Markoo̱ 10:14 - Xo̱jo̱n eén Néná

¹⁴ Kó nga kamábe Kjisoo̱ kui nii̱, kamáxtií, kó bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Markoo̱ 10:14 Iomraidhean Croise

Xo̱jo̱n Salmoo̱ 78:4

Ka̱májín kꞌuiꞌmáa̱ ndíná kuí nii̱, chjiéngá kꞌuiyáa̱ xota̱ xi jaskan kꞌuieé xikótsꞌèn niꞌántsjáa̱ Néná, ko̱jo ngaꞌniú xí kisꞌiee̱, ko̱jo ni yiꞌi xi katsꞌén kuí.

Xki̱ 14:31

»Jún ki̱a̱ ku̱i̱xo̱jnú nga ko̱yàjnú ki̱a̱ nangi kixií, kó ki̱a̱ tsjayójo jesónjnú. Ta̱nga ndíjnú, kui xi kiniꞌánkjójnú nga moso̱ xi stiñá ka̱ma, kuí boá xi kꞌo̱sꞌien kui nangi xi kiniꞌánchꞌójnú jún.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 18:4

Ngatꞌa̱ ta̱ꞌya xota̱ní xi ni̱ma̱takón ka̱ma xikoó kui nda̱chií, kuí xi̱ꞌba̱ xi chjí ngasenii̱ ki̱a̱ ndiꞌakꞌajmi nínga botíxomaa̱ Néná.

Matioo̱ 19:14

Ta̱nga Kjisoo̱, bi̱ katsó: –Te̱ꞌéndièjnúu̱ kui jákjíndií nga kjo̱e̱ꞌe̱kónna, kó ngata̱ ꞌbíchjájínjnúu̱, ngatꞌa̱ ndiꞌakꞌajmi nínga botíxomaa̱ Néná kuí xí ka̱ma kꞌo̱sꞌien kui xi xikoó kui jákjíndií.

Matioo̱ 5:10

Achichíra̱tsjaa̱ xota̱ xi tjimíyotji̱ngii̱ ta̱ngatꞌanii̱ nga ni xi kixi̱ ndyi̱tsꞌèn, ngatꞌa̱ kuí xí tsi̱ꞌe̱ nínga botíxomaa̱ Néná.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Markoo̱ 3:5

Kósꞌe̱ ngije askoꞌá tamá ngayeje xota̱ xi jaꞌatjiyajoo̱n, ndasen kamaá ngatꞌa̱ ta̱nisién tajá ini̱ma̱a̱, kó bi̱ katsoó nda̱ xi kixíyà tsjàa̱: –Tjintie ndse̱. Kó kui nda̱a̱ yejéntie tsja, kó kamándaya.

Markoo̱ 8:33

Ta̱nga Kjisoo̱ katsꞌénkꞌafóyá nga askotsijee̱n ngayeje xota̱ tsi̱ꞌe̱, kó katsꞌénxchánjo̱ Peé, nga bi̱ katsoó: ¡Tji̱taxínboeꞌéní xindajín Satana̱! Ngatꞌa̱ jmí tsi nii̱ Néná xí tifojintakín, nii̱ xotaa̱ boá xi tifojintakín ji.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Ni xi kamá 2:39

Ngatꞌa̱ kuí nii̱ xi katsóyàtjón Néná nga tsja̱ajnú jún ko̱jo ndíjnú, ko̱jo xota̱ xi kjin síndo, ko̱jo ngayeje xota̱ xi Ndi̱a̱ná ku̱i̱chji̱a̱a̱.

Ni xi kamá 3:25

Jún boá xi xikoó tsi ndií já chji̱ni̱e̱ꞌe̱én Néná, ko̱jo ni xi índajo̱ Néná xota̱ tji̱e̱ xcháná, nga bi̱ katsoó Abraa̱n: “Ngayeje xota̱ na̱xi̱ńdá xí tjín nga̱sondiee̱ nda ka̱mataꞌin ngatꞌaa̱ xota̱ tji̱e̱ xi kꞌuieé ji.”

