Markoo̱ 10:1 - Xo̱jo̱n eén Néná

¹ Kó Kjisoo̱ jatjo ki̱a̱a̱, sꞌe̱ kijí nangi Jundea̱ ko̱jo nangi xi tikón xtji̱e̱e̱n xi ingoboaá ndejèꞌ Jorndaa̱n, kó ki̱a̱ ti̱ kamátikótꞌa nginií xota̱ na̱xi̱ńdaá, kó xikótsꞌèn ngaá, ti̱ ítsꞌi̱ya nginí nga akóyaá xotaa̱.

Markoo̱ 10:1 Iomraidhean Croise

Eklesiastee̱ 12:9

Kó kui Nda̱ xi Tsáyà Eén, achichí kjínkón kamá, nga ngaskande akóyaá xota̱ na̱xi̱ńdaá tsi̱ꞌe̱ nga kjínkón kamá nga, kó akóyaá tsi̱ꞌe̱ nga ko̱siénnijon, ko̱jo nga skjítꞌoyà, kó achichí énkjínkón xi katsꞌénda ko̱jo índonda.

Matioo̱ 26:55

Ti̱ kuii̱ chi̱bo̱a̱, bi̱ katsoó Kjisoo̱ ngayeje xotaa̱: –A chejé án nga ki̱cha̱ndojó ko̱jo nga yá kichꞌiájnú nga jéꞌe̱ndoboájnúꞌun. Ndyiojón ndyiojón akoyá an ndi̱tsen na̱ngo̱xi̱i̱, kó kandobájínjnúꞌun.

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Markoo̱ 1:21

Sꞌe̱ Kjisoo̱ ko̱jo xota̱a̱ jachó na̱xi̱ńdáꞌniú Kapernau̱n, kó nga ni̱xtjin ndikón, tsꞌasꞌien ndiꞌa nínga ndokjo̱a̱ eén Néná, kó ítsꞌi̱yani nga akóyá eén Néná.

Markoo̱ 10:2

Kó já fariseoo̱ jachókón tiñaa̱ Kjisoo̱ tsi̱ꞌe̱ nga askotꞌayákón, kó asíyaá tsi tsjandiè kjo̱a̱kitii̱ nga ngo nda̱ xi je ixán sa̱ꞌínkjié kjo̱a̱bixaa̱n.

Markoo̱ 12:35

Nga tsꞌénbokoyá Kjisoo̱ ndi̱tsen na̱ngo̱xi̱i̱, bi̱ katsó: –Kótsꞌèn nga já chji̱ni̱e̱kjo̱a̱kitii̱ tsó nga Kristoo̱ xota̱ tji̱e̱e̱ Ndabii̱ xò kjindibáni.

Markoo̱ 14:49

Ndyiojón ndyiojón akoyá an ndi̱tsen na̱ngo̱xi̱i̱, kó kandobájínjnúꞌun, ta̱nga kui nii̱ kjimá tsi̱ꞌe̱ nga kjo̱tjosón ni xi kjitꞌa xo̱jo̱n eén Néná.

Markoo̱ 2:13

Kó ti̱ kijí nginí Kjisoo̱ tꞌa ndáchíkoón, kó kjín xota̱ kijíkóntiñaa̱, kó Kjisoo̱ akóyaá kui xotaa̱.

Markoo̱ 4:2

Kó achichí má ni xi tsíchji̱a̱jo nga katsꞌénkjién énkjín, bi̱ katsó nga akóyaá:

Markoo̱ 6:2

Kó nga jachó ni̱xtjin ndikoón, Kjisoo̱ ítsꞌi̱yanii̱ nga akóyá ngi̱ya ndiꞌa nínga ndokjo̱a̱ eén Néná. Kó achichí má xota̱ xi kijíndikoón nga tsintꞌieé, kó bi̱ katsó nga asíyaá xkjín: –Ñá tsꞌaxiéni kui nda̱a̱ ngayeje kui nii̱. Ñá kijíkjaꞌání kui kjo̱a̱kjínkoón, ko̱jo kui kjo̱a̱ndikón xí tsꞌénní ngi̱ya tsja.

Markoo̱ 6:34

Kó nga jatjajen Kjisoo̱ tjotso jee̱, kamábe xota̱ kjiín, kó ni̱ma̱ kamaá ngatꞌa̱ kui xotaa̱ tjimá, xikó maá cho̱tsa̱nga̱ xi jmí ndi̱a̱jiín, kó ítsꞌi̱yanii̱ nga kjín ni akóyaá.

Markoo̱ 6:6

Kó Kjisoo̱ achichí kijíndikoón kjo̱a̱a̱ nga kisꞌijinjiín kui xotaa̱. Kó kijí ndí nangi xi síndotꞌa kui ngi̱ndiee̱ nga akóyá.

Juaa̱ 10:40

Sꞌe̱ ti̱ kijí nginí Kjisoo̱ xi ingoboaá ndejèꞌ Jorndaa̱n, ki̱a̱ nínga tjón atíndá xota̱ Juaa̱, kó ki̱a̱ kisꞌijña.

Juaa̱ 11:7

sꞌe̱ bi̱ katsoó xota̱ tsi̱ꞌe̱: –Tjián ngiñá ingo ndi̱yà nangi Jundea̱.

Juaa̱ 18:20

Sꞌe̱ Kjisoo̱, bi̱ katsó: –An, ngongá nínga tsijen tsíchji̱a̱jo an xotaa̱ kui nga̱sondiee̱, ngatsjéni̱xtjin akoyáa̱ ngi̱ya ndiꞌa nínga ndokjo̱a̱ eén Néná ko̱jo ndi̱tsen na̱ngo̱xi̱i̱, nínga matikó ngayeje xota̱ jundíoo̱, jmíni̱xtjin nga nínga ꞌma tsíchji̱a̱jo an.