Markoo̱ 14:41 - Xo̱jo̱n eén Néná

⁴¹ Xi ma ján ndi̱yà nga jachókón nginí Kjisoo̱ nínga síndo xota̱a̱, bi̱ katsoó: –Tsjayojoféjnú ꞌne̱, kó ti̱ꞌankjaꞌyájnú, jè jachó chi̱bo̱a̱ nga ndií nda̱ xi̱ꞌii̱n si̱ꞌankꞌasꞌien ngi̱ya tsja xota̱ jé.

Markoo̱ 14:41 Iomraidhean Croise

Eklesiastee̱ 11:9

Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Matioo̱ 26:2

–Ja̱ jè yàjnú nga ngi jó ni̱xtjin chaja nga ka̱ma sꞌué paskuaa̱, kó ndií nda̱ xi̱ꞌii̱n si̱ꞌankꞌasꞌien tsi̱ꞌe̱ nga kjótꞌa kro.

Markoo̱ 14:10

Kósꞌe̱ Junda̱ Iskariotee̱, ngo nda̱ xi chji̱a̱ni nga tiejó xota̱a̱ Kjisoo̱, kijíkoón já ngito̱ko̱o̱ chináꞌmii̱ tsi̱ꞌe̱ nga sa̱ꞌínkꞌasꞌiee̱n Kjisoo̱.

Markoo̱ 14:18

Kó tji̱e̱nga síndotꞌa yámíxa̱a̱, nga ndyi̱kjinie ṉño̱, Kjisoo̱, bi̱ katsoó: –Ja̱koxi̱ ni xi xiánjnúꞌun nga ngo jún xi tsꞌénkjiniejo̱na ṉño̱ xi sa̱ꞌínkꞌasꞌienna.

Markoo̱ 14:35

Ti̱ kjiꞌa Kjisoo̱ ngi̱chí kijíboaꞌá, asiéntikoó, kó yejénxtien kje̱n ngaskande nga kisitꞌaa̱ tꞌanangii̱, sꞌe̱ tsíchji̱a̱a̱ Néná tsi̱ꞌe̱ nga tsi ta̱ꞌa ka̱ma nga kjo̱chójín chi̱bo̱a̱ nga bo̱a̱ ka̱mataꞌin.

Markoo̱ 14:40

Kó nga jachó nginí Kjisoo̱ nínga síndo kui jaá, ti̱ kamábe nginí nga kjiyojofé, ngatꞌa̱ ngaskande tjísichjá má ndyi̱ko̱n nga ńjñaá, kó nde bejín mí ni xi ka̱tso̱ nga ku̱i̱chji̱a̱jo Kjisoo̱.

Markoo̱ 14:42

¡Ti̱sítji̱e̱njnú, tjián ꞌne̱! Kꞌi̱e̱ je ndibá tiña xi sa̱ꞌínkꞌasꞌienna.

Markoo̱ 7:9

Kó bi̱ katsó ngase Kjisoo̱: –Jún jè yàjnú kjo̱a̱botíxomaa̱ Néná, ta̱nga ndyi̱ꞌbíjñátꞌaxínjnú ta̱ngatꞌanii̱ nga ndyi̱niꞌánkjatjosónjnú kjo̱a̱xchájnú.

Markoo̱ 9:31

ngatꞌa̱ xota̱ tsi̱ꞌe̱ akóyaá, kó bi̱ katsoó: Ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien, kó sa̱ꞌínkꞌién, kó ngije kiniꞌánkꞌién, xi ma jaán ni̱xtjin kjo̱a̱ꞌáꞌyaá.

Juaa̱ 12:23

Sꞌe̱ Kjisoo̱, bi̱ katsó: –Jè jachó chi̱bo̱a̱ nga ko̱e̱ꞌeé kjo̱a̱je ndií nda̱ xi̱ꞌii̱n.

Juaa̱ 12:27

Ngotꞌe̱ achichí nda̱ kjimaa̱ ini̱ma̱na, kó mí ni xi xián án. Na̱ꞌmi, ꞌna̱xiéꞌéní kui chi̱bo̱a̱a̱. Ta̱nga kuí xá jachó an kui chi̱bo̱a̱a̱.

Juaa̱ 17:1

Kui nii̱ xi tsíchji̱a̱ Kjisoo̱, kó askotsijen ndiꞌakꞌajmi jàn, sꞌe̱ bi̱ katsó: –Na̱ꞌmi, jè jachó chi̱bo̱a̱, takèe̱ xotaa̱ kjo̱a̱jee̱ ndíi̱, tsi̱ꞌe̱ nga ndíi̱ ko̱ko̱ó xotaa̱ kjo̱a̱je tse̱,

Juaa̱ 7:30

Sꞌe̱ kui jaá kamámejeén katsoboá, ta̱nga kamájín kón, ngatꞌa̱ kji̱e̱ fochójín chi̱bo̱a̱a̱.

Juaa̱ 8:20

Kui nii̱ xi katsó Kjisoo̱, ki̱a̱ ngi̱ndie nínga boeꞌé to̱nchji̱e̱e̱, nga akóyá ndi̱tsen na̱ngo̱xi̱i̱, kó nde ngojín xi katsoboá, ngatꞌa̱ kji̱e̱ fochójín chi̱bo̱a̱a̱.

Ni xi kamá 7:52

ꞌYání bo̱a̱ nda̱ chji̱ni̱e̱ꞌe̱én Néná xi chꞌójín katsꞌénjo̱ xota̱ tji̱e̱ xchájnú. Kó katsꞌénkꞌién xota̱ xi katsóyà nga kjo̱e̱ꞌe ngo nda̱ xi kixi̱, xi ti̱ juún ngotꞌe̱ ꞌne̱ kiniꞌánkꞌasꞌienjnú ngi̱ya tsja xota̱ jé, kó kiniꞌánkꞌiénjnú,