Markoo̱ 1:5 - Xo̱jo̱n eén Néná

⁵ Kó ngayeje xota̱ xi tjín nangi Jundea̱, ko̱jo ngayeje xota̱ xi tjín na̱xi̱ńdáꞌniú Jerusale̱n, jataxie nga tsintꞌieé. Kó Juaa̱ atíndá kuí xotaa̱ ngi̱jii̱n ndejèꞌ Jorndaa̱n, kó ki̱a̱ katsóyà jeé.

Markoo̱ 1:5 Iomraidhean Croise

Xo̱jo̱n Salmoo̱ 32:5

Ta̱nga kixiyaa jéna, kó iꞌmájaán ni ndajín xi katsꞌen an. Bi̱ kixian an: Xiyàa̱ Néná ni xi ndajín xi katsꞌen an. Kó jí boá xi kiniꞌínjetakínní kuí ni xi ndajiín jé xí katsꞌen an.

Énkjínkón 28:13

Xi ꞌbíꞌmá jé xi tsꞌén, jmíni̱xtjin nda ko̱e̱je̱e̱, ta̱nga kui xi ka̱tso̱yaa̱, kó ngiti̱ sa̱ꞌínjéjín, kuí boá xi sa̱ko̱ó kjo̱a̱jetakoón Néná.

Matioo̱ 4:25

Kó achichí má xota̱ xi kijítji̱ngii̱ xi chji̱a̱ni nangi Ngalilea̱, ko̱jo Ndekápoli̱, ko̱jo na̱xi̱ńdáꞌniú Jerusale̱n, ko̱jo nangi Jundea̱, ko̱jo ngayeje ngi̱ndie xi síndotꞌa ndejèꞌ Jorndaa̱n.

Markoo̱ 1:4

Kó ki̱a̱ jachó Juaa̱ nangi kixií tsi̱ꞌe̱ nga atíndá xotaa̱, kó íni̱jmì nga sa̱tíndá, tsi̱ꞌe̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, tsi̱ꞌe̱ nga si̱ꞌanjetakoón.

Markoo̱ 1:6

Ńjño xi tsajá Juaa̱ tsja̱a̱ cho̱toꞌoyitsꞌe̱n kamándani, kó ngo tji̱xin íkjá ndáyaá, kó chjo̱bo̱a̱ ko̱jo ntsjién xí ꞌbé ngindie kꞌijñá jàn xí iskjinie.

Juaa̱ 1:28

Kui nii̱ xi kamá na̱xi̱ńdá Betania̱, ngándaá ndejèꞌ Jorndaa̱n, nínga Juaa̱ atíndá xota̱.

Juaa̱ 3:23

Kó ti̱ ki̱a̱ kisꞌijña Juaa̱ nga atíndá xota̱ ki̱a̱ na̱xi̱ńdá Enoo̱n, tꞌa na̱xi̱ńdá Salii̱n, ngatꞌa̱ achichí ndáfoa kisꞌie ki̱a̱a̱, kó xotaa̱ ki̱a̱ kijí tsi̱ꞌe̱ nga kastindá.

Juaa̱ 5:35

Juaa̱ boá kui ndiꞌí xí kití ko̱jo xi katsꞌéntsijee̱n, kó jún kamámejénjnú nga tsja kamájnú kui ndiꞌií chiboa ni̱xtjin.

Ni xi kamá 19:18

Kó achichí kjín má xota̱ xi je kisꞌijii̱n eén Néná xí katsóyà ngindyi̱ko̱n xota̱ na̱xi̱ńdaá ngayeje ni xi ndajínkjiꞌi xi katsꞌén ngasꞌe̱.

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Xo̱jo̱o̱n Sandiyaá 5:16

Kuíni nga ja̱kꞌi̱e̱ ja̱ngaján tꞌíyájnúu̱ xingi̱jnú jé xí kiniꞌánjnú, kó ja̱kꞌi̱e̱ ja̱ngaján ndókjo̱a̱tjéjnú xingi̱jnú, tsi̱ꞌe̱ nga ka̱mandayajnú. Kjiꞌanga ngo xota̱ xi kixi̱ ku̱i̱chji̱a̱a̱ Néná tjínrií ngaꞌniú ni xi ku̱i̱chji̱a̱.