Markoo̱ 13:19 - Xo̱jo̱n eén Néná

¹⁹ ngatꞌa̱ kui ni̱xtjin jàn achichí kjo̱a̱ni̱ma̱ kjo̱a̱ꞌatio ngayeje xotaa̱, kó ngo ni xi kji̱e̱ jmíni̱xtjin ma xi ka̱ma, ndeskande koó nga Néná ítjatsꞌennii̱ nga katsꞌénda nga̱sondiee̱ ngaskande ngotꞌe̱, ti̱nde ngiti̱ ka̱májín jaskan.

Markoo̱ 13:19 Iomraidhean Croise

Kjo̱a̱chaꞌaá 1:12

Jún xi bitja ndojó ndojójnú kui ndi̱ya̱à, a ndasénjín májnú kui nii̱. Tsitsíjenjnúu̱ tsi tjín xí bo̱a̱ kjiꞌi kjo̱a̱ni̱ma̱ ndyi̱foaꞌatio xikoó an nga, kui kjo̱a̱ni̱ma̱a̱ xi kjindibániéna, kui xi katsangiyana Néná kjiꞌanga katsꞌénxchán.

Kjo̱a̱chaꞌaá 2:13

ꞌYání xi bo̱a̱ má kjiꞌi xikoó jí na̱xi̱ńdáꞌniú Jerusalee̱n, ꞌyání xi bo̱a̱ má kjimaa̱ xikoó jí na̱xi̱ńdáꞌniú Sioo̱n. ꞌYání xi kꞌuijñá ndsa̱ji̱i̱n, tsi̱ꞌe̱ nga sa̱ꞌíndajoo̱n katsaki, ji na̱xi̱ńdá Sioo̱n tsjakjiꞌi xi tikón xikoó ngo na̱ xo̱ngo̱ò. Ngatꞌa̱ ni ndajín xi kjimaa̱, ta̱nisién je xikó maá ndáchíkoón. Kó ꞌyá xí sa̱ꞌíndayaa̱.

Kjo̱a̱chaꞌaá 4:6

Ngatꞌa̱ kamátsié ngase ni xi ndajiín ki̱a̱ na̱xi̱ńdáꞌniú Jerusalee̱n, ta̱bo̱a̱jiín jé xí katsꞌén xotaa̱ ki̱a̱ na̱xi̱ńdáꞌniú Sondoma̱, kui ngi̱ndiee̱ ta̱niján má kiniꞌánkjié, kó jmí tsi xota̱ nga̱sondiee̱ xi bo̱a̱ katsꞌén.

Matioo̱ 24:21

ngatꞌa̱ kui ni̱xtjii̱n achichí kjo̱a̱ni̱ma̱ kjo̱a̱ꞌatio ngayeje xotaa̱, kó ngo ni xi kji̱e̱ jmíni̱xtjin ma ni xi ka̱ma, ndeskande koó nga Néná ítjatsꞌennii̱ nga katsꞌénda nga̱sondiee̱ ngaskande ngotꞌe̱, ti̱nde ngiti̱ ka̱májín ngijee̱.

Markoo̱ 10:6

Ta̱nga ndeskande nga Néná ítsꞌi̱yanii̱ nga katsꞌénda nga̱sondiee̱ “xi xi̱ꞌin ko̱jo xi chjo̱on” katsꞌénda.

Markoo̱ 13:18

Ndókjo̱a̱jnúu̱ Néná tsi̱ꞌe̱ nga, nga ku̱i̱yòjnú ni̱xtjii̱n cho̱nchꞌànjín nga bo̱a̱ ka̱ma,

Markoo̱ 13:20

Kó tsi Néná chiboajín ku̱i̱ꞌíjñaá kui ni̱xtjii̱n, ta̱ꞌyajín xi kjo̱tjoꞌa, ta̱nga ta̱ngatꞌanii̱ xota̱ xi je jaꞌájin, chiboa ni̱xtjin íjñaá nga ka̱ma kui ni̱xtjii̱n.

Ndeuteronomio̱ 28:59

Néná ko̱tíjéjnú jún ko̱jo xota̱ tji̱e̱jnú. ¡Achichí chiꞌin xi ꞌniú tsja̱ajnú, kó nde ngojín xi ka̱maa̱ sa̱ꞌíndayajnú!

Ndeuteronomio̱ 4:32

»Néná tsꞌaxiéni nangi Ejipto̱ xota̱ xi xchájnú, kó bo̱a̱ tsꞌén akoó nga ꞌniú tjoó ko̱jo akó ngaꞌniú je xi tjiín. Ta̱ngatꞌanii̱ nganda tsa̱jún nga askjantjéjnú nga achichí kjo̱a̱ndikón katsꞌén, kó indyiándikoón xota̱ xi síndo na̱xi̱ńdá xí ngasee̱. »Tsi Néná tsꞌaxiéꞌájnú, kjo̱a̱a̱ nga bo̱a̱ tsꞌén kamámejeén, nga jún xi ka̱majnú na̱xi̱ńdá xí kuí tsi̱ꞌe̱. Jmíjín ingo xota̱ na̱xi̱ńdá xí je tsintꞌieé nda̱a̱ Néná, ti̱nde ngiti̱ síndojín tsi̱ꞌe̱ nga ka̱tso̱yà kui nii̱. Ta̱nga Néná ndeskande nkꞌajmii̱ tsíchji̱a̱jojnú, tsi̱ꞌe̱ nga ngo ndi̱yà xí kixi̱ íjñájnú. Kꞌi̱e̱ kui tꞌanangii̱ ngi̱jii̱n ndiꞌií tsíchji̱a̱jojnú, kó to̱kó kixindyionrajnú nga̱sondie. Kó kjiꞌanga tsangínjnú, Néná iskjíxꞌájnú ndi̱yà, kó katsangiboaꞌá xota̱ na̱xi̱ńdáꞌniú, xi ꞌniú ngase yiꞌi, ko̱jo xi ꞌniú ngase tjiín ngaꞌniú ta̱bo̱a̱jínnii̱ jún, tsi̱ꞌe̱ nga jún tsja̱ajnú kui tꞌanangi xi je mejeén sa̱kójnú. »Tsi jún xi stsitsíjenjnúu̱ kótsꞌèn kjindibáni xotaa̱, xcha̱jnú nga jmíni̱xtjin kamá ngo ni xi xikoó xi kjimajnú ngotꞌe̱. Ta̱nga ngayeje kui nii̱ kjimá, tsi̱ꞌe̱ nga xcha̱jnú nga ja̱koxi̱ boá Néná, kó nga ta̱ ngo tsí má kuí.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.