Markoo̱ 12:2 - Xo̱jo̱n eén Néná

² Kó nga jachó ni̱xtjii̱n nga je kamáxchá kuí too̱, katsangiya mosoo̱ kui nda̱a̱ nínga síndo já xí katsjaá chjínangí jno̱ tostsi̱je̱è, tsi̱ꞌe̱ nga ko̱kjángá, kó tsja̱á to xi tsoboaá nda̱ xi tsi̱ꞌe̱ kui ngi̱ndiee̱.

Markoo̱ 12:2 Iomraidhean Croise

Xo̱jo̱n Salmoo̱ 1:3

Kui xotaa̱, kuí boá xi ka̱ma xikoó ngo yá xí tjítji̱e̱tꞌa ngo ndejèꞌ xi tsꞌénmonga, kui xi ni̱xtjii̱n má nga boajaá to xi tsjá, kó xíꞌniújín xka̱a̱. ¡Kó ngayeje ni xi tsꞌén, nda maá!

Matioo̱ 21:34

Kó nga jachó ni̱xtjin nga je kamáxchaá kui too̱, nda̱ xi tsi̱ꞌe̱ kui ngi̱ndiee̱ katsangiya mosoo̱, tsi̱ꞌe̱ nga kui já xí ndyi̱tsꞌènxá kuí ngi̱ndiee̱ ku̱i̱ꞌíchjií ni xi índajo̱.

Markoo̱ 12:1

Kósꞌe̱ ítsꞌi̱yanii̱ nga tsíchji̱a̱ Kjisoo̱ nga katsóyaà ngo énkjín xi bi̱ tsó: –Ngo nda̱ íjñanda ngo jno̱ nínga maxchá tostsi̱jè, kó íchjáꞌyá, sꞌe̱ katsꞌénda ngo ngi̱ndie nínga ꞌnaxié ndaá kui too̱, kó ti̱ katsꞌénda ngo tarié xi nkꞌa, kósꞌe̱ katsjá chjínangií já xí tsꞌén kuí xaá. Sꞌe̱ kui nda̱ xi katsjá chjínangí kui ngi̱ndiee̱, kjin kijí.

Markoo̱ 12:3

Ta̱nga kui já xí ndyi̱tsꞌènxájin kui ngi̱ndiee̱, katsoboá kó katsꞌénkijenꞌon kui mosoo̱, kó jmí ni íyatsjajín.

Rkaa̱ 12:48

Ta̱nga kui moso̱ xi bejín mí ni xi mejeén ndi̱a̱a̱, kó katsꞌén ni xi be nga kjoánií, chiboa tsí ńꞌniú kjoaá. Ngatꞌa̱ ngayeje xi tsie katseꞌeé, tsie xki̱ chji̱a̱ꞌaa̱, kó xi tsie kiniꞌánꞌniátakón, tsie ngase xki̱ chji̱a̱ꞌaa̱ nga.

Rkaa̱ 20:10

Kó nga jachó ni̱xtjii̱n nga je kamáxchá kuí too̱, katsangiya mosoo̱ kui nda̱a̱ nínga síndo já xí katsjaá chjínangí jno̱ tostsi̱je̱è, tsi̱ꞌe̱ nga ko̱kjángá, kó sa̱ꞌínkꞌasꞌiee̱n kui to xi tsoboaá nda̱ xi tsi̱ꞌe̱ kui ngi̱ndiee̱, ta̱nga kui já xí ndyi̱tsꞌènxájin kui ngi̱ndiee̱, katsꞌénkijenꞌon kui mosoo̱, kó jmí ni íyatsjajín.

Xota̱ Ebreo̱ 1:1

Ni̱xtjin xcháján, Néná kjín ndi̱yà ko̱jo ja̱ kje̱ꞌe ja̱ kje̱ꞌe tsꞌén tsíchji̱a̱jo xota̱ xi xcháná nga katsꞌénkjién já chji̱ni̱e̱ꞌe̱én.