Markoo̱ 13:22 - Xo̱jo̱n eén Néná

²² Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Markoo̱ 13:22 Iomraidhean Croise

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 7:15

Chónjnú já chji̱ni̱e̱ꞌén ndiso xi kjo̱chókónjnú, xi bo̱a̱ má kón xikoó ngo cho̱tsa̱nga̱, ta̱nga nga ja̱koxi̱ cho̱lobo̱ boá.

Markoo̱ 13:21

Kó tsi tjín káꞌá xota̱, xi bi̱ ka̱tso̱jnú: “Jénꞌe̱n tsitsíjenjnúu̱, kꞌi̱e̱ tikón Kristoo̱”, ko̱jo tsi “jénꞌe̱n ki̱a̱a̱ tikón”, ngata̱ niꞌánsꞌijinjínjnúu̱.

Markoo̱ 13:23

Ta̱nga jún chónjnú yojojnú, ngatꞌa̱ jè katsóyàtjónjnúꞌun ngayeje ni xi ka̱ma.

Markoo̱ 13:6

Ngatꞌa̱ achichí má xota̱ xi kjo̱e̱ꞌe ngajona, nga bi̱ ka̱tso̱: “Án boá xi Kristoo̱”, kó kjín xota̱ xi kꞌo̱ṉcha̱jo.

Juaa̱ 4:48

Kósꞌe̱ Kjisoo̱, bi̱ katsó: –Nde sꞌi̱jinjínjnú jún tsi xcha̱jínjnú ngo chi̱bo̱a̱ ko̱jo tsi ngo kjo̱a̱ndikón.

Ndeuteronomio̱ 13:1

»Tsi ngo xota̱ chji̱ni̱e̱ꞌe̱én Néná kji̱ndi̱bá, kó tsi bo̱a̱ ka̱tso̱jnú nga ngo ni akakoo̱, ko̱jo tsi ngo kjo̱a̱ndikón xí sꞌe̱ ka̱ma ka̱tso̱yàjnú,

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

1 Xo̱jo̱o̱n Juaa̱ 2:18

Jún ndí ndí tsa̱ꞌa̱n, kuí bí xi̱ꞌbi̱ ni̱xtjin xi je kjifetꞌaa̱, kó jún jè kandaꞌyájnú nga ndibá kondraa̱ Kristoo̱, kó ngotꞌe̱ ꞌne̱, achichí jè kjín má kondraa̱ Kristoo̱ xi je jatjokjaà, kuíni nga jè ya ñá nga kuí ni̱xtjii̱n xi je kjifetꞌaa̱.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.

1 Xo̱jo̱o̱n Juaa̱ 2:26

Kuí nii̱ xi tjítsꞌenꞌindójnúꞌun kjo̱a̱a̱ kui xota̱ xi mejeén kꞌo̱ṉcha̱jojnú.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.