Xota̱ Roma̱ 11:16

Tsi tsjie kui pan xi tjón Néná je kiniꞌánkꞌasꞌiee̱n, ja̱ ngayeje pan xi ngasee̱ ti̱ tsjie nga, kó tsi ja̱ma̱a̱ yaá xi tsjie, ja̱ ti̱ ngayeje tjiaa̱ yaá xi tsjie nga.

Xota̱ Roma̱ 11:28

Kamámejénjiín xota̱ Israee̱l éntjatsi̱e̱e̱ Néná, ta̱ngatꞌanii̱ nganda tsa̱jún nga xota̱ Israee̱l kondraa̱ Néná kamá, ta̱nga Néná tjoó xota̱ Israee̱l ngatꞌa̱ jaꞌájin xota̱ tji̱e̱ xchaá.

1 Xota̱ Korinto̱ 14:20

Jún ntsꞌie, ngata̱ bo̱a̱jín tsꞌén fojintakónjnú xikótsꞌèn tsꞌénkjó jákjíndií, ta̱sá bo̱a̱ ti̱ꞌánjnú xikoó jákjíndií nga tsꞌensénjiín ni xi ndajiín, ta̱nga ti̱ꞌankjójnú xikoó ngo xota̱ xi xchá.

1 Xota̱ Korinto̱ 7:14

Ngatꞌa̱ kui xi̱ꞌin xi sꞌijinjiín Néná, jè kamátsjie ngindyi̱ko̱n Néná ngije ngo chjo̱on xí sꞌijii̱n Néná tikónjo̱, kó chjo̱on xi sꞌijinjiín Néná, jè kamátsjie ngindyi̱ko̱n Néná, ngije ngo xi̱ꞌin xi sꞌijii̱n Néná tikónjo̱, ngatꞌa̱ tsi bo̱a̱jín kjiꞌi, ndií tsjiejín ka̱ma ngindyi̱ko̱n Néná tsobo̱a̱, ta̱nga ngotꞌe̱ ꞌne̱, jè xota̱ tsjiee̱ Néná kamá.

Xota̱ Éfeso̱ 4:26

Tsi si̱ꞌanxchánjnú, ngata̱ niꞌánjéjínjnú, kó nga jmí tsi nga ngo ni̱xtjii̱n nga kꞌuijñájnú kui kjo̱a̱xcha̱án.

2 Timoo̱ 1:5

Foaꞌátsjienna nga ngayeje ini̱ma̱a̱ nga sꞌijii̱n Néná. Tjón má na̱xcháa̱ xi ꞌmí na̱ Loindaa̱ kisꞌijii̱n, ko̱jo na̱áa̱n xi ꞌmí na̱ Eunisee̱ nga. Kó ngotꞌe̱ ꞌne̱ be an nga ti̱ bo̱a̱ ti̱ tsꞌén sꞌijii̱n ji nga.

2 Timoo̱ 3:15

kó nga ndeskande koó nga nda̱chí ji nga ye ji xo̱jo̱n én tsjiee̱ Néná, kui xi tsi si̱ꞌinye ji, tsja̱á kjo̱a̱kjínkón, tsi̱ꞌe̱ nga kjo̱tjoꞌàa̱ yojòo̱ nga sꞌijii̱n Kristo̱ Kjisoo̱.

1 Xo̱jo̱o̱n Peé 2:2

Ngatamajnú xikoó ngo ndí xi sꞌe̱ katsen má, xi ma mejeén ndáchíkií na̱aa̱n, bo̱a̱ tsꞌén ngatamamejénjnú eén Néná, xikoó xi mejeén kꞌuí ntsjén xí kuí soboá soboaá, tsi̱ꞌe̱ nga nda tsꞌén ka̱maxchájnú, kó kjo̱tjoꞌa kjin kjinjnú,

Ni xi akakoo̱ 14:5

kó nde ngo kjo̱a̱ndiso tsíchji̱a̱jín tsꞌoa, ngatꞌa̱ ta̱nisién tsjie síndo ngindyi̱ko̱n xi botixómaá.