Markoo̱ 12:7 - Xo̱jo̱n eén Néná

⁷ Ta̱nga kui já xí ndyi̱tsꞌènxájin kui ngi̱ndiee̱ ja̱kꞌi̱e̱ ja̱ngaján, bi̱ katsoó xkjín: “Kuí xi̱ꞌbi̱ xi tsi̱ꞌe̱ ka̱ma ngayeje kui ngi̱ndiee̱, ta̱sá si̱ꞌankꞌién, ki̱a̱ ka̱maa̱ nga tsa̱ñá ka̱ma ngayeje kui nii̱.”

Markoo̱ 12:7 Iomraidhean Croise

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Jenesii̱s 37:20

Ta̱sá si̱ꞌankꞌién, kósꞌe̱ ngo ti̱xa̱ ndáńchꞌi̱ kjójmíyá, kósꞌe̱ bo̱a̱ kꞌuin nga ngo cho̱ tamá iskjinie. ¡Ki̱a̱ ka̱maa̱ nga xcha̱ a kjo̱tjosónra̱ chi̱ni xi tseꞌeé!»

Matioo̱ 2:16

Kósꞌe̱ nga kamákjiín Erondee̱ nga tsꞌenṉcha̱jo já kjínkoón, achichí katsꞌénxchán, kó katsangiya tsi̱ꞌe̱ nga kiniꞌánkꞌién ngayeje jákjíndí xíꞌín xi ngindiee̱ nga jó noó, xi síndo ndí na̱xi̱ńdáꞌniú Belee̱n ko̱jo ngayeje ndí nangi xi síndotꞌa kui ngi̱ndiee̱, ngatꞌa̱ askosoón ni̱xtjin xikó katsoó kui já kjínkoón.

Matioo̱ 21:34

Kó nga jachó ni̱xtjin nga je kamáxchaá kui too̱, nda̱ xi tsi̱ꞌe̱ kui ngi̱ndiee̱ katsangiya mosoo̱, tsi̱ꞌe̱ nga kui já xí ndyi̱tsꞌènxá kuí ngi̱ndiee̱ ku̱i̱ꞌíchjií ni xi índajo̱.

Markoo̱ 12:12

Kó kamámejeén stso̱ba̱ Kjisoo̱, ngatꞌa̱ kui tsakiín énkjín xi tsíchji̱a̱, ta̱nga kjo̱a̱a̱ nga katsakjónnií xota̱ kjiín, jmí ni katsꞌénjo̱jín, ta̱sá íjñámasien, sꞌe̱ kijí kui jaá.

Markoo̱ 12:6

Kisꞌijñaa̱ ingo xi fetꞌa xi katsangiya: Ndí tsi̱ꞌe̱, kui xi achichí tjoó kó katsangiyaa̱ kui jaá, ngatꞌa̱ bi̱ katsó: “Kui jaá sku̱i̱e̱ndikón ndína.”

Markoo̱ 12:8

Kó bo̱a̱ tsꞌén katsoboá kui nda̱a̱, kó katsꞌénkꞌién, sꞌe̱ tsꞌaxié ki̱a̱ ngi̱ndie nínga tjitjíe̱ tostsi̱je̱è.

Ni xi kamá 2:23

kuí nda̱a̱, xi kiniꞌánkꞌasꞌien nga ja̱bo̱a̱ je índa Néná nga bo̱a̱ ka̱maa̱, kui xi ikꞌítꞌaꞌniújnú ko̱jo xi kiniꞌánkꞌiénjnú, nga kiniꞌánkꞌasꞌienjnú ngi̱ya tsja xota̱ xi ndajín nga akjatꞌa kro,

Ni xi kamá 5:28

–Ji̱n jè ta̱nisién ꞌniú akatíxomajne̱ nga ngiti̱ chiíjín ko̱ndókjo̱a̱ni̱jmìjnú kjo̱a̱a̱ Kjisoo̱ nga ko̱ko̱yájnú, kó ngayeje na̱xi̱ńdáꞌniuú ikꞌíkitsiejnú kui ni xi akakoyájnú, kó mejénjnú nga ji̱n xi sꞌi̱niéjne̱ nga kiniꞌánkꞌién Kjisoo̱.

Ni xi kamá 7:52

ꞌYání bo̱a̱ nda̱ chji̱ni̱e̱ꞌe̱én Néná xi chꞌójín katsꞌénjo̱ xota̱ tji̱e̱ xchájnú. Kó katsꞌénkꞌién xota̱ xi katsóyà nga kjo̱e̱ꞌe ngo nda̱ xi kixi̱, xi ti̱ juún ngotꞌe̱ ꞌne̱ kiniꞌánkꞌasꞌienjnú ngi̱ya tsja xota̱ jé, kó kiniꞌánkꞌiénjnú,

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.