Markoo̱ 10:30 - Xo̱jo̱n eén Néná

³⁰ nga sa̱kójiín ngotꞌe̱ nga tindyión kuí nga̱sondiee̱ úchán bo̱a̱ kjiꞌi ngase ndiꞌa, ko̱jo ntsꞌi̱e̱, ko̱jo ndichja, ko̱jo na̱aa̱n, ko̱jo ndí, ko̱jo tꞌanangii̱, ndatsi ku̱i̱yòtjíngií. Kó ni̱xtjin xi ndibaá sa̱ko̱ó kjo̱a̱mindyion ngatsjéni̱xtjii̱n.

Markoo̱ 10:30 Iomraidhean Croise

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Énkjínkón 16:16

Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱, ko̱jo nda ngase nga kꞌuiéná kjo̱a̱kjíntakón, ngatꞌa̱ chjí ngasenii̱ ta̱bo̱a̱jiín to̱ntiboaa̱.

Matioo̱ 12:32

Kó ta̱ ꞌyání xi chꞌo ka̱tso̱o̱ ndií nda̱ xi̱ꞌii̱n, si̱ꞌanjetakoón, ta̱nga xi chꞌo ka̱tso̱ kondra̱a̱ A̱si̱énni̱xtjii̱n Néná si̱ꞌanjetakónjiín, ti̱nde kui nga̱sondiee̱ xi̱ꞌbi̱, ti̱nde nga̱sondie xi sꞌe̱ ndibaá.

Matioo̱ 13:8

Ta̱nga ingo tjín kuí xojmaá xi ixó tꞌanangi xi ndaa̱, kó kisꞌiee̱ to, tjín xí katsjá kantié to, tjín xí katsjá ichítié ko̱jo tie, kó tjín xí katsjá úchán to nga ngo nga ngo.

Matioo̱ 6:33

Ta̱nga ta̱sá tjón mára ti̱ndyi̱séjnú nga si̱ꞌankjatjosónjnú kjo̱a̱botíxomaa̱ ko̱jo kjo̱a̱kixi̱i̱ Néná, kó ngayeje kui nii̱, ta̱ sꞌi̱sónrií nga sa̱kójnú.

Rkaa̱ 18:30

xi sa̱kójiín tsie ngase ni kui nga̱sondie xi̱ꞌbi̱, kó nga nga̱sondie xi sꞌe̱ ndibaá sa̱ko̱ó kjo̱a̱mindyion ngatsjéni̱xtjii̱n.

Juaa̱ 10:23

kó Kjisoo̱ jaꞌa ndi̱tsen na̱ngo̱xi̱i̱, tiña nínga tikón ngindie nga̱ntjo̱a̱a̱ Salomoo̱.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Ni xi kamá 16:25

Ta̱nga mején mára masien ni̱xtji̱e̱n, tji̱e̱nga Pabloo̱ ko̱jo Silaa̱ ndyi̱chji̱a̱a̱, ko̱jo ndyi̱siee̱ só xi ndaa̱ Néná, kó tji̱e̱nga já xí nijan síndojo̱ ngi̱ya ndo̱bo̱a̱ya̱à ndyi̱ntꞌiè,

Ni xi kamá 5:41

Kó kui já apostroo̱ ata̱ chichí tsja tjiín nga jataxie nínga síndo jáxaá, ta̱ngatꞌanii̱ nga Néná katsjaá nga jaꞌatio kjo̱a̱ni̱ma̱ kjo̱a̱a̱ nga tsintꞌiéꞌeén Kjisoo̱.

Xota̱ Roma̱ 5:3

Kó jmí tsi ta̱kuítsí nii̱ xi tsja máná, ti̱ tsjá máná kjo̱a̱a̱ kjo̱a̱ni̱ma̱ná, ngatꞌa̱ je ya nga kjo̱a̱ni̱ma̱a̱ bokoyáná nga kꞌuiéná kjo̱a̱chiyákjo̱a̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

2 Xota̱ Korinto̱ 6:10

Tindyionjne̱ xikoó xota̱ xi ndasen síndo, ta̱nga ngatsjéni̱xtjin nga tsjatjínjne̱. Tindyionjne̱ xikoó xota̱ ni̱ma̱, ta̱nga achichí xota̱ xi niꞌáncho̱njne̱. Tindyionjne̱ xikoó xota̱ jmí nijiín, ta̱nga ngayeje nii̱ xi tjínjne̱.

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.

1 Timoo̱ 6:6

Ta̱nga kjénní nga tsꞌéncho̱nná kui kjo̱a̱yandikoón Néná tsi tsja tjínná kjo̱a̱a̱ ni xi tjínná,

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Xo̱jo̱o̱n Sandiyaá 5:11

Tsitsíjenjnúu̱ nga xota̱ xi ndyi̱foaꞌatio kjo̱a̱ni̱ma̱a̱, xikónií tsi xota̱ xi achichíra̱tsjaa̱ ꞌmíjne̱. Jún je kandaꞌyájnú kótsꞌèn kichikjoaá nda̱ xi ꞌmí Joo̱b ngayeje kjo̱a̱ni̱ma̱ xi jaꞌatio, kó jè kamáyàjnú kó katsꞌénjo̱ Ndi̱a̱ná nga fetꞌaa̱, ngatꞌa̱ Ndi̱a̱ná ni̱ma̱ máa ñá kó koyakjo̱a̱ná nga.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

Ni xi akakoo̱ 2:9

Be án kjo̱a̱ni̱ma̱ xi tibitjatí ji, ko̱jo kjo̱a̱ni̱ma̱ xi tindyinjin ji, ndatsi nga ja̱koxi̱ cho̱n ji, kó ti̱ be án kótsꞌèn chꞌo chji̱a̱ kjo̱a̱a̱ ji kui xi xota̱ jundío̱ tsoó yojoo̱, ta̱nga xota̱ jundío̱jín bo̱a̱, ta̱sá kuí boá xi xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱.

Ni xi akakoo̱ 3:18

Kuíni nga bo̱a̱ tꞌíxiaán nga an tsꞌi̱tsiéní to̱nsinié xi je kiniꞌánchoo̱n ngi̱jin ndiꞌií, tsi̱ꞌe̱ nga ja̱koxi̱ nga cho̱n ka̱ma ji, kó an tsꞌi̱tsiéní ńjño tiboa xi xchi̱e̱je, kó kjoꞌmá kjo̱a̱soboáa̱ nga titsjaxtí, ko̱jo ndiki kolirio̱ tindyiée̱ ndyikin tsi̱ꞌe̱ nga ka̱matsijeen.