Markoo̱ 1:8 - Xo̱jo̱n eén Néná

⁸ An, nga ja̱koxi̱ ndáfoa xí atindáníjnúꞌun, ta̱nga kui xi sꞌe̱ kji̱ndi̱baá, A̱si̱énni̱xtjii̱n Néná xí ko̱tíndánijnú.

Markoo̱ 1:8 Iomraidhean Croise

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Markoo̱ 1:7

Bi̱ katsó nga íni̱jmì: –Jaskan an ndibá ngo nda̱ xi tjín ngasee̱ ngaꞌniú, kó ngaskande an tsoboájínna nga kotíjña̱ndo an nga skjíndóo̱ ńꞌniuú tji̱xíndieé.

Markoo̱ 1:9

Kui ni̱xtjin jàn, Kjisoo̱ jatjoni na̱xi̱ńdáꞌniú Nasaree̱t, ngo ngi̱ndie xi tikón nangi Ngalilea̱, kó Juaa̱ atíndá Kjisoo̱ ki̱a̱ ngi̱jin ndejèꞌ Jorndaa̱n.

Rkaa̱ 3:16

ta̱nga Juaa̱, bi̱ katsoó ngayeje kui xotaa̱: –An, nga ja̱koxi̱ ndáfoa xí botindá án, ta̱nga sꞌe̱ ndibá ngo xi tjín ngasee̱ ngaꞌniú ta̱bo̱a̱jiín án, kui xi ngaskande tsoboájínna nga an skjíndóo̱ ńꞌniuú tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xi ko̱tíndánijnú.

Juaa̱ 1:26

Sꞌe̱ bi̱ katsó Juaa̱ nga tsíchji̱a̱: –An ndáfoa xí botindání an, ta̱nga kꞌi̱e̱ tikónjinná ngo xi yàjínjnú,

Juaa̱ 1:33

Kó nde bejín an ꞌyání kui, ta̱nga kui xi katsangiyana nga ndáfoa tsꞌénbotindá án, bi̱ katsóna: “Kui xi xchi̱e̱ ji nga kjo̱tjajennié A̱si̱énni̱xtjii̱n kó nga ki̱a̱ kꞌuijñájíi̱n, kuí xi̱ꞌba̱ xi A̱si̱énni̱xtjii̱n Néná xí ko̱tíndání.”

Ni xi kamá 1:5

Ngatꞌa̱ ja̱koxi̱ boá nga Juaa̱ ndáfoa atíndání xotaa̱, ta̱nga ngi chiboa ni̱xtjin, kó jún sa̱tíndánijnú A̱si̱énni̱xtjii̱n Néná.

Ni xi kamá 10:45

Kó kui xota̱ jundío̱ xi sꞌijii̱n Néná xi nijan jachójo̱ Peé achichí kijíndikoón nga ko̱jo kui xota̱ xi jundío̱jiín kisꞌijñajii̱n A̱si̱énni̱xtjii̱n Néná nga,

Ni xi kamá 2:17

Bi̱ ka̱ma nga kju̱i̱e̱tꞌa ni̱xtjii̱n, tsó Néná, skjitjónjón an A̱si̱énni̱xtjinna ngayeje xota̱, ndí xíꞌínjnú ko̱jo ndí ínchjínjnú ku̱i̱chji̱a̱ xikoó chji̱ni̱e̱ꞌénna, jákjíndí xo̱ngòjnú kjín to̱ko̱ya ni ko̱ko̱ó, kó xota̱ xi xchaá ngi̱jin ńjñaá ko̱e̱ꞌéchinii̱.

Ni xi kamá 2:4

kó ngayejee̱ nga tsꞌasꞌieén A̱si̱énni̱xtjii̱n Néná, kó ítsꞌi̱yanii̱ nga tsíchji̱a̱ ja̱ kje̱ꞌe ja̱ kje̱ꞌe én, xikótsꞌèn katsjaá A̱si̱énni̱xtjii̱n Néná nga ku̱i̱chji̱a̱.

1 Xota̱ Korinto̱ 12:13

Ngatꞌa̱ ta̱ ngo tsí A̱si̱énni̱xtjii̱n Néná xi kastindá ngayeje ñá, kó ngayeje ñá nga katseꞌéná nga kiꞌyó ti̱ kui A̱si̱énni̱xtjii̱n, kó bo̱a̱ tsꞌén nga ta̱ ngo yojo kamá, tsi xota̱ jundío̱, ko̱jo tsi xota̱ xi jundío̱jín, tsi moso̱ xi kastiñá, ko̱jo tsi xota̱ xi tjimándé.