Markoo̱ 10:21 - Xo̱jo̱n eén Néná

²¹ Kósꞌe̱ Kjisoo̱ askotsijen ndá ndaá kui nda̱a̱, katsꞌéntjó, sꞌe̱ bi̱ katsoó: –Ta̱ ngo tsí ni xi chaja ngasee̱: Tꞌen, kó tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngije kachjábé jí króo̱.

Markoo̱ 10:21 Iomraidhean Croise

Jenesii̱s 34:19

Kó Sikee̱n ꞌniú ton kamáyàndikón ngi̱jii̱n xota̱ xkjín, kó nga ꞌniú kamámejeén na̱ Ndinaa̱, kui ko̱jo na̱ꞌmii̱ tji̱e̱nmá kijíchji̱a̱jo xota̱xa̱á kui na̱xi̱ńdaá,

Énkjínkón 23:23

Ti̱ndyi̱sé ji kjo̱a̱kixi̱i̱, ko̱jo kjo̱a̱kjínkoón, ko̱jo kjo̱a̱chji̱ni̱e̱e̱, ko̱jo kjo̱a̱kjíntakoón, ¡kó ngata̱ bosíkjejín ji kui nii̱!

Matioo̱ 16:24

Kósꞌe̱ Kjisoo̱, bi̱ katsoó xota̱ tsi̱ꞌe̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Matioo̱ 19:21

Sꞌe̱ Kjisoo̱, bi̱ katsoó: –Tsi mejeén nga kixi̱ ka̱ma ji, tꞌen, kó tatíñí ji ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Markoo̱ 10:22

Ta̱nga nga tsintꞌié kuí nda̱ xo̱ngo̱ò kui eén, achichí ndasen kamaá nga kijí, ngatꞌa̱ achichí ni tjiín.

Markoo̱ 8:34

Kósꞌe̱ Kjisoo̱ tsíchji̱a̱a̱ xota̱ tsi̱ꞌe̱, ko̱jo xota̱ kjiín, nga bi̱ katsoó: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱, kósꞌe̱ ngatjandibátjingína.

Rkaa̱ 10:42

ta̱nga ta̱ ngo tsí ni xi ꞌniú ndasen ngase, kó na̱ Riyaa̱ jè jaꞌájin ni xi ndaa̱, kó jmíjín xi kjo̱a̱ꞌáxiín kui nii̱.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 16:9

Kó an bi̱ xiánjnúꞌun jún: Ti̱ꞌankjiénjnú kjo̱a̱cho̱n xi tjín kuí nga̱sondiee̱ nga ko̱si̱ko̱jójnú xotaa̱, tsi̱ꞌe̱ nga kjín ngase amingo̱ kꞌuiéjnú, ki̱a̱ ka̱maa̱ nga kju̱i̱e̱ kui kjo̱a̱cho̱o̱n, Néná tsja̱ajnú ngi̱ndie xi tikón ngatsjéni̱xtjii̱n.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 19:41

Kó ngije ma kjachó tiña na̱xi̱ńdáꞌniú Jerusale̱n, nga askotsijen Kjisoo̱, askjandá kjo̱a̱a̱ kui na̱xi̱ńdaá,

Rkaa̱ 9:23

Kó bi̱ katsoó ngayeje xotaa̱: –Tsi tjín káꞌá xota̱ xi mejeén tsjiengína, ngatsꞌénchíyá yojoo̱, nga kjíbé kroo̱ ndyiojón ndyiojón, kósꞌe̱ ngatjandibátjingína.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Ni xi kamá 2:45

kó atíñá ni xi tjiín, sꞌe̱ to̱o̱n katsꞌénkabii̱ xotaa̱ xikótsꞌèn kamáchjieén nga ngo nga ngo.

2 Xota̱ Korinto̱ 12:15

Kó kuíni nga an, nga xikoó tsi na̱ꞌmijnú má an, achichí tsja ka̱mana nga sa̱ꞌínkjién yeje an ni xi tjínna, kó ngaskande yojona ngatjie tsi ta̱ngatꞌanii̱ nganda tsa̱jún. Tsi bo̱a̱ tsꞌén ꞌniú tjóna jún, a chiboa ngase ka̱matjójnú jún an.

2 Timoo̱ 3:12

Kó ja̱koxi̱ boá nga ngayeje xota̱ xi mejeén sku̱i̱e̱ndikón Néná, kó sꞌijii̱n Kristo̱ Kjisoo̱, tsie kjo̱a̱miyotji̱ngi kjo̱a̱ꞌatio.

Xota̱ Ebreo̱ 10:34

Ti̱ kamáni̱ma̱jnú xota̱ xi kisꞌińdoyà ndo̱bo̱a̱ya̱à, kó jmí ni kiꞌmíjínjnú nga xota̱xa̱á jaꞌáxínjnú ni xi kisꞌiejnú, ta̱sá tsja kamájnú, ngatꞌa̱ ja̱bo̱a̱ jè yàjnú nga ndiꞌakꞌajmii̱ tikónjnú ngo ni xi nda ngase, ko̱jo xi tikón ngatsjéni̱xtjii̱n.

Xo̱jo̱o̱n Sandiyaá 2:10

Ngatꞌa̱ ta̱ꞌya xota̱ní xi tsꞌénkjátjosón ngayeje kjo̱a̱kitii̱, ta̱nga tsi tjítsꞌénkjátjosónjín ngo ndiè chií kui kjo̱a̱kitii̱, sa̱kójérií kjo̱a̱a̱ ngayeje ni xi tjítꞌa kui kjo̱a̱kitii̱.

Ni xi akakoo̱ 2:14

Ta̱nga tikón chiboana ni kondra̱ tse̱: nga ki̱a̱ síndoo̱ chiboa xota̱ xi mejénjiín nga kjo̱ta̱xi̱ín kjo̱a̱bokoyaá Balaa̱n, kui xi atíxomaa̱ Balaa̱k tsi̱ꞌe̱ nga katsꞌénjé xota̱ xi chji̱a̱ni Israee̱l, tsi̱ꞌe̱ nga iskjinie ni xi je kiniꞌánkꞌasꞌiee̱n ngo a̱sie̱én ngo ne xi tsꞌénda xotaa̱, ko̱jo kjo̱a̱a̱ nga katsꞌén kjo̱a̱tondo̱.

Ni xi akakoo̱ 2:20

Ta̱nga tikónna ngo ni kjo̱a̱a̱ kondra̱ tse̱: nga tiniꞌínchíkjoée̱ kui xota̱chjo̱on xí ꞌmí na̱ Jesabee̱, kui xi na̱ chji̱ni̱e̱ꞌe̱én Néná tjítsoó yojoo̱, ta̱nga tsꞌénꞌboṉcha̱jo moso̱na tsi̱ꞌe̱ nga sa̱ꞌín kjo̱a̱tondo̱, ko̱jo nga skji̱ni̱e̱ nichinie xi je kiniꞌánkꞌasꞌiee̱n a̱sie̱én ngo ne xi tsꞌénda xotaa̱.

Ni xi akakoo̱ 2:4

Ta̱nga ngo ni tikónna kondra̱ tse̱: nga je ikꞌíjñímasin ji kui xi kiniꞌíntjé ji nga tjón tjón.