Markoo̱ 12:24 - Xo̱jo̱n eén Néná

²⁴ Kósꞌe̱ Kjisoo̱, bi̱ katsó: –Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná.

Markoo̱ 12:24 Iomraidhean Croise

Jenesii̱s 18:14

A tjín ngo ni xi niꞌin ka̱mana nga sa̱ꞌin an. Nó xí ndibaá kji̱ndi̱bákón ngiñaá ngije stse̱n ndií na̱ Saraa̱.

Matioo̱ 22:29

Kósꞌe̱ Kjisoo̱, bi̱ katsó: –¡Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná!

Markoo̱ 10:27

Kósꞌe̱ Kjisoo̱ askotsijee̱n kui jaá, kó bi̱ katsoó: –Ka̱májiín sa̱ꞌín kui nii̱ ngo xota̱, ta̱nga Néná ngayeje nii̱ xi ka̱maa̱ sa̱ꞌín.

Markoo̱ 12:23

Ni̱xtjin nga kjo̱a̱ꞌáꞌyaá xota̱ xi je jesoón, ja̱ ꞌyání nga yito kui jaá xi xi̱ꞌii̱n kui xota̱chjo̱on ka̱ma, ngatꞌa̱ nga yitoo̱ nga kisꞌińdojo̱.

Markoo̱ 12:25

Ngatꞌa̱ ngije kjo̱a̱ꞌáꞌyaá ngayeje xota̱ xi je jesoón, ti̱nde ngiti̱ ku̱i̱xánjín, kó ti̱nde ngiti̱ sa̱ꞌínkixanjín xkjín, ngatꞌa̱ xikónií tsi ndítsjie xi síndo ndiꞌakꞌajmi jàn ka̱ma.

Rkaa̱ 1:37

Ngatꞌa̱ ngayeje nii̱ xi ka̱maa̱ sa̱ꞌín Néná.

Juaa̱ 20:9

Ngatꞌa̱ kji̱e̱ makjínjiín ni xi tsó xo̱jo̱n eén Néná, nga Kjisoo̱ kjo̱a̱ꞌáꞌyá nginií ngi̱jii̱n xota̱ xi je jesoón.

Juaa̱ 5:39

Chjátꞌayájnú ni xi tsó xo̱jo̱n eén Néná, ngatꞌa̱ bo̱a̱ tsꞌén nga ki̱a̱ sa̱kójnú kjo̱a̱mindyion ngatsjéni̱xtjii̱n, kó kuí boá kui én chistiko̱ xi chji̱a̱ kjo̱a̱a̱ an,

Ni xi kamá 17:11

kó kui xota̱ jundíoo̱ nda ngase xota̱ kamá ta̱bo̱a̱jínnii̱ xi síndo na̱xi̱ńdáꞌniú Tesalónika̱, ngatꞌa̱ achichí tsja kamaá nga tsintꞌieé eén Néná, kó ndyiojón ndyiojón iskjítꞌoyà xo̱jo̱n eén Néná kui já jundíoo̱, ta̱ tsi̱ꞌe̱ nga sku̱i̱e̱ tsi kjeén nga ja̱koxi̱ én xí tjíꞌmíyaá.

Xota̱ Roma̱ 15:4

Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná.

Xota̱ Éfeso̱ 1:19

Kó nga ka̱makjínjnú kókjiꞌi je ngaꞌniú xí tikoón Néná nganda tsa̱ñá xí sꞌijinná kuí. Kui ngaꞌniuú kuí boá xi Néná akó,

Xota̱ Filipo̱ 3:21

Kó kuí boá xi ko̱síkjoyá yojo ni̱ma̱kjo̱a̱ná, tsi̱ꞌe̱ nga xikoó yojoo̱ kjo̱a̱jee̱ kui ka̱ma, kui nii̱ xi sa̱ꞌín nga sa̱ꞌínkjién ngaꞌniú xí tjiín nga botixómaá ngayeje nii̱.