Markoo̱ 11:23 - Xo̱jo̱n eén Néná

²³ Ngatꞌa̱ ja̱koxi̱ ni xi xiánjnúꞌun nga ta̱ꞌya xota̱ní, xi bi̱ ka̱tso̱o̱ kui tji̱ngi̱i̱: “Ti̱xín ji kꞌi̱e̱e̱, kó tjajmijin ji yojòo̱ ngi̱jin ndáchíkoón”, ka̱ma ni xi ku̱i̱ꞌa, tsi kui xotaa̱ nga jó nga jánjín ku̱i̱ꞌíjñaá ini̱ma̱a̱, nga ta̱sá sꞌijii̱n nga ka̱ma ni xi katsó.

Markoo̱ 11:23 Iomraidhean Croise

Xo̱jo̱n Salmoo̱ 37:4

Tsjangatamaa̱ ngatꞌaa̱ Néná, kó kuí boá xi tsja̱á ni xi mejeén ini̱ma̱a̱.

Matioo̱ 14:13

Nga tsintꞌié Kjisoo̱ ni xi kiniꞌánjo̱ Jua̱ xi botíndaá, kijíyà ngo tjotso, sꞌe̱ xtji̱e̱e̱n ngo nangi kjiꞌitiya kijí, kó nga tsintꞌié xotaa̱, jatjoni na̱xi̱ńdaá nga kijíyise.

Matioo̱ 17:20

Kó Kjisoo̱, bi̱ katsó: –Ngatꞌa̱ ꞌniújín sꞌijinjnú, ngatꞌa̱ ja̱koxi̱ ni xi xiánjnúꞌun nga tsi ndeta̱ chií tsí sꞌijinjnú Néná xikó má tsꞌén xi̱xi̱ xojmaá mostasaa̱, ka̱ma bi̱ kꞌuínjnúu̱ kui tji̱ngi̱i̱: «Xín tꞌen ji», kó xín ko̱e̱je̱, kó ngayeje nii̱ xi ka̱ma si̱ꞌánjnú.

Matioo̱ 21:21

Sꞌe̱ Kjisoo̱, bi̱ katsoó: –Ja̱koxi̱ ni xi xiánjnúꞌun nga tsi ꞌniú sꞌijinjnú Néná, kó nga jmí tsi jó tsi ján kꞌuijñájnúu̱ ini̱ma̱jnú, jmí tsi ta̱kuítsí nii̱ yáꞌingoo̱ xi ka̱majnú, ngaskande ka̱ma tsi bi̱ kꞌuínjnúu̱ kui tji̱ngi̱i̱: «Ti̱xín ji kꞌi̱e̱e̱, kó tjajmijin yojòo̱ ngi̱jii̱n ndáchíkoón», kó bo̱a̱ ka̱ma.

Rkaa̱ 17:6

Sꞌe̱ Kjisoo̱, bi̱ katsó: –Tsi ndeta̱ chií tsí sꞌijinjnú Néná, xikó má tsꞌén xi̱xi̱ xojmaá mostasaa̱, ka̱ma bi̱ kꞌuínjnúu̱ kui yá sikómoroo̱: “Ngatjoníyá ji, kó ngi̱jin ndáchíkoón ngatamatji̱e̱ ji”. Kó ku̱i̱ntꞌiéꞌénjnú kui yaá.

Juaa̱ 14:13

kó ngayeje ni xi chji̱e̱ꞌèe̱ Na̱ꞌmii̱ ngajona, sa̱ꞌin an, tsi̱ꞌe̱ nga xcha̱ kjo̱a̱jee̱ Na̱ꞌmii̱ kjiꞌanga xcha̱ ni xi sa̱ꞌín ndií.

Juaa̱ 15:7

Tsi si̱ꞌanngora yojoná jún ko̱jo an, kó tsi énna kꞌuijñájinjnú, ngayeje ni xi chji̱a̱ꞌajnú, ko̱e̱ꞌéjnú.

1 Xota̱ Korinto̱ 13:2

Kó tsi tjínna ngo kjo̱a̱nda nga xiyà an én xí Néná tsjá, kó tsi makjínna ngayeje ni xi íꞌmá Néná ngasꞌe̱, kó tsi makjínna ta̱jmì niní, kó tsi ꞌniú sꞌijinna Néná, nga ngaskande ka̱mana sa̱ꞌintíyáa̱ ngo na̱xi̱, ta̱nga tsi jmíjínna kjo̱a̱tjó, jmí ni chjíjiín an.