Markoo̱ 13:11 - Xo̱jo̱n eén Néná

¹¹ Ta̱nga nga si̱ꞌankꞌasꞌienjnú nínga síndo jáxaá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú, ti̱nde ngata̱ niꞌánkjójínjnú, ta̱sá ni xi kꞌuiyájnú nga kꞌuínjnú kui chi̱bo̱a̱a̱, kuí xí ndokjo̱a̱jnú, ngatꞌa̱ jmí tsi jún xi ko̱ndókjo̱a̱jnú, A̱si̱énni̱xtjii̱n Néná boá xi ku̱i̱chji̱a̱.

Markoo̱ 13:11 Iomraidhean Croise

Matioo̱ 10:17

Kó chónjnú yojojnú ngi̱jii̱n xotaa̱, ngatꞌa̱ si̱ꞌankꞌasꞌienjnú ngi̱ya tsja jáxaá, kó ngi̱ya ndiꞌa nínga ndokjo̱a̱ eén Néná kjoájnú.

Markoo̱ 13:12

Kó ngo ntsꞌie ti̱ kuii̱ sa̱ꞌínkꞌasꞌien xi ingo ntsꞌiee̱ nga si̱ꞌankꞌien, kó na̱ꞌmii̱ sa̱ꞌínkꞌasꞌien ndií, kó ti̱ kui ndií kondra̱ ko̱e̱je̱e̱ xi xchaá, kó sa̱ꞌínkꞌién xkjín.

Markoo̱ 13:9

Ta̱nga ti̱ juún chónjnú yojojnú, ngatꞌa̱ si̱ꞌankꞌasꞌienjnú ngi̱ya tsja jáxaá, kó kjoájnú ki̱a̱ ngi̱ya ndiꞌa nínga ndokjo̱a̱ eén Néná, kó ngindyi̱ko̱n xtitjón ko̱jo ngindyi̱ko̱n ree̱ kongínjo̱jnú ta̱ngatꞌanii̱ an, tsi̱ꞌe̱ nga ko̱ndókjo̱a̱jnú kjo̱a̱a̱ an ngindyi̱ko̱n kui xotaa̱.

Rkaa̱ 21:12

Ta̱nga ngindiee̱ nga bo̱a̱ ka̱ma, tjón mára ku̱i̱yotjíngíjnú ko̱jo ko̱ndo̱bo̱a̱jnú, kó si̱ꞌankꞌasꞌienjnú ngi̱ya tsja ngito̱ko̱o̱ ndiꞌa nínga ndokjo̱a̱ eén Néná, ko̱jo ko̱na̱ngísꞌiénjnú ndo̱bo̱a̱yà, kó kongínjo̱jnú ngindyi̱ko̱n re ko̱jo xtitjón ta̱ngatꞌanii̱ jaꞌénna.

Juaa̱ 3:27

Sꞌe̱ bi̱ katsó Juaa̱: –Nde ngojín xota̱ xi skjíbé ngo ni, tsi ndiꞌakꞌajmii̱jín xi tsja̱á.

Ni xi kamá 2:4

kó ngayejee̱ nga tsꞌasꞌieén A̱si̱énni̱xtjii̱n Néná, kó ítsꞌi̱yanii̱ nga tsíchji̱a̱ ja̱ kje̱ꞌe ja̱ kje̱ꞌe én, xikótsꞌèn katsjaá A̱si̱énni̱xtjii̱n Néná nga ku̱i̱chji̱a̱.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Ni xi kamá 4:31

Kó ngije kamaá nga tsíchji̱a̱a̱ Néná, ngi̱ndie nínga síndotikó jatsié, kó ngayeje kui xotaa̱ tsꞌasꞌieén A̱si̱énni̱xtjii̱n Néná, kó nde ngiti̱ jmí ndikón kisꞌiejínnii̱ nga tsíchji̱a̱ eén Néná.

Ni xi kamá 6:10

kó kamájín xi katsꞌeén, ngatꞌa̱ nga tsíchji̱a̱, kisꞌiee̱ kjo̱a̱kjínkón ko̱jo A̱si̱énni̱xtjii̱n Néná.

Ni xi kamá 6:15

Kósꞌe̱ ngayeje jáxá xí síndotikó kuí ngi̱ndiee̱, askoꞌá ndá ndá Ixtibaa̱, kó kamábe kje̱n nga ja̱kjiꞌi kje̱n ndítsjie má kjiꞌi.

Ni xi kamá 7:55

Ta̱nga Ixtibaa̱ kisꞌikitsié maá A̱si̱énni̱xtjii̱n Néná, kó askotsijen ndiꞌakꞌajmi jàn, sꞌe̱ kamábe kjo̱a̱jee̱ Néná, kó kamábe Kjisoo̱ nga ki̱a̱ tikóntꞌa tsja fojnií Néná,

1 Xota̱ Korinto̱ 2:13

Én xí akóyáná A̱si̱énni̱xtjii̱n Néná xí niꞌánkjién kjiꞌanga ndokjo̱a̱ kuí nii̱, kó jmí tsi én xí ndibánií kjo̱a̱kjínkoón xotaa̱. Kó bo̱a̱ tsꞌén ꞌmíyáa̱ xota̱ xi tikónjii̱n A̱si̱énni̱xtjii̱n Néná ni xi tsi̱ꞌe̱ A̱si̱énni̱xtjii̱n.

Xota̱ Éfeso̱ 3:5

Kui ni ꞌmaa̱, ngojín xota̱ xi akakoo̱ kje̱ꞌe ni̱xtjin, xikótsꞌèn ngotꞌe̱ A̱si̱énni̱xtjii̱n Néná akoó já apostro̱ tsjiee̱, ko̱jo já chji̱ni̱e̱ꞌe̱én Néná.

Xo̱jo̱o̱n Sandiyaá 1:5

Kó tsi tjín jún xi chajaa̱ kjo̱a̱kjínkón, ngatíꞌaá Néná, kó Néná tsja̱á, ngatꞌa̱ Néná tsjaá ngayeje xotaa̱ tsie ni xi machjieén, kó jmíjín xi tsꞌenchꞌó nga tsjaá.

1 Xo̱jo̱o̱n Peé 1:12

Néná akoó kui já chji̱ni̱e̱ꞌe̱én ta̱nga jmí tsi kjo̱a̱a̱ nganda ti̱ kuii̱ tsi̱ꞌe̱, nganda tsa̱jún boá nga akakoo̱. Kuí bí kui én xi katseꞌéjnú ngotꞌe̱ jún xi je ikꞌíni̱jmìjnú kui éntjatsi̱e̱e̱, ta̱ngatꞌanii̱ ngaꞌniuú A̱si̱énni̱xtjii̱n Néná xi kanangiyani ndiꞌakꞌajmi jàn, kui ni xi ngaskande ndítsjiee̱ kamámejeén kamábe.