Markoo̱ 14:1 - Xo̱jo̱n eén Néná

¹ Jó ni̱xtjin ngindiee̱ nga ka̱ma sꞌué paskuaa̱, ko̱jo sꞌueé pan xi jmí nisan mindyiajiín. Já ngito̱ko̱o̱ chináꞌmii̱ ko̱jo já chji̱ni̱e̱kjo̱a̱kitii̱, tsangasee̱ kótsꞌèn stso̱ba̱ Kjisoo̱ nga ku̱i̱ꞌíndisotaꞌin tsi̱ꞌe̱ nga sa̱ꞌínkꞌién.

Markoo̱ 14:1 Iomraidhean Croise

Jenesii̱s 37:18

Nga kamábe já ntsꞌi̱e̱ nga ta̱ kjin tsꞌéndibá Kosiee̱, ngindiee̱ nga kjo̱chó tiña ngase, índajo̱ xkjín nga sa̱ꞌínkꞌién.

Xo̱jo̱n Salmoo̱ 52:3

Tsja ngase maa̱ ni xi ndajín niꞌín, ta̱bo̱a̱jiín ni xi ndaa̱, tsja ngasee̱ éndísoó, ta̱bo̱a̱jiín kjo̱a̱kixi̱i̱.

Xo̱jo̱n Salmoo̱ 62:4

Ta̱soboá ndyi̱niꞌánkjójnú nga mejénjnú ku̱i̱chíjmingíjnú ki̱a̱ ngi̱ndie nínga tikón, achichí tsjá májnú nga ꞌbíndisójnú, ndso̱ꞌbájnú tsꞌénchíkonñé, ta̱nga ngi̱jii̱n ini̱ma̱jnú, ni xi ꞌniú ndajín sꞌijii̱n.

Xo̱jo̱n Salmoo̱ 62:9

Ta̱kjo̱a̱ndaní bo̱a̱ xota̱ nga̱sondie xi ta̱chiboaa̱, kó kjo̱a̱ndiso boá xota̱ xi ngito̱ko̱o̱, tsi ngo nisochi̱bo̱a̱ xꞌi̱chi̱bo̱a̱ni nga joó, é ka̱ma, ta̱nga nga ja̱koxi̱ xtja̱ ngase ta̱bo̱a̱jiín ngo tjo̱.

Éksondo̱ 12:1

Kjiꞌanga to̱kó síndora nangi Ejipto̱ Moisee̱ ko̱jo Aaroo̱n, Néná bi̱ katsoó:

Lebitiko̱ 2:6

Kó chjiéngá ku̱i̱chíyá xi̱xi̱ xi̱xi̱, kó ku̱i̱ndyiaa̱ isti̱ nga̱soón. Kuí boá kui nii̱ xi ngo kjo̱a̱tjó xi niꞌánkꞌasꞌien xi ni xi maxchá jno̱.

Matioo̱ 12:14

Kó ngije jataxie já fariseoo̱, ítsꞌi̱yanii̱ nga índa kótsꞌèn sa̱ꞌínkꞌién Kjisoo̱.

Matioo̱ 6:2

Kó kuíni nga, kjiꞌanga ngo chji̱e̱ ko̱e̱ꞌéjnú, ngata̱ jmí tjio niꞌánkjaniejínjnú ngindyikónjnú, xikó tsꞌén xota̱ xi jókje̱n xi ngi̱ya ndiꞌa nínga ndokjo̱a̱ eén Néná ko̱jo ngi̱ya ndi̱yàtié chji̱a̱, tsi̱ꞌe̱ nga xotaa̱ sku̱i̱e̱ndikón, ja̱koxi̱ ni xi xiánjnúꞌun nga kui xotaa̱, jè tikoón ni xi sa̱ko̱ó.

Markoo̱ 14:12

Ni̱xtjin tjoón nga chinie pan xi jmí nisan mindyiajiín, kjiꞌanga niꞌánkꞌién ngo cho̱tsa̱nga̱ tsi̱ꞌe̱ sꞌué paskuaa̱, xota̱ tsi̱ꞌe̱ Kjisoo̱, bi̱ katsoó: –Ñání nga mejeén nga kꞌuijñándajne̱ ni xi xi̱ni̱ ji sꞌué paskuaa̱.

Markoo̱ 14:2

Kó bi̱ katsoó xkjín: –Jmí tsi ngi̱jii̱n sꞌueé nga bo̱a̱ si̱ꞌán, tsi̱ꞌe̱ nga ka̱makjánjiín xota̱ na̱xi̱ńdaá.

Juaa̱ 11:47

Sꞌe̱ já ngito̱ko̱o̱ chináꞌmii̱ ko̱jo já fariseoo̱ kamátikó, kó bi̱ katsoó xkjín: –Mí xí si̱ꞌán, ngatꞌa̱ kui nda̱a̱ achichí kjo̱a̱ndikón tjítsꞌén.

Juaa̱ 13:1

Kó ngindiee̱ sꞌué paskuaa̱, nga ja̱bo̱a̱ je be Kjisoo̱ nga je jachó chi̱bo̱a̱a̱, nga ko̱e̱je̱ kui nga̱sondiee̱ sꞌe̱ ko̱e̱je̱koo̱n Na̱ꞌmii̱, katsꞌéntjó xotaa̱ kui nga̱sondiee̱, katsꞌéntjó ngaskande nga fetꞌani.

Ni xi kamá 12:4

Kó ngije katsoboá, katsangisꞌien ndo̱bo̱a̱yà, kó nijón tjín jájún askondá, xi xki̱ nijón ndyi̱yaꞌa yojoo̱ nga ngo tjín, kó katsꞌénkjó kuí nda̱ re Erondee̱ nga ngije jaꞌa sꞌué paskuaa̱ sa̱ꞌínjeé Peé ngindyi̱ko̱n xota̱ na̱xi̱ńdaá.