Markoo̱ 12:26 - Xo̱jo̱n eén Néná

²⁶ Ta̱nga kjo̱a̱ ngaá nga foaꞌáꞌyá nginií xota̱ xi je jesoón, a kji̱e̱ niꞌányàjínjnú xo̱jo̱n xi katsꞌénda Moisee̱, nínga ítꞌa kjo̱a̱a̱ yá sarsa̱ xi tjítií. Néná bi̱ katsoó Moisee̱: “Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.”

Markoo̱ 12:26 Iomraidhean Croise

Jenesii̱s 26:24

Kó Néná jatjokjaà kui ni̱xtji̱e̱e̱n, kó bi̱ katsoó: «Án boá xi Nee̱ na̱ꞌmíi̱ Abraa̱n, kó ta̱ngatꞌanii̱ kui nga sa̱ꞌinchikonñeé jí ko̱jo nga sa̱ꞌinkjín an xota̱ tji̱e̱ tse̱, kuíni nga ngata̱ ndakinjín má ji, ngatꞌa̱ an boá xi kosiko̱joo ngayeje ni xi si̱ꞌin ji».

Jenesii̱s 28:13

Kó kamábe nga nínga tikón ndyi̱ko̱n kui yákíjo̱o̱n, ki̱a̱ tikón Néná, kó Néná bi̱ katsó: «Án boá xí Nee̱ Abraa̱n, ko̱jo xi Nee̱ Isaa̱, kó tsꞌénxiyaa nga kui tꞌanangi nínga titsjajni ji, ji ko̱jo xota̱ tji̱e̱ tse̱ boá xí tsjàa̱.

Jenesii̱s 31:42

¡Achichí ndakjiꞌi nga kui Néná xí tsi̱ꞌe̱ na̱ꞌmindyiboana Abraa̱n asíko̱jona! Kui Ne xi katsꞌéndikón na̱ꞌmina Isaa̱ nda katsꞌénjo̱na, ngatꞌa̱ kamábe kjo̱a̱ndasenna ko̱jo nga je jenda an, kuíni nga katsꞌénxchánjo̱nii̱ ngoye jñó. Tsi bo̱a̱jín katsꞌén Néná kiniꞌínkjítiyerani.

Jenesii̱s 32:9

Kósꞌe̱ Jakoo̱b bi̱ katsó nga tsíchji̱a̱a̱ Néná: «Ji Ne xi tsi̱ꞌe̱ na̱ꞌmindyiboana Abraa̱n ko̱jo na̱ꞌmina Isaa̱, Jí boá xi bo̱a̱ kasení nga kji̱ndi̱báꞌoyá ngiñá an nangina ko̱jo nínga síndo xota̱na, kó nga ji xi ko̱si̱ke̱jení.

Markoo̱ 12:10

A kji̱e̱ niꞌányàjínjnú xo̱jo̱n eén Néná, nínga bi̱ tsoó: Ndi̱jo̱ xi katsꞌénchꞌó já chji̱ni̱e̱xo̱ó, kuí xí ndi̱jo̱ ngaꞌniuú ndiꞌaa̱ kamá.

Markoo̱ 12:25

Ngatꞌa̱ ngije kjo̱a̱ꞌáꞌyaá ngayeje xota̱ xi je jesoón, ti̱nde ngiti̱ ku̱i̱xánjín, kó ti̱nde ngiti̱ sa̱ꞌínkixanjín xkjín, ngatꞌa̱ xikónií tsi ndítsjie xi síndo ndiꞌakꞌajmi jàn ka̱ma.

Rkaa̱ 20:37

Ta̱nga kjo̱a̱ ngaá tsi foaꞌáꞌyá nginií xota̱ xi je jesoón, ngaskande Moisee̱ akóyá nga katsóyà énkjiín yásarsaa̱, nga bi̱ tsoó Ndi̱a̱ná, Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b boá.

Juaa̱ 20:17

Kjisoo̱, bi̱ katsó: –Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.

Xota̱ Roma̱ 11:2

Néná katsꞌénchꞌójín xota̱ na̱xi̱ńdaá, kui xi ndeskande ngasꞌe̱ nga kamábe. Axa̱ yàjínjnú xi ni tsó xo̱jo̱n eén Néná kjo̱a̱a̱ Eliyaa̱, kjiꞌanga yíngítaꞌin xota̱ Israee̱l ngindyi̱ko̱n Néná, bi̱ katsó: