Markoo̱ 12:29 - Xo̱jo̱n eén Néná

²⁹ Sꞌe̱ Kjisoo̱, bi̱ katsoó: –Kjo̱a̱botíxoma xi ꞌniú chjí ngasenii̱ ngayeje kjo̱a̱botíxomaa̱, kuí xi̱ꞌbi̱: “Ndaꞌyájnú jún xota̱ Israee̱l, Ndi̱a̱ná, ta̱ ngo tsí má,

Markoo̱ 12:29 Iomraidhean Croise

Xo̱jo̱n Salmoo̱ 86:10

¡Ngatꞌa̱ jí boá xi tjiín kjo̱a̱je, kó maá niꞌán ni xi fíndikónná! ¡Ta̱ jí tsí bo̱a̱ xi Néná jí!

Énkjínkón 23:26

Ji xi̱ꞌin, an ti̱ꞌinkꞌasꞌinní ini̱ma̱a̱, kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.

Matioo̱ 10:37

Ngayeje xota̱ xi ꞌniú ngase tjoó na̱ꞌmii̱ ko̱jo na̱aa̱n ta̱bo̱a̱jiín án, ka̱májín xota̱ tsa̱ꞌa̱n ka̱ma. Ngayeje xi ꞌniú mején ngasee̱ ndí xi̱ꞌii̱n ko̱jo tsi ndí chjo̱ón ta̱bo̱a̱jiín án, ti̱ ka̱májín xota̱ tsa̱ꞌa̱n ka̱ma nga,

Matioo̱ 23:9

Kó ngata̱ ꞌyàjín xi na̱ꞌmi ꞌmíjnú kꞌi̱e̱ tꞌanangii̱, ngatꞌa̱ ngo tsí má xi Na̱ꞌmijnú, kó Néná boá, kó ndiꞌakꞌajmi jàn tikón.

Rkaa̱ 10:27

Kó kui nda̱ chji̱ni̱e̱kjo̱a̱kitii̱, bi̱ katsó: –Ti̱ꞌintjé ji Ndi̱a̱a̱, kui xi Nèe̱ ngayeje ini̱màa̱, ngayeje kjo̱a̱mindyiòo̱n, ko̱jo ngayeje ngaꞌniúu̱, ko̱jo ti̱ꞌintjé ji xotaa̱, xikó má tsꞌén tjoó yojòo̱.

Xota̱ Roma̱ 3:30

Ngatꞌa̱ ta̱ ngo tsí má Néná, kó kuí xí sa̱ꞌínkixi̱ xota̱ jundío̱ xi kiniꞌaán sirkunsisioo̱n ngatꞌa̱ sꞌijii̱n, kó ti̱ sa̱ꞌínkixi̱ xota̱ xi ngasee̱ xi jmíjiín sirkunsisioo̱n ngatꞌa̱ ti̱ sꞌijii̱n nga.

1 Xota̱ Korinto̱ 8:4

Kjo̱a̱a̱ nichinie xi niꞌánkꞌasꞌiee̱n a̱sie̱én ngo ne xi tsꞌénda xotaa̱, jè ya nga kui nee̱, jmí ni chjíjiín kui nga̱sondiee̱, kó ti̱ jè ya nga ta̱ ngo tsí má Néná.

Xota̱ Ngalasia̱ 3:20

Ta̱nga Néná nga tsíchji̱a̱jo Abraa̱n jmíjín xi katsꞌénkjién, ngatꞌa̱ Néná ta̱ ngo tsí má.

Ndeuteronomio̱ 10:12

»Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Ndeuteronomio̱ 6:4

»¡Ndaꞌyájnú jún xota̱ na̱xi̱ńdá Israee̱l! Kui Néná xí ngototoo̱, kuí boá xi Nee̱ xota̱ Israee̱l.

1 Timoo̱ 1:5

Kuíni nga bo̱a̱ kixianñaa ngatꞌa̱ mejénna nga si̱ꞌantjó xingi̱, nga kꞌuiéná ngo kjo̱a̱tjó xi ndibánií ngi̱jin ini̱ma̱ tsjiená, ko̱jo ngi̱jii̱n kjo̱a̱kjíntakón ndaná, ko̱jo ngi̱jii̱n kjo̱a̱sꞌijin ja̱koxi̱ná.

1 Timoo̱ 2:5

Ngatꞌa̱ ta̱ ngo tsí má Néná, kó ta̱ ngo tsí má xi chji̱a̱tjená ñá ngindyi̱ko̱n Néná, kó kuí boá xi Kristo̱ Kjisoo̱, kui xi xota̱ nga̱sondie boá nga.

Xo̱jo̱o̱n Sandiyaá 2:19

A sꞌijii̱n ji nga ta̱ ngo tsí má Néná. Ja̱ ndakjiꞌi ni xi niꞌín ji. Ta̱nga ngaskande ko̱jo ndítsjiee̱ xindajín sꞌijii̱n nga, kó fotsié má nga tsakjón má.

Xo̱jo̱o̱n Jundaa̱ 1:25

kui Néná xí ngototoo̱ kui xi ꞌboxiéꞌáná ta̱ngatꞌanii̱ Ndi̱a̱ná Jesukristoo̱, nga sꞌiee̱ kjo̱a̱je, ko̱jo kjo̱a̱botíxoma, ko̱jo ngaꞌniú, ko̱jo xá, ndeskande koó ngasꞌe̱, ko̱jo ngotꞌe̱, ko̱jo ta̱ kjiꞌání. Bo̱a̱ kjiꞌi.