Markoo̱ 10:33 - Xo̱jo̱n eén Néná

³³ bi̱ katsoó: –Tsitsíjenjnúu̱ nga kꞌi̱e̱ ndyi̱mongínnijíngí xtji̱e̱e̱n na̱xi̱ńdáꞌniú Jerusale̱n, kó ndií nda̱ xi̱ꞌii̱n si̱ꞌankꞌasꞌiee̱n já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó kuí xí tsja̱akjo̱a̱ nga si̱ꞌankꞌien, ko̱jo nga si̱ꞌankꞌasꞌiee̱n xota̱ xi jundío̱jín.

Markoo̱ 10:33 Iomraidhean Croise

Matioo̱ 16:21

Ndeskande koó kjiꞌa ítsꞌi̱yanii̱ Kjisoo̱ nga katsóyaà xota̱ tsi̱ꞌe̱, nga chjiéngá ko̱e̱je̱ na̱xi̱ńdáꞌniú Jerusale̱n, kó nga chjiéngá tsie kjo̱a̱ni̱ma̱ kjo̱a̱ꞌatio ngi̱ya tsja já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Matioo̱ 26:66

kótsꞌèn sasiénjnú kui nii̱ jún. Sꞌe̱ bi̱ katsó kui jaá: –Tjínrií jé, kó chjiéngá si̱ꞌankꞌien.

Matioo̱ 27:2

kó ítaꞌniú nga kijíjo̱, sꞌe̱ kiniꞌánkꞌasꞌiee̱n nda̱ xtitjón Ponsio Pilatoo̱.

Markoo̱ 14:64

Ja̱ jè kandaꞌyájnú nga chꞌo katsoó Néná, kótsꞌèn sasiénjnú kui nii̱ jún. Kó ngayeje xotaa̱ nga ndse̱je̱n kamá nínga bo̱a̱ katsó nga tjiín jé, ko̱jo nga chjiéngá si̱ꞌankꞌien.

Markoo̱ 15:1

Kó nga ꞌniú ta̱jño̱ó, ngije kamátikó xtín já ngito̱ko̱o̱ chináꞌmii̱, ko̱jo já xchá ngito̱ko̱o̱ na̱xi̱ńdaá, ko̱jo já chji̱ni̱e̱kjo̱a̱kitii̱, ko̱jo ngayeje jáxaá, tsangínjo̱ Kjisoo̱, kó ńꞌniú ikindyia, sꞌe̱ kiniꞌánkꞌasꞌiee̱n Pilatoo̱.

Markoo̱ 8:31

Kó Kjisoo̱ ítsꞌi̱yanii̱ nga akóyaá xotaa̱ nga ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Markoo̱ 9:12

Kó Kjisoo̱, bi̱ katsó: –Ja̱koxi̱ nga tjón Eliyaa̱ kjo̱e̱ꞌe, kó kuí xí sa̱ꞌíndaya ngayeje nii̱. Kó kótsꞌèn tjítꞌa xo̱jo̱n eén Néná kjo̱a̱a̱ ndií nda̱ xi̱ꞌii̱n. Tsó nga tsie xò kjo̱a̱ni̱ma̱ kjo̱a̱ꞌatio ko̱jo nga si̱ꞌanchꞌo xò.

Markoo̱ 9:31

ngatꞌa̱ xota̱ tsi̱ꞌe̱ akóyaá, kó bi̱ katsoó: Ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien, kó sa̱ꞌínkꞌién, kó ngije kiniꞌánkꞌién, xi ma jaán ni̱xtjin kjo̱a̱ꞌáꞌyaá.

Rkaa̱ 23:21

Ta̱nga kui xotaa̱ achichí ꞌniú tsíꞌá, nga bi̱ katsó nga askjandáyà: –¡Tjatꞌe ji kro, tjatꞌe ji kro!

Rkaa̱ 9:22

Kó bi̱ katsoó: –Ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱. Kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Juaa̱ 18:28

Tsangínjo̱ Kjisoo̱ ngindyi̱ko̱n Kaifaa̱, ki̱a̱ ndiꞌa nínga niꞌánjeé xotaa̱, nínga tikón nda̱ xtitjón xi chji̱a̱ni Roma̱. Kó kui jaá tsꞌasꞌienjín ndiꞌa nínga niꞌánjeé xotaa̱, tsi̱ꞌe̱ nga ka̱ma ndándíjín, kó bo̱a̱ tsꞌén ka̱ma skji̱ni̱e̱ ṉño̱o̱ sꞌué paskuaa̱.

Juaa̱ 18:32

Kui nii̱ kamá, tsi̱ꞌe̱ nga jatjosón ni xi katsó Kjisoo̱, nga katsóyà kótsꞌèn ko̱yà.

Juaa̱ 19:11

Sꞌe̱ Kjisoo̱, bi̱ katsó: –Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.

Ni xi kamá 13:27

Ngatꞌa̱ xota̱ na̱xi̱ńdá xí síndo na̱xi̱ńdáꞌniú Jerusale̱n, ko̱jo xota̱ xi botixómaá, kamábejín ꞌyání xi Kjisoo̱, ti̱nde kamákjínjiín kui én xí tsíchji̱a̱ já chji̱ni̱e̱ꞌe̱én Néná xi niꞌányà xki̱ ni̱xtjin ndikón ki̱a̱ ndiꞌa nínga ndokjo̱a̱ eén Néná, kó bo̱a̱ tsꞌén katsꞌénkjatjosón én xí ja̱bo̱a̱ je tsíchji̱a̱ já chji̱ni̱e̱ꞌe̱én Néná nga katsꞌénjeé Kjisoo̱,

Ni xi kamá 20:22

Kó ngotꞌe̱ ꞌne̱ tsꞌénfí an na̱xi̱ńdáꞌniú Jerusale̱n, nínga tjítsꞌénna kjo̱a̱ꞌniú A̱si̱énni̱xtjii̱n Néná, kó nde bejín an mí ni xi ka̱mana ki̱a̱a̱,

Xo̱jo̱o̱n Sandiyaá 5:6

Jún jè akjangitaꞌinjnú jé xota̱ xi kixi̱ xi jmí jéjiín, kó bo̱a̱ tsꞌén kiniꞌánkjiesónjnú kui xotaa̱ xi nde kamájiín tsꞌaxiéꞌá yojoo̱ nga bo̱a̱ kamátaꞌin.