kamá tsí kastiñá kui ndásíjee̱n, kó tsꞌatiora̱ ján úchán to̱n ndenario̱ kastiñáni, kó kamá tsí kui to̱o̱n xota̱ ni̱ma̱ xi jmí to̱njiín katseꞌeé. Kó kui jaá tsíchji̱a̱taꞌin kui xota̱chjo̱on.

Markoo̱ 14:7

Ngatꞌa̱ xota̱ ni̱ma̱a̱ ngatsjéni̱xtjin kꞌuíndojinjnú, kó nga ka̱ma xi si̱ꞌánjnú ka̱ma ko̱si̱ko̱jójnú, ta̱nga an, jmí tsi ngatsjéni̱xtjin kotíjña̱jinjnúꞌun.

Ni xi kamá 9:36

Kui ni̱xtjin jàn na̱xi̱ńdá Jope̱ kisꞌijña ngo na̱ xi xota̱ tsi̱ꞌe̱ Kjisoo̱ xi ꞌmí Tabita̱ (na̱ Ndorka̱, tsó kui eén nga én ngriengo̱). Kó kui xota̱chjo̱on ngatsjéni̱xtjin katsꞌén ni xi nda, kó asíko̱jo xota̱ ni̱ma̱ xi jmí to̱njiín.

2 Xota̱ Korinto̱ 10:18

Ngatꞌa̱ kuijín xi si̱ꞌanjo̱ꞌo kui xi nda tsꞌénꞌboxié yojoo̱. Kuí xí si̱ꞌanjo̱ꞌo kui xi Néná nda tsꞌén ku̱i̱chji̱a̱ kjo̱a̱a̱ kui.

2 Xota̱ Korinto̱ 9:8

Kó Néná tjiín ngaꞌniú tsi̱ꞌe̱ nga tsja̱ajnú ngayeje to̱ko̱ya kjo̱a̱nda, tsi̱ꞌe̱ nga ngatsjéni̱xtjin kꞌuiéjnú ngayeje ni xi chjiénjnú, kó ngaskande tsꞌatio ngase kꞌuiéjnú, tsi̱ꞌe̱ nga ka̱ma ko̱si̱ko̱jójnú xota̱ xi ngasee̱.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

2 Xota̱ Tesalónika̱ 2:17

nga tsja ngaꞌniuú ini̱ma̱jnú tsi̱ꞌe̱ nga ko̱ndókjo̱a̱jnú én xí nda ko̱jo nga si̱ꞌánjnú xá xí nda.

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

1 Timoo̱ 6:18

Tatíxomée̱ xota̱ cho̱o̱n nga ni xi nda sa̱ꞌín, ngatꞌa̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱ꞌínkabisoón xotaa̱ ni xi tjiín.

2 Timoo̱ 2:21

Kuíni nga tsi tjín xí sa̱ꞌíntsjie yojoo̱ kjo̱a̱a̱ kui ni xi ndajiín, xikónií tsi ngo ni xi niꞌánkjién nga ma sꞌué ka̱ma. Kuí xí tsjie ka̱ma, kó Ndi̱a̱ná ka̱ma sa̱ꞌínkjién, kó kꞌuijñánda tsi̱ꞌe̱ nga sa̱ꞌin ngayeje ni xi ndaa̱.

2 Timoo̱ 3:17

kó kuí xo̱jo̱o̱n xi sa̱ꞌín nga xota̱ xi ndyi̱tsꞌèn xaá Néná, kꞌuíndonda nga ka̱maa̱ nga sa̱ꞌín ngayeje ni xi ndaa̱.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Titoo̱ 2:7

Ti̱ jii te̱ꞌée̱ ngo chi̱bo̱a̱ nga ni xi nda tiniꞌín ji. Nga ko̱ko̱yée̱, ngatamaya nga kixi̱ tiniꞌín ji, ko̱jo nga tiyendikín jí yojòo̱.

Titoo̱ 3:14

Kó xota̱ tsa̱ñá ngatamakjiín nga sa̱ꞌín ni xi ndaa̱, ko̱jo nga ko̱síko̱jo tsi ngo xota̱ xi chjieén tsja, tsi̱ꞌe̱ nga kꞌuíndo xikoó xota̱ xi ka̱ma ngasee̱ nda tsꞌén kꞌuíndo ngindyi̱ko̱n Néná.

Titoo̱ 3:8

Én xí ꞌniátakón boá xi̱ꞌbi̱, kó mejénna nga ꞌniú ko̱ndókjo̱a̱ kjo̱a̱a̱ kui nii̱, tsi̱ꞌe̱ nga kui xota̱ xi sꞌijii̱n Néná ta̱soboá ni xi nda xí sa̱ꞌín. Achichí nga nda kui eén, kó machjieén ngayeje xotaa̱.

Xota̱ Ebreo̱ 10:24

Kó ku̱i̱ndyi̱sé ndi̱yàa̱ kótsꞌèn ko̱si̱ko̱jó ja̱kꞌi̱e̱ ja̱ngaján xingi̱ nga kꞌuié ngasená kjo̱a̱tjó, ko̱jo nga ni xi nda xi si̱ꞌán.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.