Markoo̱ 13:27 - Xo̱jo̱n eén Néná

²⁷ Kó kjiꞌá boá nga sa̱ngíyá ndítsjiee̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga fetꞌaa̱ tꞌanangii̱, ngaskande nínga fetꞌaa̱ ndiꞌakꞌajmii̱.

Markoo̱ 13:27 Iomraidhean Croise

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Matioo̱ 12:42

Kó na̱ re xi atíxomaa̱ nangi Sabaa̱ kjo̱stjíe̱n kondraa̱ kui xota̱ xi̱ꞌbi̱ kó ti̱ ko̱tíjeé, ngatꞌa̱ ngaskande nínga fetꞌaa̱ tꞌanangii̱ kjindibáni nga tsintꞌieé kjo̱a̱kjínkoón Salomoo̱, kó ngotꞌe̱ ꞌne̱ kꞌi̱e̱ tikónjo̱jnú ngo nda̱ xi nkꞌa ngase xaá ta̱bo̱a̱jiín Salomoo̱.

Matioo̱ 13:41

kó ndií nda̱ xi̱ꞌii̱n sa̱ngíyá ndítsjiee̱, kó kjo̱a̱ꞌáxín ki̱a̱ nínga botixómá ngayeje kui xota̱ xi ta̱ngatꞌanii̱ kui nga kje̱ꞌe xí tsꞌénjé, ko̱jo xi ndyi̱tsꞌèn ni xi ndajiín,

Matioo̱ 13:49

Bo̱a̱ ti̱ ka̱ma nga kju̱i̱e̱ nga̱sondiee̱: Kji̱ndi̱bá ndítsjiee̱, kó kjo̱a̱ꞌájin xota̱ xi kixi̱i̱, kó xín ku̱i̱ꞌíndo xota̱ xi ndajiín,

Matioo̱ 24:22

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 24:31

kó kuí xí sa̱ngíyá ndítsjiee̱, tsi̱ꞌe̱ nga sa̱ꞌínkjanie tjioo̱, kó ku̱i̱ꞌítikó xota̱ xi je jaꞌájin nga nijón tji̱ngi̱i̱ kui nga̱sondiee̱, ndeskande nínga ꞌbítsi̱yanii̱, kó ngaskande nínga fetꞌanii̱.

Markoo̱ 13:20

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Markoo̱ 13:28

Ngatamakjínjnú énkjiín yáꞌingoo̱, xi bi̱ tsoó: Nga fotjoo̱ tjia ńtsꞌieén ko̱jo xka̱a̱, ja̱ jè ya nga je tikón tiña cho̱ndoboaá.

Rkaa̱ 16:22

Ti̱chaa̱n jachó ni̱xtjin nga kꞌien Laá, kó ndítsjiee̱ Néná kijíjo̱ ngi̱ndie nínga tikón Abraa̱n, kó ti̱ kꞌien nda̱ cho̱o̱n nga, kó akjanijín kuí.

Rkaa̱ 18:7

Kó Néná a kixi̱jín tsꞌén sa̱ꞌínseén xota̱ xi je jaꞌájin xi nga jñó ko̱jo nga ni̱xtji̱e̱n ndyi̱chji̱a̱a̱ kui. A sa̱ꞌínkꞌandíyárií nga ko̱síko̱jo kui xotaa̱.

Juaa̱ 10:16

Kó ti̱ tjínna kje̱ꞌe cho̱tsa̱nga̱ xi kuijín nchꞌoaá chji̱a̱ni, kó ti̱ kjuínkjáꞌa an nga, kó kui cho̱tsa̱nga̱a̱ ku̱i̱ntꞌiè nda̱na, kó ta̱ ngo tsí tjín ka̱ma, kó ta̱ ngo tsí nda̱ xi skoón kui cho̱tsa̱nga̱a̱.

Juaa̱ 11:52

kó jmí tsi ta̱ kjo̱a̱a̱ tsií kui na̱xi̱ńdaá, ko̱yà Kjisoo̱ kjo̱a̱a̱ nga ka̱matikó ngayeje ndií Néná xi tjimásoón.

Xota̱ Roma̱ 8:33

ꞌYání xi ka̱maa̱ ko̱óngítaꞌin xota̱ xi Néná jè jaꞌájin. Néná xí bo̱a̱ katsó nga kixi̱ ka̱ma xota̱ xi tsi̱ꞌe̱.

Xota̱ Kolosa̱ 3:12

Néná jè jaꞌájinjnú jún nga je xota̱ tsjiee̱, ko̱jo xota̱ xi tjoó kui májnú jún, kuíni nga ti̱ꞌantja̱tsi̱e̱yàjnú kjo̱a̱mindyionjnú, xikoó tsi ngo ńjño xi tja̱tsi̱e̱ cha̱jájnú nga ni̱ma̱ ka̱majnú xingi̱jnú, ko̱jo nga kꞌuiéjnú kjo̱a̱nda, ko̱jo nga kꞌuiéjnú kjo̱a̱ni̱ma̱kjo̱a̱, ko̱jo nga kꞌuiéjnú kjo̱a̱ndaxota̱, ko̱jo nga kꞌuiéjnú kjo̱a̱chiyákjo̱a̱.

2 Xota̱ Tesalónika̱ 2:1

Jún ntsꞌie, kjo̱a̱a̱ nga kjo̱e̱ꞌe nginí Ndi̱a̱ná Jesukristoo̱, ko̱jo kjo̱a̱a̱ nga nijan ka̱matikójo̱ ñá, ꞌniú chjiáꞌájne̱ jún nga,

2 Timoo̱ 2:10

Kuíni nga tsꞌenchíkjo̱a̱ an ngayeje nii̱, ta̱ngatꞌanii̱ ngandaa̱ xota̱ xi je jaꞌájin Néná, tsi̱ꞌe̱ nga ko̱jo kui sa̱ko̱ó kjo̱a̱ꞌnaxiéꞌaá, ko̱jo kui kjo̱a̱je xi májiín fe xi tsja̱aná Kristo̱ Kjisoo̱.

1 Xo̱jo̱o̱n Peé 1:2

Xikó tsꞌén índa Néná xí na̱ꞌminá nga kamámejeén jaꞌájinjnú jún, tsi̱ꞌe̱ nga xota̱ na̱xi̱ńdá xí tsi̱ꞌe̱ ka̱majnú. Kó nga ngatꞌaa̱ A̱si̱énni̱xtjii̱n, ko̱jo ngatꞌaa̱ nga kꞌien Jesukristoo̱ nga katsꞌéntsjiejónjnú ngayeje jéjnú, tsi̱ꞌe̱ nga ko̱nda̱ꞌyáꞌénjnú. Ngatama tsie kjo̱a̱nda ko̱jo kjo̱a̱xió xi tsja̱ajnú Néná.